Хосууд бие биенээсээ уйдаж эхэлвэл яах ёстой вэ

Хэрэв хайрт чинь ганц орондоо ч бус дэлгүүрээр явах, гал тогоондоо байхдаа ч сайнгүй байгааг мэдэх юм бол “бид аль хэдийнээ бие биенээсээ уйдсан бололтой хэмээн” бодох болно. Иймд бүсгүй та энэ бүхнийг мэдэрсэн бол нэн даруй үүсээд байгаа таагүй нөхцөл байдал хийгээд асуудлыг шийдэх хэрэгтэй.

Та энэ бүхнийг аяндаа өөрөө шийдэгдчихнэ гэж үзэж байгаа бол том эндүүрэл юм шүү. Магадгүй та өөрийнхөө хэнэггүй байдлаасаа болоод хайртыгаа алдаж ч болох юм. Хосуудын харьцааны уйтгартай байдал нь секст ч хүртэл сөргөөр нөлөөлдөг байна.

Тухайлбал секс хийх сонирхол нь буурч улмаар ховорхон хийдэг болно Хэрэв та энэ уйтгартай харьцаанаасаа хурдан ангижрахы хүсч байгаа бол сексийн ажлыг харин ч их хийх хэрэгтэй. Таван минутын амжилттай секс нь эерэг сэтгэл хөдлөлийг бий болгож та хоёрыг улам ойртуулж өгөхөөс гадна та хоёрын шавхагдсан харьцааг мартуулах болно.

Хайртыгаа үнсэж энхрийлэх, хоч нэр өгөхдөө харамсаж бас ичингүйрэх хэрэггүй. Та түүндээ үнэхээр чин сэтгэлээсээ хайртай, алдахыг хүсэхгүй байгаа л бол иймэрхүү зүйлийг хийхэд ер санаа зовох зүйлгүй. Ямар ч тохиолдолд боломж олдох л юм бол хайртыгаа тэвэрч чанга гэгч нь үнсэж байгаарай. Очиж үзээгүй байгалийн сайханд амрах хэрэгтэй.

Байгалийн сайхнаас хүн эрч хүч авч, сэтгэл санаа хүртэл өөдрөг болдог. Магадгүй та үнэхээр хайртай хүнээсээ залхсан бол хэсэг хугацаанд хаа нэг тийшээ юманд яваад үз. Хэрэв танд хайртай хүнээсээ хол байх нь “залхснаасаа” илүү хэцүү байвал өөр хэрэг шүү. Учир нь та түүнд хайртай нь үнэн боловч залхсан нь түр зуурын цаг хугацааны “агаарын огцом өөрчлөлт” байсан хэрэг.

/Хань/