Араар тавилтад дааврууд буруутай

Гоо үзэсгэлэнгийн төлөөлөгчид маань эстрадиолын өндөр агууламжийн уршгаар хэд хэдэн хамтрагчтай байх сонирхол, чадвартай болдог байна. Техасын Остины их сургуулийн эрдэмтэд 17-30 насны 50 гаруй эмэгтэйчүүдэд энэ төрлийн судалгааг явуулсны дүнд уг дүгнэлтийг хийсэн аж. Мэргэжилтнүүд хоёр сарын туршид эмэгтэйчүүдийн сарын тэмдгийн мөчлөгийн үеийнх нь дааврын төвшинг хэмжжээ. Мөн энэ үеэр эмэгтэйчүүдээс бие махбодийн байдал, хүсэл сонирхлыг нь асууж байж. Бусад мэргэжилтнийг ч томилон эмэгтэйчүүдийг ажиглуулсан байна. Судалгааны явцад эмэгтэйчүүдийн 78 хувьд нь сексийн идэвхжлийг хангагч даавар дээгүүр байдаг нь тогтоогджээ. Ийм даавар өндөртэй байгаа эмэгтэйчүүд эрчүүдийн анхаарлыг татахдаа ч өөр болох нь илэрсэн аж. Учир нь тэд сексийн идэвх сайтай тул эрчүүдтэй сээтэгнэх, үнсэлцэх, нэг шөнийн секст татагдах зэрэгт асуудалгүй ордог.

Мөн уг судалгаагаар, хүүхэд төрүүлээгүй эмэгтэйчүүдийн цусанд экстрадиол дааврын агууламж өндөр тохиолдолд нэг хүнтэй удаан харилцаанд байж чаддаггүй, хамтрагчаа ойр ойрхон солих магадлалтай нь тогтоогджээ. Энэ сацуу Флоренцийн эрдэм шинжилгээний хүрээлэнгийн мэргэжилтнүүд эмэгтэйчүүдийн нөхрөө араар тавьдаг явдлыг багасгадаг бэлдмэл бүтээснээ зарласан байна. Уг бэлдмэл зөвхөн эмэгтэйчүүдэд үйлчилдэг агаад дааврыг тэнцвэржүүлэх нөлөөтэй үйлчилдэг ажээ.