Ижил хүйстнүүд Эверестийн оргилд гэрлэнэ

Балба улс Азийн ижил хүйстнүүдийн аялал жуулчлалыг сурталчлах зорилгоор  ижил хүйстнүүдийн хуримыг дэлхийн хамгийн өндөр оргил Эверестэд зохион байгуулахаар төлөвлөжээ.     

Балбын ижил хүйстнүүдийн нийгэмлэг ирэх сард аялал жуулчлалын бага хурал зохион байгуулах юм. Энэ хурлаар дайны хөлд нэрвэгдсэн улсынхаа эдийн засгийг өсгөхийн тулд ижил хүйстэн, баян жуулчдыг аялал жуулчлалдаа хэрхэн татах талаар ярилцах аж. Энэ оны тавдугаар сараас эхлэн ижил хүйстнүүдийн гэрлэлтийг зөвшөөрөхийг Балбын шинэ Үндсэн хуулинд тусгасан байна. Үүнээс гадна тус улсын “Ягаан уул” аялал жуулчлалын компани бал сарын аялал болон хуримын арга хэмжээ зохион байгуулах үйлчилгээ явуулах аж. Тус компанийг Балбын ижил хүйстнүүдийн эрхийг хамгаалах нийгэмлэгийн дарга Сунил Бабу Пант байгуулжээ.

Балба улс хэрэв дэлхийн ижил хүйстэн жуулчдын 10 хувийг өөртөө татаж чадвал үүнээс манай улсын эдийн засаг их ашиг олно гэж Пант хэлжээ.

МОНЦАМЭ