ХДХВ/ДОХ-той тэмцэх өдөр “Хүний эрхийг дээдлье ” уриан дор болно

Арванхоёрдугаар сарын 1-ны өдөр ХДХВ/ДОХ-той тэмцэх өдөр. Энэ өдрийг дэлхий нийтээрээ тэмдэглэж эхлээд 30-аад жилийн нүүрийг үзэж байгаа бөгөөд манай улс ч сүүлийн хэдэн жил тэмдэглэж,  үйл ажиллагаагаа идэвхитэй  явуулж эхлээд байгаа. Энэ жилийн хувьд ДОХ-ын эсрэг өдрийг “Хүний эрхийг дээдлье ” гэсэн уриан дор тэмдэглэхээр болсон байна. Энэ талаар өнөөдөр ДОХ-ын эсрэг үндэсний төвөөс мэдээлэл хийсэн юм. Монгол улс ДОХ-той тэмцэх энэ өдрийг олон үйл ажиллагаагаараа тэмдэглэхээр төлөвлөөд байгаа аж. Тухайлбал “Улаан тууз-2010” урлагийн тоглолтыг зохион байгуулж, мөн ДОХ-ын эсрэг тэмцэхийг уриалсан уран зургийн үзэсгэлэн ч зохион байгуулахаар болжээ. Дашрамд дурдахад дээр дурьдсан урлагийн тоглолт үнэ төлбөргүй болох бөгөөд ДОХ-ын эсрэг үйл ажиллагаа таниулж , хүмүүсийг энэхүү үйл ажиллагаандаа  нэгдэхийг уриалж байгаа юм.