Ор хөнжилд орохын өмнөх айдас

Эмэгтэй хүн ер нь их аймхай гэж үздэг. Гэхдээ эмэгтэйчүүд өөрсдөө болохоор үгүй бид зоригтой л гэдэг юм. Гэтэл жишээ нь гэрэлтэйд нүцгэлэх юмуу ямар нэг секс хийх хэрэг гарвал айж ичдэггүй эмэгтэй тун ховор. Ер нь ор хөнжлийн ажилтай холбоотой тун олон айдас эмэгтэй хүнд оршдог. Гэхдээ эдгээр нь зөвхөн таны тархинд байгаа айдас гэдгийг тэд ойлгож өгдөггүй. Тэгвэл сэтгэл судлаачийн өгсөн зөвлөгөөний тусламжтай зохиомол айдсуудыг арчиж хаях боломж нээгдэж байна.

1. “Миний бие муухай” гэсэн айдас байдаг. Эр хүнтэй ойртох болохоор тэд биеийнхээ хэлбэр галбираас ичиж айж эхэлнэ. Тэгээд хав харанхуйд хөнжил дотор секс хийхийг эрхэмлэдэг. Энэ айдсыг яаж давах билээ. Хэд хэдэн арга зам бий. Нэгдүгээрт нуух зам байна. Ямар нэг хөнгөн дотуур хувцастай байх замаар биеийн дутагдалаа нууна. Хоёрдугаарт өөртэйгөө ажиллана. Та өөрийн бие хаад сэтгэл хангалуун байхын хэрээр эрчүүд мөн тэгэж ханддаг. Гуравдугаарт таны бие таалагдаж байгаа эсэхийг эр хүнээс шууд асууж болно. Магадгүй та түүнд аливаа дутагдалтайгаа хамт таалагдаж байж мэдэх юм.

2. “Хиртэй муухай дотуур хувцастай хэмээх айдас. Ийм хувцастай явдаг эмэгтэйчүүд тун олон. Тэгээд хайртай эр хаа ч хамаагүй гэнэт дайрч хувцас тайчаад харчих вий хэмээн айдаг. Танд гэж зөвлөхөд үргэлж цэвэр сайхан дотуур хувцастай явж сурах хэрэгтэй.

З. Олонхи эмэгтэйчүүд сексийн үед элдэв дуу чимээ гарахаас ихэд айдаг. Хадмууд юмуу хажуу айлын хүн сонсчих вий гэж айна. Хэрэв та байнга ингэж айж түгшээд байвал эр хүн таныг хүсэхээ больж эхэлдэг шүү. Та хоёр л аз жаргалтай байх учиртай болохоос биш хүрээлж байгаа хүмүүс онцын ач холбогдолгүй.

Хувийн соёл 308