Хэдий чинээ баярлаж догдолно хайр сэтгэл төдий чинээ хоосон зүйлийг зөгнөж байдаг

Бид өөрсдийн хувь заяаныхаа зохиолч нь байдаг. Тиймээс ч бидний бодол, үйлдлээр бүх зүйл болж өнгөрдөг шүү дээ. Бидний хайр сэтгэлийн роман бусдынхтай яагаад адилхан байдаг юм бол. Хайр сэтгэлд өөрийн гэсэн хэм хэмжээ байдаг бөгөөд хэр зэрэг их баярлаж догдолно төдий чинээ хий хоосон зүйлийг дуудаж байдаг. Хэрэв та хайр сэтгэлийн романаа жолоодож чадахгүй бол та өөрөө түүнд захирагддаг байна. Ингээд бүсгүй та доор өгүүлэх зүйлсээс өөртөө тохирсон дүгнэлтийг хийгээрэй.

ЭЦЭС ТӨГСГӨЛГҮЙ ХАЙР ДУРЛАЛ
– Энэ төрөлд багтах эмэгтэйчүүд цаг үргэлж дурлаж байдаг. Иймээс ч тэд нөхөрт гарч, хүүхэд гаргахыг хүсдэггүй бөгөөд өв тэгш хэн нэгэн эртэй учрахыг мөрөөддөг. Үнэндээ бол тухайн хүндээ бус байр байдалд нь дурладаг байна. Түүнчлэн ээжийн “нөхөрт гарлаа л бол гэрийн боол болох нь тэр” гэсэн үг яриа эргэлзээ, багагүй түгшүүр төрүүлдэг байна.

Ямар нэгэн зүйлийг урьдаас төсөөлөн бодсоноос болж бодит байдалтайгаа зохицож чаддаггүй. Тиймээс ч гэрэлт ирээдүйгээ хэзээ ч бүтэхгүй зүйлээр зөгнөн мөрөөдөж амьдардаг. Хоосон мөрөөдөл, дурламтгай зан хоёр хоорондоо холбоотой байдаг. Иймд хий хоосон мөрөөдөл, эцэс төгсгөлгүй дурламтгай байдлаа зогсоож амьдрал, хайр сэтгэлдээ бодитоор хандаж сурах хэрэгтэй.

ҮРГЭЛЖ НЭГ АГААРААР АМЬСГАЛАХГҮЙ БАЙХ
– Өнгөрснөөрөө амьдрах нь заншил болсон зүйлийн нэг бөгөөд салахад хэцүү байдаг. Үйл явдлын давтамжаас өөрсдийгөө чөлөөлж чадахаар нас биенд хүрсэн хүмүүс болсон гэдгээ ухаарах цаг болсон. Өөрсдийнхөө хувь заяаны төлөө хариуцлагыг гартаа авах хэрэгтэй. Хүн өдөр бүр нэг хоолоо идээд байвал ямар байх вэ гэдгийг бодож үз. Үүний нэгэн адилаар өнгөрсөн дурсамж, хайр сэтгэл, үйл явдлаар амьсгалах нь ирээдүйн амьдралд чинь сайн зүйл авчрахгүй.

/Хань/