Бүсгүйчүүдийн дур ханалт

Эмэгтэйн дур ханах онцлог
Гэр бүл бологсдоос дур ханахад эрэгтэй эмэгтэй хүний бэлгийн физиологийн онцлог чухал хамааралтай. Эрэгтэй хүн анх удаа бэлгийн харьцаанд ороод л дур ханадаг бол эмэгтэйчүүдийн хувьд анхны хурьцлаас ханалт авах нь туйлын ховор. Тэдэнд заавал бэлгийн амьдралын мэдлэг туршлага, сэтгэлийн бэлтгэл хэрэгтэй. Ихэнх эрчүүдийн дур ханалтад гадны нөлөө төдийлөн нөлөөлдөггүй учир тэд ямар ч нөхцөлд  (босоо, суугаа, хэвтээ байрлал, гэрт, гадаа, өдөр, ойд, машинд, вагонд шөнө, шуугиантай, тавгүй байдал) дур ханаж чаддаг байна. Ийм учраас эрчүүд хуримын гадуурх бэлгийн харьцаанд санаачлан орох нь элбэг тохиолдоно.

Тэгвэл бүсгүй хүн хайрлаж дурласан, хүндэтгэсэн, өөрийн хүссэн хүнээс л хамгийн тохь тухтай «аюулгүй» нөхцөлд л дур ханаж чаддаг байна. Бүсгүйчүүдийн дунд явуулсан анкет судалгаанаас үзэхэд бүсгүй болгон бэлгийн харьцаанд дур ханалт авч чаддаггүй байна.

Жишээ нь, 3.В. Рожановскийн 600 эрүүл эмэгтэйгээс бэлгийн харьцаанаас дур нь ханадаг уу? гэсэн асуултад 24,4 %—ханадаг, 33,2 %—ихэнхдээ ханадаг, 19 %—хааяа ханадаг, 7 %—маш цөөн ханадаг, 16,4 % — огт ханадаггүй гэж хариулжээ. Эмэгтэйчүүдийг дур ханах байдлаар 5 ангилж болно.

I бүлэг — Нэг удаагийн хурьцалд нэг удаа дур ханаж (тавьж) чаддаг.
II бүлэг — Нэг удаагийн хурьцалд олон удаа дур ханаж (тавьж) чаддаг.  Ийм эмэгтэй давтан хурьцалд дургүйцэхгүй.
Ш бүлэг — Давтан хурьцлын үед л дур ханадаг.  Ийм эмэгтэйчүүд эхний хурьцлын үргэлжлэх хугацаа богино, хангалтгүйгээс дур ханаж чаддаггүй байна.
IV бүлэг — Хурьцлын дүнд дур ханаж чаддаггүй ч дур ханах гэж тэмүүлдэггүй
V бүлэг — Хурьцлын дүнд дур ханаж чаддаггүй гэсэн ч дур ханахыг эрмэлздэг эмэгтэйчүүд багтана.

Эрэгтэй эмэгтэй хүмүүсийн дур ханах эдгээр онцлогийг мэдсэний үндсэн дээр гэр бүл бологсод бэлгийн харьцааг үйлдэхдээ хурьцлын эрүүл ахуйг сайн баримтлах хэрэгтэй.

Их эмч Г.Батболд