Уурыг номхотгож болдог

Уур бухимдал хүний мэдрэлийн системд сөрөг нөлөөтэйгээс гадна өдөр тутмын амьдралын зөв гольдролыг алдуулдаг зүйл.  Гэвч уур уцаараа хянах зарим нэг арга бий. Америкийн Гэр бүлийн эрүүл мэндийн хүрээлэнгээс дараах зөвлөгөөг өгч байна.

-Өдөрт 30 минут гаргаад өөрийн чинь санаа зовоож буй асуудлуудынхаа талаар нухацтай бод. Өдрийн бусад цагт биш яг л төлөвлөсөн хагас цагтаа энэ талаар бодохыг хичээ. Эсвэл та өөрийн тань сэтгэлийг маш ихээр зовоож буй зүйлсийг цаасан дээр жагсааж бичээд “Энэ үнэхээр зовлонтой асуудал мөн үү” гэж өөрөө өөртэйгөө ярилц. Магадгүй хэсэг хугацааны дараа танд тун өчүүхэн зүйл байж гэх бодол төрөх байх.

• Цаашид юу болох тухайд биш, яг одоо юу болж байгаад илүүтэй анхаар.
• Тайвшруулах дасгал, тухайлбал булчингаа суллах, гүнзгий амьсгалах зэрэг дасгалуудыг хийж хэвш.
• Аль болох хангалттай цагаар унтаж амар.
• Архины төрлийн ундаа бүү хэрэглэ.
• Өнгөрсөн удаад өөрийг чинь бухимдуулсан зүйлсийн талаар эргэж бод. Одоо тэр зүйлс дахин тохиолдвол яаж хүлээж авах тухайгаа тунгаа. Эцсийн бүлэгт уур уцаар, үзэн ядалт бүгд эргээд таны биед өвчин, сэтгэл гутрал, бухимдал зэрэг таагүй зүйлийг л өгөх болно. Тийм учраас уураа барьж сур. Уур биеийг зовооно гэдэг шүү дээ.

/Хань/