Хуучин амрагаа хэт санагалзах нь одоогийн амьдралд сөргөөр нөлөөлөх үү?

Хэрэв та хуучин амрагаа сэтгэл дотроо битүүхэн дурсан санагалзаж, өнгөрснөөрөө амьдрах гээд байвал яах ёстойгоо мэдэх үү?

-Юуны түрүүнд түүнтэй холбоотой бүхий л зүйл, хамтдаа авахуулсан зураг, дурсгасан бэлэг сэлтээ устга.
-Хамтдаа цагийг өнгөрүүлж байсан газруудаараа явах хэрэггүй, явсан ч удаан саатахгүй байх хэрэгтэй.
-Түүний найз нөхөдтэй болон хамаатан садантай нь тааралдахгүй байхыг хичээ. Учир нь тэд таны хуучин амрагтай чинь холбоотой ямар нэгэн мэдээллийг дамжуулах болно. Энэ нь мэдээж танд таатай санагдахгүй нь лавтай.
-Амьдрал тань санаснаар болохгүй, сэтгэл санаа хямарсан, бусад хосуудыг хараад сэтгэл догдолсон байлаа ч гэсэн өнгөрснөө нэхэн санах хэрэггүй.
-Хамгийн гол нь урагшаа харж одоо цаг үетэйгээ хөл нийлүүлж, ирээдүй рүүгээ тэмүүлж амьдрах нь чухал юм.
-Өнгөрсөн дурсамж хөврөн орж ирэх тэр агшинд ном сэтгүүл унших, зурагт үзэх, дэлгүүр хэсэх, спортоор хичээллэх, дуртай хоолоо хийж идэн, найз нартайгаа уулзах, цэвэр агаарт гарах, гудамжаар алхах гэх мэт өөр зүйлд анхаарлаа хандуулж сурах хэрэгтэй.
-Зарим хүмүүс өнгөрснөө бодохоор эрч хүй мэдрэгдээд, сэтгэл санаа сэргээд нэг л сайхан болоод явчихдаг бол нөгөө нэг хэсэг эсрэгээр нөлөөлж сэтгэлийн шарх нь сэдэрдэг тал бий. Энэ нь хүн хүнээсээ шалтгаалдаг байж болох талтай.
-Сэтгэлзүйгээ захирч, жолоодож сурна гэдэг тийм амар зүйл биш юм. Энэ бүхэнд хамгийн гол нь тэвчээр сэтгэлийн хат чухал байдаг.

/Хань/