Ажил хэрэгч эмэгтэй яагаад сексийн ханамж авдаггүй вэ?

Ажил хэрэгч эмэгтэйн амьдралын хэв маяг нь сексийн таашаал авахад гол бэрхшээл болдог. “Менежерийн синдром” гэх нэр томьёо ч гарчээ. Хүний өдөр тутмын үйл ажиллагаа минут секундээр хэмжигдэхэд секс гээч нь хойшлуулж болох нэгэн хүчин зүйл болон хувирдаг байна. Аажимдаа сексдэх ямар ч сонирхолгүй болох, сексээс таашаал авахаа болих зэргээр хань нөхөр, хостойгоо үл ойлголцох байдал бий болдог. Хэрэв эмэгтэй та “менежерийн синдром”-той нэгэн бөгөөд үүндээ шаналдаг бол зоорх зөвлөмж гэр бүлийн тань уур амьсгалыг тааламжтай болгоход бага ч атугай нөлөөлнө гэдэгт найдаж байна.

-Гэртээ ажилтай холбоотой асуудлаа бүү авчир. Ажлын асуудал бол ажил дээр л байх ёстой гэсэн алтан дүрмийг баримтал.

-Хань нөхөр, хостойгоо тушаасан, захирангуй аясаар ярихгүй байхыг хичээ. Эрэгтэй хүн үүнийг их эшэглэн хүлээн авдаг. Ямар ч тохиолдолд эмэгтэйлэг байх нь танд ашигтай.

-Ажил хэрэгч эмэгтэйчүүд янз бүрийн хүлээн авалт, цайллаганд нилээд оролцох нь бий. Хоол унд, архи дарсны хэтрүүлэг нь гэр бүлийн сексийн амьдралд тааламжтай нөлөөлдөггүй тул үүнд маш болгоомжтой хандах хэрэгтэй.

-Сексийн хүслийг сэргээдэг халуун ногоог хоол хүнсэндээ аль болох түлхүү хэрэглэ /чинжүү, перец, сонгино, сармис/. Эдгээр нь эрүүл мэндэд ч тустай.

-Дандаа албархаг хувцаслах хэрэггүй. Баяр ёслол, амралтын үед ч юмуу даашинз өмсөх, эмэгтэйлэг байдлаар хувцаслахыг хичээгээрэй.

-Нөхөр хостойгоо хамтдаа өнгөрөөх боломж бүрийг ашигла. Ойр дотно байх мөч бүр /үзвэр ший хамтдаа үзэх, кафе ресторанд хооллох, үдэшлэг уулзалтанд очих гэх мэт/ та хоёрыг нягтруулж, сексийн амьдралд ч таатай нөлөөлөх нь гарцаагүй.

Эцэст нь хэлэхэд албан тушаал бол үүрдийнх биш, харин гэр бүлийн халуун дулаан уур амьсгал таныг ямар ч үед тэврэн угтаж авдгаараа ялгаатай. Тиймээс л гэр бүлээ эрхэмлэн, нэн тэргүүнд тавихыг зөвлөе.

SOURCE: Хань