Т.Дэлгэрмөрөн: Хамгийн секси, тачаангуй бүсгүй гэвэл би эхнэрээ хэлнэ

Нар саранд сөгдөж гуйсан юмаа
Нандин учрал байлгүй дээ
Арга ч үгүй дээ, арга ч үгүй
Тэнгэрийн бүсгүй чи минь, чи минь дээ…..хэмээн бүсгүйчүүдийг уяраасан дуучин Т.Дэлгэрмөрөнтэй бүсгүйчүүдийн талаар илэн далангүй ярилцлаа. Уншигч та энэхүү яриаг уншиж байх тэр мөчид дуучин залуу Монгол орныхоо 21 аймгаар “Тэнгэрийн бүсгүй” нэртэй аялан тоглолтоо хийхээр аян замдаа гарсан байх болно.

-Сайхны өмнө харц буруугүй” буланд маань boy хамтлагуудын залуусаас хамгийн түрүүнд та орж байна?
-Юуны өмнө танай сэтгүүлийн хамт олонд гэр бүлийнхээ зүгээс энэ өдрийн мэнд хүргэе. Надад танай булангийн нэр сайхан санагдсан. Ер нь тэгээд ч сайхны өмнө яагаад харц буруутай гэж. Хар гэж нүд заяасан юм байгаа биз дээ. Сайхан хүн явж байхад харахгүй өнгөрнө гэж үү. Энэ бол амьдралын гоо зүй. би ч сайхан хүн. Үүнийгээ ч мэднэ. Намайг гадуур явахад хүн бүхэн л эргэж хардаг. Яагаад гэхээр амьдралыг гоо зүйн таашаалаар өөрийгөө гоё авч явдаг байхгүй юу. Хүн амьдралыг гоо зүйгээрээ удирдан авч явах ёстой. Жишээ нь: “хар сарнай”-гийн Амараа, “Харанга”-ын Лхагваа, дуучин Сарантуяа, Ариунаа гээд хүмүүсийн амьдрал реалити шоу шиг л байна. Энэ хүмүүс амьдралыг сэтгэлийнхээ тэвчээр, энергиэрээ туулж яваа. Манайхан энэ сайхан зан чанараас нь суралцах хэрэгтэй. Хүн, хүн дотроос эмэгтэй хүнийг би төгс төгөлдөр гэж боддог. Яагаад гэхээр амь, бие хоёр нь тасардаг байхгүй юу. Хүн өөрөө бурхны бүтээл. Харин бурхан бүтээсэн биеийг сайхан авч явах нь хүний үүрэг. Доторх сэтгэхүй, царайтайгаа нийлж чадвал сайхан эмэгтэйн шинж. Ийм эмэгтэй зөрвөл би харна.

-Таныг нэртэй дуучин учраас хүмүүс эргэж хардаг болов уу гэж бодох юм?
-Би л өөрийгөө магтаж, өөрөө өөртөө гайхамшгийг олж гэмээн дараа нь бусдад тусалж чадна. Хүн өөрөө гэгээн байх ёстой. Тарган туранхай, өндөр нам, хэлтэй хэлгүй байх нь хамаагүй. тухайн хүн амьдралаас яаж гоо зүйн таашаал авч байна түүгээрээ л өөр өөрсдийгөө дүгнэдэг. Би өөрийгөө сайхан залуу гэдэгтээ итгэлтэй байна.

-Тэгвэл гудамжинд таарсан царайлаг бүсгүйг дотоод сэтгэлтэйгээ нийцэж байгаа, үгүйг нь яаж мэдэх вэ?
-“Хүний эрээн дотроо, могойн эрээн гаднаа” гэдэг ш дээ. тийм болохоор гадаад үзэмжинд сатааралгүй аль болох халуун дотно яриа үүсгэхийг оролдоно. Хэрвээ ингэж чадвал тухайн хүнийхээ дотор хүнтэй нь ярилцана. Харин дараа нь анх харж байсан харц, тэр хүнээс гарсан сэтгэл хоёр надад таалагдаж байх ёстой. Энэ л гоё амьдрал байхгүй юу. Хэрвээ дотно зүйлээ бие биедээ хуваалцаж ярилцдаггүй бол энэ зүгээр нэг танилын хүрээнийх болно.

-Таны олон сайхан дуунууд бүсгүйчүүдийг магтан дуулсан байдаг. Ер нь Дээгий эмэгтэй хүнийг ямар байгаасай гэж боддог вэ?
-Хэлж мэдэхгүй юм даа. Эхнэр шиг минь л байгаасай. Гэртээ айлын эхнэр шиг, үр хүүхдэдээ ээж нь, найз нөхдөдөө good friend нь байх хэрэгтэй. Миний эхнэр энэ бүхнийг гайхамшигтай зохицуулдаг болохоор өө байдаггүй юмаа. Би өөрөө гоо зүйн таашаал авахдаа эхнэрээ эрхлүүлдэг. Бүсгүйчүүд маань нүүрэмгий, бардам зоригтой, аливаа шийдсэн зүйлдээ тууштай байх хэрэгтэй. Бид эцсийг мөчид нэг л амьдарна. Тийм болохоор бүсгүйчүүд маань хэн дээрэлхэж зовоогоод байна, бүгдийг нь уучлаарай, бака гэж хэлээд орхи. Тийм хүмүүстэй зууралдах хэрэггүй, тэднийг ичтэл нь сайхан амьдрах хэрэгтэй биз дээ.

-Романтик эмэгтэй гэж ямар бүсгүйг хэлэх бол?
-Надад одоо үнэхээрийн хангалттай байна. Та бүгд намайг зөвөөр ойлгоорой. Эхнэрээ нэг их яримааргүй байгаа ч гэсэн хамгийн секси, хамгийн тачаангуй бүсгүйн нэрийг нь хэлээч гэвэл би эхнэрээ хэлнэ. Намайг Улаан хивсний ёслолоор эхнэрээ дагуулаад явж байхад “хүмүүс нүдний шилээ авчихдаггүй юм байх даа” гэж бачимддаг байсан. Би тийм л нууцлаг, секси, тачаангуй бүсгүйтэй амьдарч байдаг даа.

-Ямар бүсгүйг секси гэх вэ?
-Секси бүсгүй гэж бэлхүүс, өгзөг нь тэгш, нүүрний хувирал сайтай, ярьж байгаа зүйлээ гараараа илэрхийлж чаддаг хүмүүсийг хэлнэ. Тэгээд хамгийн гол нь нүдээрээ ярьж чаддаг бүсгүйчүүд секси байдаг. Өргөн шилбэтэй, том таазтай болоод явчихаар биш болоод ирнэ биз дээ. Тэгэхээр секси эмэгтэй шинж хөлнийх нь хуруунаас эхлээд мэдрэгддэг. Гэхдээ манай охидуудын хөлний хуруунууд нь муухай, надад таалагддаггүй. Дээр дороо гараад шахцалдчихсан, урт богино хуруутай мөртлөө зун болохоор сандаал их өмсөнө. Дээгүүр нь гоё мөртлөө доош нь харахаар хуруунууд нь муухай. Эрчүүд эмэгтэйчүүдийн хөлний хуруунд их анхаарал тавьдаг юм шүү дээ. Харин тачаангуй эмэгтэй гэж нүдээрээ аль хэдийнэ нэг залууг олзлоод, бариад авчихсан мөртлөө хэнд ч өгдөггүй, хааш нь ч явуулдаггүй тийм чадвартай эмэгтэйг хэлнэ. Нөгөө залуу эмэгтэйн нүдэнд захирагдаад байж байх нь. Ер нь манай эмэгтэйчүүд нүдээрээ эрчүүдээ олзлох, удирдах хэрэгтэй.

-Хэдийгээр гэр бүлтэй ч таны яриад байгаа шиг нүдээрээ олзолдог эмэгтэй тантай таарвал яах вэ?
-Тааралдаж байна. Энэ болгоныг зохицуулах ухаан, чадвар эрэгтэй хүнд байх ёстой. “Хүний эрээн дотроо, могойн эрээн гаднаа” гэдэг үгийг хүмүүс ухаж ойлгох хэрэгтэй. Эхнэр авахын тулд хүнээ сайн таних ёстой. Дээрээс нь гэр бүлтэй болохын өмнө олон хүнийг үзэж ханасан байх ёстой. Болоогүй байж яараад эхнэр авчихаад, бэрх асуудлуудтай тулгарч үр хүүхдээ өнчрүүлж, гэр бүл салах болдог. Юм үзэчихсэн, ханачихсан, одоо боллоо, ийм юм байдаг юм шүү гэж мэддэг болсон үедээ эхнэр аваарай. Би бол бүгдийг нь үзчихсэн учраас эхнэр авсан. Харин одоо би илүү юм хүсэх юм бол надад зовлон болно.

-Илүү зүйл хүсэж өөртөө зовлон хураадаг хүмүүс байдаг шүү дээ. Өөрөөр хэлбэл нууц амрагийн тухай асуудал?
-Хүн жаргал даадаггүй, зовлон даадаг. Нууц амраг байх ёстой. Яагаад гэвэл манай бүсгүйчүүд, ялангуяа 60-аад оныхныг жаахан яримаар санагддаг. Тэр үеийн нийгэм тийм байсан юм байлгүй. Хоёр гурван хүүхэд гаргасан эгч нар өөрийгөө хатан хаан гээд бодчихсон “хөөе нөхөр тэг, алив миний хүүхдүүд ингэ” гээд ээжийн ажил хийгээд явчихсан. Гоо зүйн тал дээрээ ямар ч анхаарал тавихаа больдог. Одооны 50 гарч байгаа бүсгүйчүүдийг хараарай. Зууны 70 хувь нь бандгар авгайчууд байна. Эр хүн гэдэг эцсийн эцэст эхнэрээ анх ямар харсан тэрүүгээрээ л хайрладаг. Та нар эргээд өөрийгөө толинд нэг хараад залуу насаа бодоорой. Эр нөхөр чинь яагаад элдэв асуудал гаргаад байгаагийн гол шалтгаан нь гоо зүй, гоо сайхны асуудал байхгүй юу.

-Тэгвэл эмэгтэйчүүдийн гоо сайхны мэс засал хийлгэдгийг хэр дэмждэг вэ?
-Байх ёстой. Анх Баясгалан ямар байлаа. Одоо гоё болчихсон байга биз дээ. Хүн нэг л амьдарна ш дээ. гоё сайхан байхын тулд яагаад мэс засал хийлгэж болохгүй гэж. Хувь хүн лаагаа иднэ үү, луувангаа иднэ үү өөрийнх нь дур. Хамгийн гол нь тэр нь зохисон байх ёстой, гоё харагдуулж байх хэрэгтэй. Энэ нь эрүүл мэндэд муу нөлөөгүй, үр удамд нь гаж нөлөө гарахгүй бол ок шүү дээ.

-Сүүлийн үед бүсгүйчүүд маань эрчүүдэд таалагдахын тулд үтрээгээ оёулдаг болсон талаар дуулсан байлгүй?
-Сонсолгүй яахав. Миний бодлоор жижиг эрхтэнтэй нөхөртэй хүмүүсийн зовлон юм уу даа. Эсвэл олон хүүхэд гаргасан эмэгтэй хүний зовлон. Секс гэдэг чинь ондоо юм шүү дээ. секс гэдэг чинь том мэдрэмж. Тэрнээс эрхтний том жижгийн асуудал тэнд яригдах ёсгүй. Миний хувьд романтик, гоё өдөөлт, гоё дур ханамж гайхалтай. Хамгийн гол нь хүн маш том сэрлийн мэдрэмжтэй амьтан. Энэ юмаа л өөрөө гоё өдөөх ёстой. Сексийн эхлэл, оргил, төгсгөл гурав нь гоё байх хэрэгтэй. Бүх юм нь тайван. Яарсан, тэвдсэн, ирэх зовлонтой, угтах жаргалгүй энэ бүгд сүүдэр дагуулна. Түүнээс биш сексийг ялаа хүртэл хийдэг ш дээ. Хүний гоо зүй, сэтгэл мэдрэлийн дээд цэг нь секс.

Хийморь сэтгүүл