Монгол Ольга…

Өнгөрөгч 28-нд тэргүүн хадагтайн тушаалаар 2 сар тутамд өгдөг буцалтгүй тусламжийг тараахаар Ноён Т-тэй хамт өдөр гэрээсээ гарлаа. Эхлээд Баянзүрх зах орлоо.
2 шуудай гурил
2 шуудай будаа
2 шуудай төмс
6 ургамлын тос
2 хайрцаг тахианы мах
Шинэ хүүчин хүвцас.
За үүнийг яах гэж авсан гэхээр Тэргүүн хадагтайн 2 дүү байдаг юм.Тэдэнд өгөхөөр.
Миний мэдхээр би түрүү жил 6 сард монголд ирснээс хойш 2 сар тутамд тэдэнд иймэрхүү тусламжийг тэргүүн хадагтайн даалгавараар хүргэж эхэлсэн…
За эхний айл тэргүүн хадагтайн бага эмэгтэй дүүгийнх. Энэ эмэгтэй монголын олон зүүн эмэгтэйчүүдийн адил амьдралын хүнд хүчир ачааг өөрийн нуруун дээрээ үүрж яваа хайралмаар эмэгтэй билээ.Өөртөө байгааг бусдаас харамлалгүй амьдарч сурсан гайхалтай эмэгтэй.
Түүний нөхөр миний санаж байгаагаар нилээн хэдэн жил ууж байгаа. Нэрмээс болно уу гэхээс нэмэр болох нь үгүй.
4 хүүхэдтэй. 3 охин 1 хүү.
1. Том охин. Ольга (Одка) хойно сурч байгаад төлбөрийн улмаас сургуулиасаа гарсан.
2. Эрэгтэй дүү нь мөн сургуулиаса гараад хар ажил хийж буй.
3. Охин дүү нь хятад сургуульд сурдаг
4. Бага дүү охин нь 10 жилийн 4 р анги.
Ольга өөрөө нялх балчирдаа олон дүүтэй болчоод 3 дүүгээ цаг наргүй асран гэр орноо цэвэрлэн хоол ундыг нь бэлдэж өгөхдөө тоглож наадхаа умартан өөрийгөө мартсан ч хичээл сургуулиа орхилгүй 10-р ангиа амжилттай төгссөн. Одоо 21 настай.
Тэднийхийг зорин Ноен Т-тэй бидний хэлж заншснаар Дэнжийн 1000-г зорилоо.
Бөглөрсөн машинууд энд тэнд орилох микроны кондукторууд. Цаашлаад хаанаас үнэртдэг нь үл мэдэх өмхий үнэр тоос шороо. Хэнтэй цуг яваа нь мэдэгдэхгүй бяцхан жаалууд, хаа сайгүй гуйвж алхах согтүү хүмүүс гээд нүд хальтрам дүр зургууд.
Зорьсон айлдаа ирлээ. Ноен Т-г үүдэнд нь хүлээлгэн яваад орлоо.
Жижигхэн ч гэсэн энэ байшингаас хүний сайхан сэтгэл, хоосон ч гэсэн зочломтгой зан үргэлж гэрэлтэн үнэртэж байдаг юм.
Ольга
-Аае Мишаа ах ирж байна….
(Тэр түрүү жил нөхөрт гарсан бөгөөд одоо 5 сар хүрч буй бяцхан охинтой.)
-За юу байна маамаа нь сайна үү?
Хажуу орон дээр нь нэг охин 1 сар гарантай хүүхэд хөхүүлээд сууж байна.
Би
-Энэ юун охин бэ?
-Болдын (эрэгтэй дүү нь 19 настай) эхнэр шд. Саяхан төрсийн.
-Аан
Элдвийг бид хуучлан сууж нилээн удлаа. Ольга таныг хэзээ ирэх бол гээд бид өчигдөр яриад. Түрүү долоо хоногт хоолны юмгүй балраад бид хэд. Охин маань ханиад хүрээд эм авах мөнгөгүй хажуу айлаасаа мөнгө зээлж эм авж өгсөн…
Аймшигтай ийм хэцүү амьдрал байх гэж. Миний нүднээс нулимас дуслаа. Энэ бол Ольгагийн төлөө харуусаж унагасан нулимас байсан юм.
Машинаас авчирсан зүйлсээ буулгахаар гартал Ноён Т
-Хайраа уйлцан юм үү? Яагаад уйлцийн?
-Дүүгээ……..
-Май хайраа үүнийг (100000 төг) дүүдээ өгөөрэй. Хүүхдэдээ сүү тараг авж өгөг.
-Оо маш их баяраллаа……
(Энэ залууд Би яамар чухал хүн болхоо мэдэж, өөрөөсөө ичсэн. Гуйсан бүхэнд нь татгалзсан хариу өгсөөр олон удаа гомдоож байсандаа)
Машинаас авчирсан зүйлсээ оруулчаад Ольгад Ноен Т ийн өгүүлсэн мөнгийг нь өглөө.
-Хааа баяарлалаа. Та найзаа оруулж ирж цай уулгахгүй яасийн…
Ашгүй охиндоо ……. авж өгье!!!
Ахин би нулимас унаглаа.
Ольга ингэж амьдрах охин биш. Хэр баргийн хүнд заяагаад байдаггүй саруул ухааныг хэн нэгэн түүнд заяасан ч хувь тавилан хөөрхий охинг арай эрт гашуунаар залгисан гэлтэй. Нөхөр нь ямар ч сургууль дүүргээгүй, надтай адил зөв бичгийн дүрэм ч мэдэхгүй. Олон хүүхэдтэй эмзэг айлын том хүү доороо 4 нялх дүүтэй. Энэ өвөл ходоодныхоо 3 ны 2 ийг авхуулсан. Ажил эрхэлдэггүй. Ядаж байхад ийм хүнтэй суух гэж дээ!
Бодхоор  харамсмаар. Иимээс л хайр дурлал сохор гэдэгт итгэж харуусна…
Урьд нь Ольгагийн нүднээс хардаг байсан гал цогтой харц мохож унтраад, цовоо сэргэлэн хүүхэд төрх нь гээгдэж үлдэн, хангинтал инээдэг инээд нь хүртэл шингэрж сөөнгөтөөд цаашаа оржээ…
Түүнээс :
Жижигхэн биенийх нь хаанаас гардгийн гэж үргэлж гайхаж шогшдог байсан сайхан сэтгэл, намайг хайрлан хардаг зөөлөн дулаан харц л үлдсэн гэлтэй…
Зовох цаг байхад жаргах цаг ирж л таараа…

cekc.mn дээр ирсэн захидал