Өнгөрсныг мартаж, шинэ хайртай учрахыг хүсвэл…

Хэрвээ таны хайр дурлал бүтэлгүйтэж, харилцаа чинь дууссан бол өрөөнийхөө мухрыг сахиж, гуньж, гутарч, суух хэрэггүй. Сайхан дурсамжууд хэдийгээр зөндөөн олон үлдсэн байж болох ч тэр бүгдийг аль болох эргэж дурсахгүй байхыг хичээ. Тэгээд ирээдүйгээ харж зоригтой алхах хэрэгтэй. Таныг зөндөөн олон гэгээн хайр, сэтгэл хөдөлгөсөн болзоо хүлээж буй.

Өөрийн харамсал, ойр дотны хүмүүсийн сөрөг хандлагад баригдаж суулгүй зоригтойгоор бүгдийг шинээр эхлээрэй. Үүнд туслах хэдэн зөвлөгөөг хүргэе.

1. Харьцуулахаа зогсоо. Ирээдүйн харьцаагаа өнгөрсөн хайр дурлалтайгаа бүү харьцуул. Таныг гомдоож, хуурч орхисон тэр хүнээр бусдыг төсөөлж, бусдад итгэх итгэл найдвараа үгүйсгэх хэрэггүй.

2. Дуурайгч байх хэрэггүй. Өмнө байдаг байсан шигээ байх гэж хамаг цаг зав, сэтгэл санаагаа зарцуулах хэрэггүй. Хүн бүр юм бүхэн өөр. Хоёр өөр харилцаа адил байна гэж байхгүй.
3. Өнгөрснөө дурсахдаа шудрага бай. Өнгөрсөнд юу болсон, юунаас болж хайр чинь унтарч, харилцаа чинь дууссаныг бодитоор дүгнэ.

4. Битгий эргэлз. Дахиж хэзээ ч хайрлаж, дурлаж чадахгүй гэж бүү ай. Дахиад заавал хайр ирнэ гэдэгт итгэж, айдсаасаа ичих хэрэггүй.

5. Зовсон азгүй хүн шиг байх хэрэггүй. Хувь заяандаа гомдоллож, өөрийгөө азгүйд тооцох хэрэггүй. Ийм байдалтай байгаа хүн үнэхээр арчаагүй өрөвдмөөр харагддаг бөгөөд дараачийн учрал таныг тойрон өнгөрөх болно.

6. Тэмдэглэл хөтөл. Өөрийн үнэлэмж үнэ цэнийн тухай, хуучин амрагынхаа тухай, та хоёрын харилцаа ямар байсан талаараа. Тэмдэглэл хөтөл. Ингэснээр та дараагийн удаа сонгол хийхдээ өмнөх алдаагаа давтахгүй байх болно.

Эцэст нь уужим амьсгаа аваад зүгээр л инээмсэглэ. Та цор ганц өөрийг чинь хайрлах хүнийг заавал олно.