Төрсний дараа сексдэж болох уу

Сэтгэл судлаачдын үзэж байгаагаар гэр бүлтэй хосуудын бараг тэн хагас нь хүүхэд төрснөөс хойш жил гаран болсны дараа бэлгийн харьцаагаа сэргээдэг гэнэ. Олон хүмүүс хүүхэд төрсний дараа бэлгийн харьцаанд өөрчлөлт орсон гэж тооцдог ч хэзээ ч бие биетэйгээ энэ тухай ярьдаггүй.

Эмэгтэй хүн бэлгийн харьцаанд орохын тулд өөрийг нь хайрлаж, дурлаж байна гэдгийг мэдрэх хэрэгтэй байдаг бол харин эрэгтэй хүн хайрлуулж байна гэдгээ мэдрэхийн тулд секс хийх хэрэгтэй байдаг.

Ямар нэг шалтгаанаар секс алга болчихвол эр хүн өөрийгөө хаягдсан гэж үздэг юм байна. Зарим эмэгтэй хүүхэд гаргаснаас хойш гурван сарын дараа ч бэлгийн хурьцлын үед өвдөлт, таагүй байдлыг мэдэрсээр байдаг тул аль болох ойртохоос зайлсхийдэг, Секс судлаачид хэрэв яарахгүй бол олон хэцүү асуудлыг шийдэж болно гэдэг.
“Төрөлтийн дараа оёдол тавиулсан бол шууд ойртож болохгүй нь мэдээж. Хоёр биенээ энхрийлэн хайрлаж, үнсэлц. Аажмаар яваандаа боломжтой үед ойртвол болно” гэж тэд ярьж байна. Янз бүрийн асуудал зөвхөн бие өвдөх үед ч биш бас сэтгэл санаа тавгүй, мэдрэлийн ядаргаанаас ч үүсэн гарч болдог. Мөн унтлагын өрөөнд хүүхэд байвал бас дур тачаалыг бууруулах хүчин зүйл болдог байна. Эмэгтэйчүүдийн сэтгэлийн “шарх” буюу төрөх үеийн өвчнийг мэдэрсэн сэтгэгдэл нь биеийн оёдол, шарх эдгэсний дараа ч удаан хугацаагаар мартагддаггүй.

Нэг бүсгүй “Төрөлт надад сонин сэтгэгдэл төрүүлсэн. Миний доор тэнд маш том болчихсон мэт санагдан, хурьцал хийх боломжгүй байх гэж бодож байсан. Эхний ойртолтын үсд би нөхрөөсөө “бүх зүйл хэвийн байна уу” гэж асуухад тэр “тийм” гэж батлан хариулсан ч би тэр намайг бодоод л эелдэг зан гаргалаа гэж бодож байсан. Хэсэг хугацааны дараа л би урьдынх шигээ мэдэрч эхэлсэн” гэж ярьлаа. Хүүхдийг хөхөөрөө тэжээх нь секс хийх сонирхолд нөлөөлдөг байна. Бэлгийн ойртолт, хурьцал бол амьдралын бүх л дүрүүдийг холбож өгдөг. Янаг халуун амрагууд, эцэг эх болж өөрчлөгдөн хувьсаж, хөгжиж байдаг. Тиймээс өөрсдийн бэлгийк харьцаагаа хадгалцгаа. Аль болох их хоорондоо харьц. Ямар шалтгаанаас болоод ойртохгүй байгааг мэдэж байгаа тул энэ чухал биш. Шууд л ойртох гэж бүү оролд. Эхлээд энхрийл, аяндаа ойртолт хэвийн болно.

Гармоны өөрчлөлт, сэтгэлийн түгшүүрээс болж үтрээ хуурай байж болох тул тос, крем түрхэж болно. “Хажуугаар хэвтэх” эсвэл “эмэгтэй дээрээ” байрлал нь эмэгтэй хүнд байдлыг хянах боломж олгон, ойртох үед өвдөлтийг багасгах ач холбогдолтой. “Хэрэв ойртох үед өвдөх нь хэвээр байгаад байвал дуугүй шаналж байснаас эмчид үзүүл. Энэ бол түр зуурын зүйл гэдгийг санаж яваарай. Та үргэлж ядарч эсвэл өвдөлт мэдэрч байхгүй шүү дээ.

Тэгэхээр хүүхэд төрсний дараах сайн талуудыг анзааран мэдэрч, таашаал авч сур. Цаашдын бэлгийн амьдралдаа бүү санаа зов.

/Хань/ сонин