Хүсэл хийгээд бодит байдал

Сайн байцгаана уу? Хавар цаг ирээд нөгөө гайхал синдром нь хөдөлдөг үе болоод байх шиг байна. Хүн амьтанд хэлмээр заримд нь туршлага ч болмоор юмыг энд бичээд сууж байна. Биhttps://www.cekc.mn/my-sex-story/63219 бас https://www.cekc.mn/my-sex-story/63646 энэ бичлэгүүдийг бичиж байсан нэгэн эр байна. Энийг унш гэж байгаа биш зүгээр л энэ тэнэг яаж яваад ийм байдалд орчихов гэж сонирхмоор байвал уншаад үзээрэй.

Бүх үйл явдал өвөл болоод өнгөрсөн юм. Энэ талаар маш дотны ганц хоёр хүндээ хэлсэн л дээ сайхан ч зөвлөгөө өгсөн. Хамгийн сүүлийн бичлэг “хагалгаа” хийлгэсэн талаар бичсэн бол энэ удаад яг тэр бичлэгт нэг хүний бичсэн энэ зан чинь гай болохоос сайн биш шүү гэсэн үг бараг биелэлээ олчих шиг болоод энд бичиж сууна.

Эмэгтэй бол тэгээд тэр долоо хоногтоо гэртээ очоод ирнэ гээд явсан. Яг л хоёр долоо хоноод ирэх хугацаандаа холоос надруу яриад ер нь бол харилцаа нилээд сайн байсан гэж хэлж болно. Гэнэт л бие биеэ хачин ихээр санадаг хүмүүс болчихсон байсан. 2 долоо хоног ч өнгөрлөө нэгдүгээр сарын эхэнд юм даа онгоцны буудал дээрээс тосоод өгөөч гэсэн хүсэлтийн дагуу очоод тосож авлаа. Үсээ өөрчлөөд, шал өөр төрхтэй болчихсон ганган нэгэн чемоданаа чирсээр гараад ирлээ. Таксинд суугаад л байрлуу нь очсон доо. Тэгтэл хоёр хоногийн дараанаас л гэнэт утсаа авахаа байгаад, холбоо ч барихаа байлаа. Сэжиг ч төрсөн дөө, тэгээд уулзтал нөгөө залуутайгаа уулзах болсон дахиж битгий яриарай гэдэг юм байна.

-Бодооч чамайг жирэмсэн болгоод, хаясан хүн шдээ наадах чинь. Гуйж байна надруу л ирээч гэж хэлэхэд тэр өөр болсон уучлаарай сайхан амьдраарай л гэсэн. Би ч жаахан хэцүү байсныг эс тооцвол, “за” л гээд өнгөрсөн дөө. Тэрнээс хойш хэд хоног бол үнэхээр л мангуурлын байдалтай өнгөрсөн гэхдээ хүнд тээг болохгүй гээд залгахыг хүсэж байсан ч залгахгүй байсоон. Тэгтэл залгаж байна уулзах хэрэгтэй гээд, гэрийнх нь гадаах шатан дээр уулзлаа. Чухам л намайг санасан хүн, тэвэрч аваад л байхаар би ч мөс шиг хүйтэн байх гэсэн янзтай зогссоор байлаа. Надад чи хэрэгтэй байна гэхдээ би түүнээс салж чадахгүй хоёулаа зүгээр холбоотой байя гэв. Би угаасаа мунхарчихсан хүн ингээд ч гэсэн холбоотой байвал болоо гээд л холбоотой байв.

Дахиад л холбоогоо тасалснаа буцаж эргэх гэсэн драма шиг юм хоёр гурван удаа боллоо. 2 сарын дундуур би өөр газарлуу нүүх болсон юм. Тухайн үед холбоогүй байсан болохоор за одоо ингээд болъё гэсэн шийдвэр гаргаад хэлэлгүйгээр л алга болчихсон. Угаасаа тэр өдөр явахыг мэдэж байсан ч холбоо бариагүй, тоглуулчихсан юм шиг сэтгэгдэл төрж байсан би ярихыг ч хүсээгүй. Орой нь л залгаад чухам л надаас өөр хэрэгтэй хүн энэ ертөнцөд алга гээд байгаа газар минь ирье л гэж байна. Би ч шийдвэртээ үнэнч гэдгээ батлан халгаагүй л дээ. Тэгсэн л утасны цаанаас хараалаар дүүрсэн мэссэжүүдээр бөмбөгдөж байна. Тэгснээ л санаж байна гээд. Би яахав бүр тоохоо больчихсон ирж л байдаг мэссэж гэсэн янзаар хандаж байлаа.

Бас нэг иймэрхүү дүр зураг хэд хоног үргэлжилсэн дээ. Бүр болохгүй болохоор нь нэг өдөр ангийнх нь гадаа очоод хэдэн минут уулзаад, одоо жаахан ухаан орох хэрэгтэйг нь хэлээд би найз охинтой болсон гэж хэллээ. Уйлаад л байх юм. Тэрнээс бас нэг хэд хоногийн дараа нэг эрэгтэй баатарлаг найз нь гараад ирэв. Уулзаад суунгаа бүх явдлыг нь нарийвчлан ярьж өгтөл, за тэгвэл найз охиндоо сайн хандаарай гээд хүсвэл өөрийнх нь хоолны газар ирж хоол идэхийг уриад явав.

Нэг өдөр нөгөө хятад залууруугаа бүх юмыг ярьсан бөгөөд тэр нь уйлсан талаар утсаар ярьж мэдэгдэл хийв. Би ч айж байлаа нэг өдөр л надруу улангасан дайрах нь дээ гэж.

Ирдэг мэссэжүүд ирсээр л, би ч хариу бичихгүй болчихсон байв. Ингээд яриад байвал янзан бүрийн юм бичихээр л байна. Алгасаад хамгийн сүүлийн дүр зургийг буулгавал, мэссэж бичээд нөгөө надтай ирж уулздаг хүнтэй учир ургуулах гэж байгаагаа мэссэжээр явуулахаар нь за ингээд боллоо гэж бодоод баяртай гэв. Гүй тэгтэл хүний шунал нь юм уу намайг зүгээр байлгахгүй юм. Сая хальт тагнуулын үйл ажиллагаа явуултал нөгөө залуутайгаа сайхан л харьцаатай байх шиг байх юм тэгсэн атал намайг байнгийн дарамтлаастай. Фэйсбүүк угаасаа блок хийчихсэн байхаар нь өөрийнхөө зурагнууд дээр байсан нэрнүүдийг аваад хаячихсан чинь л бөөн уур хүн юм бичээд байсан. Шөнө залгаад байхаар нь дуудлага орж ирэхийг нь хаачихсан байсан нэрмээс  болсон уу сая мэссэж явуулчихаж. Сийрүүлбэл “Чиний ингэж байгаа чинь, миний чамд хийсэн юмнаас илүүгээр намайг зовоож байна. Ер нь чи яахаараа миний дурсамжинд гар хүрдэг юм. Би чиний бүх найзуудад чиний тухай зарлана” гээд явуулчихаж.

Айж байгаа ч өөрөөсөө үе мултарсан хүнтэй ор дэрээр холбогдож байсан гэдгээс өөр юм байхгүй болохоор нээх тоохгүй л байна л даа. Гэхдээ хэрвээ ямар нэгэн юм болвол би амаа хамхиад суухгүй гэдгээ л сайн мэдэж байна. Юу болж байсныг ярихаас өөр арга байхгүй. Гэтэл тэгвэл түр хугацаагаар энд байгаа ч тэр хүний өөрийнх нь төсөөлж байгаагаас ч хүндхэн юм болох нь тодорхой. Одоогоор би давраачих болов уу гээд юм бичээгүй л байгаа. Бичихгүй ч байх.

Эндээс зарим нэг хүмүүст сургамж болох болов уу гээд хэлбэл, хайр дурлалын асуудалд би өөрөө ч анзаарахгүйгээр нүдэн балай чихэн дүлий аашилж байж. Хүн хүндээ туслах сайхан ч зүгээр хүнд дэм болох хийгээд янаг нэгний сэтгэхүйн боол болно гэдэг тэс өөр юм байна шүү. Ямар хүн гэдгийг нь мэдсээр байж нүдэн балай чихэн дүлий байсан би тэнэг. Ах дүү нар минь, хүсэл эсвэл гэнэн ухаандаа хөтлөгдөж бус гагцхүү эрүүл ухаантай байна гэдэгтээ бат итгэлтэй байгаа үедээ ямар нэгэн шийдвэр гаргаж байгаарай.

Жич: зааж, зөвлөх юм байвал guntushig@gmail.com хаягруу явуулж өгвөл талархах байна.