Хөх сайхан бол…

Охид хөхөө ургаж эхэлснээс хойш түүнийхээ талаар санаа зовж анхаарал тавьж эхэлдэг шүү дээ. Ингэхдээ хамгийн анхны шилдэг дасгал бол шүршүүрт орох болгондоо хөхөө хүйтэн усаар шавших хэрэгтэй.

Амжихгүй бол чийгтэй алчуураар хөхөө арчаад л болоо. Хүйтэн ус болон хөнгөн гимнастик хөхний булчинг чангаруулдаг юм. Ингээд доорх дасгалуудыг аль болох өдөр бүр хийж заншаарай.

Мөрөөр тойрог дүрслэх.

Биеэ эгц суугаад гараа мөрөндөө авч тохойгоо биендээ наагаад далаа хооронд нь нийлүүлнэ. Ингээд мөрөө дээш өргөж, дараа нь хойшоо, доошоо, урагш дахиад дээшээ гэх мэтээр тойрог хийнэ. Үүнийг дөрвөн удаа хийсний дараа мөн дөрвөн удаа доош арагш, дээш, урагш гэсэн чиглэлээр хийгээрэй. Дасгалыг нийт 3-5 удаа давтах хэрэгтэй.

Алгаа нийлүүлэн шахах.

Эгц зогсоод гарын алгаа нийлүүлээд хуруугаа дээш нь харуулж тохойгоо цээжний орчимд авчирна. Ингээд алганы доод хэсгийг хоёр удаа хүчтэй дарж дараа нь гараа эргүүлэн хурууг өөр лүүгээ харуулна. Тэгээд гараа бугуйгаар нь нийлүүлэн тэнийлгээд гараа аажмаар доош буулгана. Дахин алгаа урдаа нийлүүлнэ. Энэ дасгалыг 5-8 удаа хийгээрэй.

Гараа аль болох арагш савах.

Эгц зогсоод алгаа доош харуулан тохойгоо нугалан цээжиндээ авах ба хуруунууд эгэмний орчимд бие биедээ хүрч байх ёстой. Ингээд тохойгоо арагш хүчтэй савах ба гэр энэ үед хоёр тийм салах боловч мөрөө доошоо болгох хэрэггүй. Дасгалыг зургаан удаа давтах ба хурдан идэвхитэй хийх хэрэгтэй.

Гараа ээлжлэн өргөх.

Хөлөө нийлүүлэн номхон зогсоод баруун гараа шулуунаар нь дээш өргөн булчингаа суллана. Ингээд арагш савж хоёр гэхэд гараа доош буулгана. Мөн зүүн гарыг бас бэлтгэл байдалд оруулан ийм хөдөлгөөн хийгээрэй. 4-6 удаа давт.

Гараа өргөх.

Цэх зогсоод хоёр гараа шулуунаар удаан дээш нь өргөөд гараа алдлана. Дараа нь алгаа дээш нь харуулан толгой дээрээ авчран алгаа ташина. Дасгалыг алгуур, булчингаа суллан хийх ба 4-6 удаа давтахад тохиромжтой.

Гараар тойрог дүрслэх.

Хөлийн хооронд мөрний хэмжээтэй зай авна. Зүүн гараа ташаандаа аваад баруун гараар том тойрог дүрслэн эргүүлэн савна. Маш хурдан аястай хийнэ. Мөн арагш ийм тойрог үүсгэн эргүүлнэ. Дараа нь баруун гараа ташаандаа аваад зүүнэ гараар тойрог дүрслэ. Дасгалыг гар тус бүр дээр нь 3-5 удаа хийгээрэй.

Эдгээр дасгалыг тогтмол хийгээд ирэхээр хэсэг хугацааны дараа эрчүүд зөрөхдөө таны цээжинд хамаг анхаарлаа төвлөрүүлдэг болох бий. Тэр үед л та өөрийгөө гоо сайхан харагдуулах хөхтэй болохдоо залхуураагүйгээ мэдрэнэ. Нөгөө хүйтэн усаа мартав аа. Дараагийн удаад өгзөгийг хэрхэн алим мэт болгох дасгалыг хүргэх болно оо. Энэ бас бүсгүй хүний бахархах нэг чухал зүйл шүү дээ.