Зохиомлоор үр тогтоох аргын тухай

Зохиомлоор үр тогтоох арга нь үр шилжүүлэн суулгах аргаас харьцангуй энгийн бөгөөд үрийн суваг нь нээлттэй өөрөөр хэлвэл эмэгтэйчүүдийн саванд эр бэлгийн эсийг шахах замаар үр тогтоох ба жирэмслэлтийг дэмжих арга юм.

Зохиолмоор үр тогтоох аргыг ямар тохиолдолд хийдэг бэ?

• Сарын тэмдэгийн үед умайн хүзүүнээс ялгарч эр бэлгийн эсийн хөдөлгөөнд дэмжлэг үзүүлэх үүрэг бүхий шүүрэл ялгарахгүй байх ба умайн орчимд ямар нэгэн үрэвсэлтэй байх үед
• Эр бэлгийн эсийн тоо иөөхөн байх ба хөдлөх чадвар муу байх
• Шалтгаангүйгээр удаан хугацаанд жирэмслэхгүй байх

Зохиомлоор үр тогтоох арга:

Эрэгтэй тал нь хиймлээр үр тогтоолгохоос 2-3 цагийн өмнө урьдчилан эр бэлгийн эсийг гаргаж өгнө. Түүний дараа хөдлөх чадвар сайн эр бэлгийн эсийг ялгах ажиллагаа явагдана. Ялгасан эр бэлгийн эсийг зөөлөн гуурсны тусламжтайгаар эмэгтэйн савны хөндийд шахсанаар ямар ч өвдөлтгүйгээр хялбархан хийж гүйиэтгэнэ. Зохиомлоор үр тогтоолгосон эмэгтэйн хувьд 15 минут орчим хэвтсэний дараа хэвийн амьдралдаа эргэн орох бололцоотой ба нөхөртэйгөө бэлгийн харьцаанд чөлөөтэй орж болно. Зохиомлоор үр тогтоолгосноос 1 -2 хоногийн дараа хэвлийн доод хэсгээр өвдөлт мэдрэгдэж болох ч тийм хүнд асуудал биш бөгөөд харин өвдөлд хүндэрсэн тохиолдолд хариуцсан эмчдээ хандах хэрэгтэй.

Зохиомлоор үр тогтоох аргыг амжилттаи болох магадлал:

Зохиомлоор үр тогтоох аргын амжилттай болох магадлал нь тухайн цаг үеэ дагаад өөр өөрөөр яригддаг болов ч ерөнхийдөө 10-15% гэх ба өндгөвчнөөс ялгарах өндгөн эсийн тоо олширох тусам жирэмсэлэх магадлал өндөрсөж болох юм.

“Эрчүүд ба эрүүл мэнд”