Сексээс түр зуур татгалзаж болно, харин түүнийг мартах юмуу ор тас үгүйсгэж болохгүй…

Тачаангуй янаглалаас татгалзах юмуу түүнийг хүсэхгүй байж болно. Энэ нь магадгүй тухайн хүний сонирхол, зан ааш, ёс үйл, шашан шүтлэг гэх мэтээр ямар нэг тодорхой учир шалтгаантай байж болох юм. Харин сексийг ор тас үгүйсгэж болохгүй.

Бэлгийн ажлаас татгалзах нь нэг ёсны эмгэнэл юм. Учир нь ингэж татгалзахын тулд биеэ албадахад хүрдэг аж. Үүнийг амьдралын бас нэг зовлон бэрхшээл гэж үздэг болжээ.

Гэр бүл салж сарних, эсвэл хэн нэгнийг үзэн ядаж сексийг хүсэхгүй байх нь амьдралд олонтаа тохиолддог.
Янаг амраг явдлаас татгалзаж хөндийрсөн хүн бүтээлч хөдөлмөр, нийгэм, улстөрийн амьдралд идэвхтэй оролцож дутагдаж буй юмаа нөхдөг аж.

Гэр бүл болоод насан туршдаа хамт амьдарсан хүмүүст үүлэн борооны хэргийг ямар нэгэн тогтсон хэм хэмжээ гэж байдаггүй. Ер нь бэлгийн амьдралын хэрэгцээ эрэгтэй, эмэгтэй хүмүүст харилцан адилгүй байдаг.
Эмэгтэйчүүд нас бие ид гүйцэж боловсорсон үедээ л секст туршлагажиж, тачаангуйн дур хүсэл нь үргэлж оргилж байдаг гэнэ. Харин эрчүүдийн 40 насанд сексийн дур хүсэл нь буурах тийшээ ханддаг гэнэ.

Гучин настай хосууд долоо хоногт гурваас дөрвөн удаа бэлгийн ажил хийдэг бол 40 настангууд мөн хугацаанд хоёроос гурван удаа янагладаг байна.

Энэ тоо баримт тоо баримт дундаж үзүүлэлт юм. Иймд яаран дүгнэлт хийж, санаа сэтгэлээр унах хэрэггүй. Эхнэр нөхөр хоёрт дур хүсэл төрөх нь багассан тохиолдолд харьцаандаа гол анхаарлаа хандуулах зүйтэй.

Амраг хосууд бие биедээ санаа тавьж, аль болох халуун дотноор ойлголцохыг хичээх нь зүйтэй юм. Үдэш орой эртхэн унтаж амран хүч тэнхээгээ сэлбэх нь бэлгийн чалх хэвийн байхад нэн ач тустай. Ингэснээр эрч хүчтэй сэргэлэн цовоо байх төдийгүй янаглан амраглах дур хүсэл хэвийн байх болно.

/Хань/