Гэр бүл салалтын гол шалтгаан нь юу байдаг вэ?

Чинээлэг гэр бүлийн салалт ядуу гэр бүлийн салалтаас илүү байдаг аж. Тэгэхээр гэр бүл салах шалтгаан нь зөвхөн мөнгө бус залхуу, хойрго зан, идэвхи санаачлагагүй, хариуцлагагүй гэх мэт хүний зан чанартай холбоотой байдаг байна. Үүнийг доорх жишээнүүдээс харж болно:

• Би гурав дахиа гэрлэсэн. Эхний гэрлэлт хамгийн ядуу боловч хамгийн аз жаргалтай байсан. Гэтэл мөнгө хөрөнгө бий болмогц л хоёр тийш болсон. Бүр илүү ихийг хүссэн нь бидэнд гай авчирсан. Хайртай л бол ядуу ч гэсэн жаргалтай амьдраад байж чадна гэж сохор дурлалдаа хөтлөгдсөн хүмүүс хэлдэг. Гэтэл тийм биш аж.
• Би нэгэн ядуу уран бүтээлчтэй суусан юм. Гэтэл бид таарч тохирсонгүй. Суугаад cap болоход л мөнгөний гачаал, архидалт, хэрүүл маргаан эцэс төгсгөлгүй үргэлжилсэн. Ашгүй нэг хоёр тийш болж санаа амарсан.
• Баян эсвэл хэт ядуу гэр бүлд өссөн бүсгүйчүүд мөнгө рүү хэт тэмүүлж, мөнгөнөөс өөр зүйл бодохоо больчихдог гэнэ. Үүнээс болж гэр бүлийн асуудал үүсдэг аж. Тиймээс тайвай гэр бүлийг хүсэж байгаа бол дундаж давхаргын бүсгүйг сонгоорой.
• Эхнэр нь нөхрөөсөө илүү цалинтай, бас илүү эрх мэдэлтэй ажил эрхлэх нь гэр бүлд тун халгаатай гэнэ. Эмэгтэй хүнд захирагдах дургүй эрчүүд үүнд их эмзэг ханддаг байна. Эрчүүд эхнэрээ гэрийн ажилтай байхад дуртай төдийгүй их мөнгөгүй ч амьдралдаа сэтгэл хангалуун байдаг байна. Эндээс харахад гэр бүл салах шалтгаан одоогийн залуусын дэндүү аминчхан үзэлтэй холбоотой гэнэ. Бэлэн юм нэхээд, бие биенээ дарамтлаад л аль болох зүгээр байж байгаад их мөнгөтэй болох гэдэг санаархал нь ирээдүйгүй юм. Хүндрэл бэрхшээлийг даван байж л гэр бүл аз жаргалтай болдог.