ХӨХӨӨР ХООЛЛОХЫН АЧ ХОЛБОГДОЛ

Эхийн цагаан сүүний ач буя ныг монголчууд эртнээс үнэлэн дээдэлсээр ирсэн байдаг. “Ангир шар уургаа хөхүүлэн өсгөсөн эхийн ачийг юутай зүйрлэнэм бэ” гэж ч дуулж ирсэн байдаг. Эхийн цагаан сүүний ач тус нь хүүхдийн хувьд,

• Төгс төгөлдөр тэжээлээр хангагдах
• Аюул хоргүй цэвэр хоол тэжээл болох
• Дархлааг нэмэгдүүлэх
• Элдэв халдварт боллон халдварт бус өвчнөөс урьдчилан сэргийлэх
• Хүнсний харшлаас сэргийлэх
• Суулгалт, амьсгалын замын өвчнөөс урьдчилан сэргийлэх
• Эрүү шүд, хэл ярианд шаардагдах амны хөгжлийг сайжруулан дэмжих
• Хүүхдийн танин мэдэх чадварыг түргэн хөгжүүлэх
• Эх хүүхдийн хооронд гүн нягт органик холбоо тогтоох ач холбогдолтой байдаг аж.

Харин эхийн хувьд  энэ нь,

• Умайн агшилтыг дэмжих
• Төрсний дараах үеийн цус алдалтаас сэргийлэх
• Сүү орлуулагчийг худалдан авах шаардлагагүй болгосноор түүнд зарцуулах зардлыг хэмнэх
• Хөхний болон өндгөвчийн хорт хавдрын эрсдэлийг бууруулах ач тустай байдаг.
• Эх хүүхдийн хооронд нягт холбоо тогтоох
• Сарын тэмдэг удаан сэргэх ач тустай байдаг ажээ.

Клиникийн нэгдүгээр  амаржих газрын эх баригч Д.Ариунаа