П.Гэрэлтуяа: Хэдэн ногоон ахиу салгахын тулд сексчин өвгөдийн хүслийг гүйцээж байснаа би хэнээс ч нуухгүй

Ядуу буурай орноос диваажинг мөрөөдөж, харьд очсон аль ч орны бүсгүйчүүд мөрөөдсөн жаргалаа эдэлсэн нь тун цөөхөн байдгийг гадаадад ажиллаж амьдарч байгаа монгол бүсгүйчүүдийн  маань амьдрал нотлон харуулж байна. Яахав, цаад орны хөгжил өндөр, авч буй цалин нь биднийхээс хавьгүй илүү болохоор тэд бидний  дэргэд жаргаж буй мэт харагддаг. Яг үнэндээ бүх юмыг мөнгөөр, цаг минутаар хэмждэг тэдгээр оронд хүүхнүүд багагүй зовлон бэрхшээл амсдаг нь нууц биш. Өнгөн дээрээ эелдэг, соёлтой боловч цаанаа л нэг хүйтэн  “Энэ муусайн цагаачид”  гэсэн тоомжиргүй харьцааг алхам тутамдаа мэдэрдэг байснаа миний нэгэн танил хуучилж билээ.  Ингээд гадаадад өндөр настануудыг асарч байгаад  ирсэн  П.Гэрэлтуяа   (нэрийг нь бага зэрэг өөрчлөв) хэмээх бүсгүйн яриаг толилуулъя. Түүний зарим үйлчлүүлэгч өвгөд өтөлсөн болохоос үхсэн биш гэгчээр түүнд секс дарамт үзүүлэх нь цөөнгүй байжээ. Хэдэн ногоон  ахиу салгахын тулд тэдгээр өвгөдийн хүслийг гүйцээж байснаа  ч мань бүсгүй нуугаагүй юм.

-Чи аль улсын ямар хотод ажиллаж амьдарч байгаад ирэв?

-АНУ-ын Санфранциско хотод гурван жил өвгөдийг асрах ажил хийлээ. Өвгөдийг асрахаасаа өмнө янз бүрийн ажил хийсэн ч цалин бага, амьдралд бараг хүрэлцдэггүй байлаа. Харин өвгөдийг асрах ажилд  орсоноор тусдаа хөлсний байранд амьдардаг болсон. Эхний асруулагч өвгөн  дал  хүрсэн ч армид олон жил алба хаасан болохоор бие сайтай, шар сэмжилсэн өвгөн байсан. Эхний сард тэр  намайг оролдоогүй. Нэг удаа намайг хоноод яв гэхээр нь жижиг өрөөнд  унтахаар боллоо. Гэтэл шөнө дундын үед нөгөө өвгөн чинь гэнэт миний өвөрт ороод ирсэн. Би эсэргүүцээд ч  яах билээ.

Тэр өвгөн сард 2-3 удаа ийм ажил хийж байя, би үнэ хөлсийг чинь нэмж өгнө гэхэд нь татгалзаж чадаагүй. Хийх ажлын хувьд түүнийг  усанд оруулахаас бусад бүх ажлыг нь хийнэ. Миний хувьд хоол ундныхаа юмыг эндээс хангалттай авч хэрэглэж байсан. Хүүхдүүд нь хааяа эргэж ирэхдээ мөнгө, хэрэгтэй юмыг нь авчирч өгдөг байлаа. Тийм болохоор би ар гэр лүүгээ сар бүр доод тал нь 600 ногоон  гуйвуулдаг байсан.

-Чи эмээ нарыг асарч  байв уу?

-Үгүй. Тэгээд ч тэд чинь шулам шиг ааштай болчихсон хүмүүс байдаг. Тэдний дэргэд өвгөчүүл нь хамаагүй дээр. Илүү дутуу аашгүй.  Нэг  гэм нь секс хийх гэж донтоод байдаг. Миний хоёр дахь асруулагч өвгөн их сонин хүн байсан. Дал гарчихсан болохоор бэлэг эрхтэн нь босохгүй, бослоо ч тавихгүй. Тэгсэн хирнээ бөөн дур.  Намайг гал тогооны өрөөнд хоол бэлдэж байх үед орж ирээд бөгс, мээмийг маань илж таалаад амар заяа үзүүлдэггүй байлаа. “Ямар сайхан хүүхэн бэ” гээд л  шүлстэй хошуугаараа хөх дэлэн үлгээд,  тэр ч байтугай  хоёр гуяны завсар толгойгоо шаагаад суучихна.  Би наана нь хоол бэлдээд л сууж байх жишээтэй. Бэлэг эрхтэн нь босохгүй мөртлөө л мунаглаад байдаг ёстой сонин өвгөн байлаа. Заримдаа намайг орныхоо өмнө чармай нүцгэн зогсоогоод зурах гэж оролдоно. Усан будгаар бол гайгүй зурчихдаг өвгөн байсан. Харж, бас илж таалж таашаал авдаг хачин өвгөн байлаа. Би түүний дур тавьж байхыг ёстой үзээгүй. Тэгсэн хирнээ  би түүнээс дурыг нь тавиулсан гэдгээр мөнгө авдаг байсан.

-Түүнд нэг удаад үйлчлэхэд  хэдэн доллар авдаг байсан бэ?

-Тэр өвгөн их сонин. “Гэрлээ  би чамайг гомдоохыг хүсэхгүй байна. Америкийн дундаж  янханууд цагийн хэдэн доллараар бусадтай явалддаг юм бэ. Чи түүнийг мэдээтэх. Би чамд яг л тийм хэмжээний мөнгө төлнө” гэдэг байлаа. Гэсэн ч би түүнд ямар нэгэн норм тогтоогоогүй. “Та надад сэтгэлээрээ л мөнгө төл” гэдэг байснаар мань өвгөн  намайг нэг цаг илж таалаад гучин  доллар өгдөг байсан.  Харин орныхоо өмнө нэг цаг шалдан  зогсоогоод  тавин доллар өгөх жишээтэй.  Мөн заримдаа  миний   нүцгэн биен дээр дарж хэвтээд тавин доллар өгнө. Жаахан архи балгасан үедээ их сонин юм сэтгэнэ.

Миний өмнө түмпэн тавиад “Чиний шээхийг хармаар байна.  Бүсгүй хүн эр хүний нүдэн дээр шээх шиг сайхан юм хаана байна” гэдэг байсан. Би ч хэлсэн ёсоор нь  түмпэнд нь шээчихдэг байлаа. Сүүлдээ би өөр айлд асрагчаар очих болоход мань өвгөн миний духан дээр үнсээд уйлж байсан. Уг нь би тэднийхээс явмааргүй л байлаа. Даанч мань өвгөнийг хүүхдүүд нь Вашингтон руу  шилжүүлэхээр болчихсон юм. Түүний дараа жар гаруй насны нэг өвгөнийг асрахаар болсон. Тэгтэл  тэр бас л сексчин өвгөн байдаг байгаа. Ер нь Америкийн өвгөчүүл бүгдээрээ сексчин юмуу хаашаа юм. Эсвэл надтай таарсан болгон сексчин байдаг юмуу, бүү мэд.  Гурав дахь асруулагч өвгөн  зөвхөн  секс хүссэн үедээ хоноод яваарай гэдэг байсан. Би түүнтэй ердөө долоон  удаа л унтсан. Тэр өвгөн ёстой өгөөмөр нүнжигтэй өвгөн байсан.

-Яасан гэж?

-Намайг дэлгүүрээр дагуулж явж хүссэн юмыг минь авч өгнө, машинтайгаа хүүхдүүд дээрээ хааяа надтай хамт очно. Цаадуул нь ч аавын асрагч гээд хөл алдана. Ийш тийш хэд хоногоор явахдаа надад гэрийнхээ түлхүүрийг үлдээж, би ч гэртээ байгаа юм шиг л  тухалдаг байсан. Гэвч  төдөлгүй мань өвгөний  Нью-Йоркт байдаг хүү нь   “Аавыгаа хажуудаа байлгаж байгаад бурханы оронд үднэ” гээд аваад явсан. Ер нь над шиг хөгшдийг асардаг гадаадынхан цөөнгүй  байдаг. Мэдээж бидний хормой хотны явдлыг хүмүүс мэдэхгүй шүү дээ. Тэгээд ч би тусдаа хөлсний байранд амьдарч, өглөө ирээд орой явдаг болохоор нэг их сэжиглэхгүй.

-Дөрөв дэх өвгөний тухайд?

-Тэр ёстой шар сэмжилсэн өвгөн байсан. 66 настай хирнээ  баарнаас янхан  хүүхэн  авчирч гэртээ хонож байгаад надад олон удаа баригдсан. Би түүний хүслийг сард гурваас  доошгүй хангадаг байсан. Намайг гэртээ унтаж байхад хүн хард харагдалгүй шиг хүрээд ир гэж утасдана. Сүүлдээ би гэртээ ирээд гар утсаа салгадаг болсон. Гэвч түүний өгч байсан хөлс урьдын өвгөчүүлийнхээс дутуугүй байсан болохоор  заримдаа татгалзаж чаддаггүй байлаа. Хажуудаа түших ханьгүй эмэгтэй хүн гадаадад жаргахаас илүү зовлон доромжлол үзэх нь их байдаг. Гэхдээ  би америк өвгөчүүлийн хүслийг хангаж байснаа нэг их доромжлол гэж үздэггүй.  Яагаад гэвэл “Дур эзнээ голохгүй, дунд чөмөг сүүжээ голохгүй” гэгчээр би ч өөрөө тэдний мөнгөнд болдог байсан юм чинь. Тэгээд ч тэд нар намайг ямар хүчирхийлсэн биш.  Мөнгөнд  сонирхолгүй,  нэг л их цэвэр ичимтгий монгол бүсгүй болж жүжиглээд яахав дээ.  Үнэн юм үнэнээрээ сайхан. Хэдэн ногоон ахиу салгахын тулд сексчин өвгөдийн хүслийг гүйцээж байснаа би хэнээс ч нуухгүй.