Харилцан буулт хийж чаддаггүй хосууд амархан салдаг

Залуу хосуудын хэрүүл тэмцэл нь гэр бүлийг салгадаг болохыг судлаачид тогтоожээ. Ерөөс хэрүүл гэдэг сайн сайхан харьцааг устгагч хүчин зүйл юм. Залуу гэр бүлд яагаад үл ойлголцол үүсдэг вэ? Үүнд хэд хэдэн үндсэн шалтгаан бий.
– Хоёр өөр орчинд өсөж хүмүүжсэн хүмүүс бие биедээ дасан зохицож чадахгүй хэрүүл үүсгэдэг.
– Сонирхол, үзэл бодол, дадал зуршил нь харилцан нийцтэй байх явдал залуу хосуудад бараг байдаггүй.
– Иймд ханиа сонгохдоо ядаж л сонирхол, үзэл бодол, дадал зуршил ойр төстэй байхыг эрхэмлэх нь чухал.
– Хоорондоо нийцгүй, эсрэг тэсрэг дадал зуршилтай залуу хосууд удаан амьдарч чаддаггүй.
– Гэр бүлд эрх мэдлээ тогтоох гэсэн тэмцэл нь гэр бүл салахад хүргэдэг.
– Хэт биеэ тоож хэрүүл тэмцэлд бие биендээ буулт хийдэггүй хосууд амархан салдаг.

Хэрүүл тэмцэлгүй яаж амьдрах вэ?
– Огцом, хурц ширүүн үг бүү хэл. Учир нь яг тийм хариу сонсоно.
– Дүрэлзсэн уур, омгоо дарж аль болох тайван, тогтуун ярьж сур.
– Хэрүүл маргааны үед сэтгэл хөдлөлд бүү хөтлөгд.
– Үзэл бодлын зөрүү байлаа ч сайхан харьцаа хамгаас чухал гэдгийг сайтар ухаарах нь чухал.
– Хэрүүл нь ямар ч асуудлыг шийдэхгүй гэдгийг ямагт санаж яв.
– Хэрүүлд хамгийн үнэн, хамгийн зөв гэж байдаггүй.
– Гэр бүлийн хэрүүлд ялагч гэж байдаггүй.
– Хэрүүл маргааны дараа эхнэр нөхөр хоёулаа хохирч байдгийг бүү мартаарай.

/Хань/