Энгэр зөрүүлэхэд илэрдэг төөрөгдөл

Хүүхнүүдийн энгэр зөрүүлэх үедээ гаргадаг алдаа нь цаашдын дотно харьцааг нь сэвтээж, хайртай хүнд нь буруу ойлголт төрүүлж болдог. Хэдийгээр тэд хамтрагчдаа илүү сайхан сэтгэгдэл үлдээхийг хүсдэг ч эрчүүдийн талаарх буруу ойлголт зарим нэг төөрөгдөл нь бодсоноос нь огт өөр байдалд хүргэж орхидог юм. Тиймээс сексологчид сексийн талаарх эмэгтэйчүүдийн түгээмэл дөрвөн алдааг ийн тодорхойлж байна.

1. Эрчүүд сексийн дараах энхрийлэлд дуртай биш
Эрчүүд яг л хүүхнүүдтэй адил загас наадуулж, дур ханасны дараа ч энхрийлүүлж, илүүлж таалуулах дуртай байдаг. Гэхдээ тэдний олонх нь сексийн үеэр хэтэрхий их хүч гаргасны улмаас эрхэлж энхрийлэх чадалгүй болдог нь нууц биш.

2. Яагаад миний хүссэнээр хийхгүй байна вэ?
Ийм гомдол сексийн дараа хүүхнүүдэд үлдэж мэднэ. Эр хүн робот биш. Тэгээд ч тэдэнд бусдын бодлыг унших далд авьяас бүгдэд нь заяагаагүй юм. Эмэгтэйчүүд яагаад ч юм бэ сэтгэлд нь байгаа нууц хүслийг эр хүн тааж хүссэнээр нь хийгээсэй гэж нууцхан мөрөөддөг. Гэхдээ олонх нь хэлж зүрхэлдэггүй. Ичиж байна гэсэн тайлбар л зүүх байх. Энэ бол хамгийн буруу. Эр хүний мэдрэмжид хий найдаж хоосон хоцорсноос шуудхан ойлгогдохоор хэлсэн нь дээр.

З. Эр хүн секст хэзээд бэлэн, хаана ч, ямар ч нөхцөлд
Энэ тодорхойлолт харьцангуй залуу бас ар гэр, амьдрал, ажил төрөлд нь ямар нэг асуудал гарахааргүй насныханд тохирно. Харин бусдад буюу 22-23 наснаас дээш үеийнхэн загас наадуулахад хэзээд ямар ч цаг үе нөхцөл байдалд бэлэн байдаг гэвэл худлаа. Нас ахих тусам эр хүний нуруун дээр амьдралын элдэв ачаа овоордог тул тэдний сэрэл хөдөлтөл бага биш хугацаа шаардлагатай болдог юм.

4. Хайргүй хэрнээ энгэр зөрүүлж яаж чаддаг юм бол
Сексийн үед эмэгтэй хүний биед сэтгэл хөөрлийн үед ялгардаг окситоцин гэж даавар их хэмжээгээр хуримтлагдана. Тиймээс бүсгүйчүүдийн сэрлийг хөдөлгөхөд биед нь хүрэх, сэтгэлийн хөдлөл аль аль нь нөлөөтэй. Харин эрчүүлэд окситоцин тийм ч нөлөөтэй биш, бараг ялгардаггүй, ялгарлаа ч тун хязгаарлагдмал хэмжээнд. Тиймээс эрчүүд хайргүй хэрнээ энгэр зөрүүлж чаддаг байх.

/Улаанбаатарын сонин/