Онгон хальс шошго гэж yy?

Эрчүүдээс судалгаа авахад зуугаас хоёр зуун жилийн өмнөхтэй адил 10 эрийн 8 нь зөвхөн онгон охинтой гэрлэхийг хүсдэг хэвээр гэнэ.

Дахин гэрлэсэн эмэгтэйчүүдээс асуулга авахад 10 нөхрийн 7 нь боломж л гарвал эхнэрээ онгоноороо өөрт нь ирээгүй гэж буруутгаж, зэмлэсээр байдаг байна. Тэгэхээр бэлгийн амьдралын туршлагатай залуу бүсгүйчүүд амьдралын гараан дээр л элдэв асуудал бэрхшээлтэй учирдаг. Орчин үед харин үүнийг залруулчихаж болно, бүр болохгүй бол нөхрөө сольчихно, эсвэл эмч нарын тусламжтайгаар буцаад онгон болоход ядах юм ер алга, хэдэн доллараар баатар эхийг ч онгон болгож дөнгөнө. Oнгон хальс бол эмэгтэй хүний дотоод орчныг гаднахаас тусгаарлах хил. Гэхдээ эртнээс нааш онгон хальс нь эмэгтэй хүний эрүүл мэндээс гадна өөр үнэ цэнэ, утга агуулсаар ирсэн. Олон ард түмэн одоо ч онгон байх нь эмэгтэй хүний нөхөрт гарах хамгийн гол чухал нөхцөл гэж үзсээр байна. Анхны шөнийн дараа цус болсон орны даавууг олны өмнө бахархалтайгаар үзүүлж, харин охин биеэ хуримын анхны шөнөөс өмнө гээсэн бүсгүйчүүдийг төрсөн эцэг, ах нар нь алдаг заншил зарим газар байсаар байна. Нутаг нутгийн заншил өөр, зарим нэгэн ард түмний дунд онгон биеийг хөндөхөд ялгардаг цусыг муу муухай зүйл, өвчин авчирдаг гэж үзэн онгоныг цоолох үүргийг омгийн ахлагч эсвэл бөө, төлөгч нарт хариуцуулж өгдөг байв. Өөрөөр хэлбэл муу муухайн эсрэг сөрөн босох чадалтай хүчтэй хүн онгон охидын биеийн хөнддөг байна. Энэ бүхний дүнд онгон хальс нэг ёсны шошго болон хувирчээ, яг л дэлгүүрт өлгөөтэй байгаа шинэ хувцасны шошго шиг. Гэхдээ эмэгтэйгээс хамааралгүй шалтгаанаар онгон хальс цоорох нь бий, хүүхэд насанд гэмтсэн, эсвэл туршлагагүй эмэгтэйчүүдийн эмч үзлэг хийх үеэр цоолох, үгүй бол төрөлхийн онгон хальсгүй хүн ч байдаг. Yүний зэрэгцээ бэлгийн амьдралаар амьдардаг ч онгон хэвээр байж болно, лесби дурлал, хойт сүвийн, аман секс, петтинг… Мөн мэс заслын аргаар эргээд охин болж хувирах амархан, онгон хальсны тасархай үзүүрүүдийг нийлж зохих ёсоор оёулахад л болоо. Эмэгтэйчүүд онгон хальсаа нөхөж оёулдаг нь хэдэн шалтгаантай.

1.Бүсгүй өөрөө онгон хальс цоолуулах үеийн мэдрэмжийг дахин амсахыг хүсдэг, эсвэл амраг эр нь онгон охинтой хавьтахыг хүссэн бол түүний хүсэлд нийцүүлэх гэж ийм алхам хийдэг.

2.Эмэгтэй хүн өөрийн хүслээс гадуур онгон биеэ гээсэн, хүчиндүүлсэн, гар хангалга хийж байгаад онгон хальсаа цоолуулсан бөгөөд буцаад охин болохыг хүссэн.

3.Мөнгөтэй, баян ирээдүйн нөхөр болох хүн нь зөвхөн онгон охинтой гэрлэнэ гэсэн болохоор онгон хальсаа оёулдаг.

Одоо онгон хальсаа оёулах гэсэн эмэгтэйчүүдийн зэрэгцээ мэс заслын аргаар цоолуулах гэсэн хүсэлт ч ирдэг байна. Орчин үед онгон охиноос айдаг эрчүүд байдаг гэнэ. Ялангуяа өсвөр насны хязгаарыг дөнгөж давж буй 18-23 насны эрчүүд. Охидод багаас нь анхны удаа өвддөг гэж ойлгуулдаг. Иймээс анх удаа хавьтаж байхдаа охид биеэ барьж айдаг, өвдөх байх гэж бодох тусам улам их өвддөг. Харин хөвгүүд эрчүүдэд багаас нь онгон охинтой хавьтсан бол заавал цус гарах ёстой гэж ойлгуулдаг. Их тусмаа сайн, хэрэв цус гараагүй бол өөрийг чинь хуурсан гэж сургадаг. Онгон хальс үтрээний сүвний хэмжээнээс хамааралгүй, их сунамтгай байдаг. Иймээс онгон хэвээр байсан хэрнээ жирэмсэлж болно. Харин мэс заслын аргаар оёулж, дахин онгон болсны дараа заавал цус гарна.

Судлаачид сурагчдаас судалгаа авахад ихэнх нь бэлгийн амьдралд их эрт орсондоо харамсаж байжээ. “Анхны сэтгэгдлийг хоёр дахь удаагаа төрүүлж болохгүй” гэж ярьдаг, гэхдээ хэрэв шаардлагатай хэмжээний мөнгөтэй бөгөөд шаардлага гарвал энэ зүйр үгийг үгүйсгэж болох биз.