Танай гэр бүлд хүчирхийлэл бий юу?

Эрчүүдийн зүгээс эмэгтэй хүнийг дорд үзэж, өөр эр хүнтэй хардаж, хувийн өмч мэт харьцах нь нь гэр бүлийн хүчирхийлэлийн нэг гол хүчин зүйл юм.

Мэдээж ямар ч эмэгтэй хүн эр нөхрийнхөө таалалд нийцэж, сайн гэрийн эзэгтэй, сайхан эхнэр байхыг хичээдэг. Үүний төлөө өөрийн чадах бүхнээ ч зориулдаг. Тиймээс нөхөрт гарсан хүүхнүүдийн ихэнх нь найз нөхдөөсөө хөндийрч, нийгмийн амьдралд оролцохоо больдог.

Зарим эмэгтэйчүүд ажлаасаа гарч гэртээ хүүхдээ харж суух ч тохиолдол байдаг. Гэтэл хайртай дуртай хэмээн үхэн хатан араас нь гүйж байж авч суучихаад цагаа болохоор эрчүүд хэлсэн амандаа хүрдэггүй.

Ханилж суугаад жаргаана хэмээн эхнэр авахаасаа өмнө амладаг ч тэр нь хоосон үг байдаг. Зарим эрчүүд ханилж суусан хойноо эхнэрээ дарамталж зовоох нь ч бий. Иймд бүсгүй та өөрийгөө эр нөхрийнхөө дарамтанд байгаа эсэхийг мэдмээр байна уу. Тэгвэл доорх асуултуудыг уншаарай.

• Таныг өөр хүнтэй уулзахад хардаж байна уу,
• Заримдаа таныг нууц амрагийнхаа талаар худал хэлж байна гэж буруутгаж байна уу,
• Энэ байдлаас нь болж таны ааш зан өөрчлөгдөж байна уу,
• Дотны найз нөхөд, гэрийнхэнтэй чинь уулзахаас зайлсхийж байна уу,
• Асуудлыг өөрийнхөөрөө шийдэхэд саад болж байна уу,
• Таныг бусдын тусламжаас холдуулах гэж хичээж байна уу.
• Таныг хэн нэгний өмнө буруутан болгож байна уу,
• Уурлахаараа юм шидэж, хагалж хэмхэлж байна уу?
• Цохиж зодох гэж айлгаж байна уу,
• Дараа нь архи ууж согтоод, биеэ барьж чадалгүй ингэчихлээ хэмээн ярьж байна уу?
• Таныг ч юмуу, эсвэл өөр хэн нэгнийг энэ байдалдаа буруутгаж байна уу,
• Хэрэв тэр өөрийнхөө бурууг хүлээн зөвшөөрөхгүй байвал иймэрхүү зангаа өөрчлөхийг хүсэхгүй байна гэсэн үг.