Сексийн олон харьцагчтай байх нь эрүүл мэндэд харш

Гэрлэхээсээ өмнө сексийн харилцагчаа байнга солих хоббитой залуус олширчээ. Тэд үүнийгээ зөв сонголт хийхэд тустай гэж тайлбарладаг. Харин сексологичид “30 нас хүртэл сексийн харилцагчаа байнга сольж байсан залуус гэрлэснийхээ дараа ч хорт зуршлаасаа татгалзаж чаддаггүй” гэж үзэж байна. Энэ талаарх зөвлөмжийг дурьдая.

1. Гэрлэхээс өмнө залуусын хувьд шохоорхол, саваагүйтэл их байдаг. Хэрэв тогтмол ганц сексийн харилцагч танд санаанд нийцэхгүй бол хоёроос илүү байлгахгүй байхыг хичээ.
2. Сексийн харилцагч олон байх тусам таны эрүүл мэндэд бодит аюул занал хийж байна гэсэн дохио. Бэлгэвч болон бусад хамгаалах хэрэгсэл хэзээ ч 100 хувийн найдвартай байдаггүй. Цоорчихсон байвал яана.
3. ДОХ зөвхөн азгүйчүүдэд тохиодог ховорхон өвчин гэж та эндүүрээгүй биз. Таны хажууд ч байж ч мэдэх юм шүү.
4. Олон харилцагчтай байхын эерэг, сөрөг талыг сайтар эрэгцүүлэн дүгнэ. Элдэв өвчин авах, сэтгэл санааны дарамтанд байнга өртөх, нэр хүндээ алдах гээд сөрөг тал нь давамгайлах л болов уу.
5. Та сексийн туршлага сууж, эсрэг хүйстэнтэйгээ чадварлаг харьцаж сурсан гэж бодох байх. Гэхдээ үүнийг өөрийгөө хэт эрсдэлд оруулахгүйгээр сурч болох юм шүү.
6. Тамхи татаж сурсан хүн түүнийгээ хаях гэж их зовдог. Үүний адил та гэрлэснийхээ дараа ч хэвшсэн зуршлаа бүр мөсөн хаяж чадна гэх баталгаагүй.