Эрэгтэйчүүд болон эмэгтэйчүүд…

Цахим хуудсанд тавигдсан нэгэн нийтлэлийг уншиж байгаад энэхүү захидлыг бичиж, бодлоо та бүхэнтэй хуваалцахаар шийдлээ. Сүүлийн үед манай цахим хуудсуудад тавигдсан эмэгтэйчүүдтэй холбоотой нийтлэлээс нэг эвгүй үг салахаа байжээ. Тэр бол “Янхан”. 80-аад гэдэг. Бүгд Найрамдах Монгол Ард Улсад яагаад эмэгтэй хүнд яагаад цаазаар авах ял оноодоггүйг НҮБ-ийн нэгэн салбар чуулганы үеэр асуухад манай улсыг тухайн үед төлөөлж байсан хүн “Монголчууд бид эмэгтэй хүнийг Эх хүн гэж хүндэтгэдэг. Эх хүнийг хэрхэн хөнөөх билээ?” гэж хариулсан гэдэг.

Харин өнөөдөр тэр хүндэтгэл бухимдал болон хувирч, бүсгүйчүүдээ “Янхан” гэж хараах явдал газар авч эхлээд байх шиг. Мэдээж муу нэртэй бүтэлгүй эмэгтэйчүүд байгаа. Гэвч, Монголын бүх эмэгтэйчүүд “Янхан” болчихсон гэдэг би хэрхэвч итгэхгүй. Энэ үгийг битгийн хэрэглэж байгаач гэж хүсмээр байна.

Эмэгтэйчүүдийн бидний талаар хэлж буй шүүмжлэлд хатуу боловч үнэн зүйл бий. Бид үнэхээр дорой болсон байна. Бид охид, бүсгүйчүүдийг ингэр султай гэж гоморхох боловч энэ бүхэнд бидний оролцоо байгааг мартчихдаг, эргээд бас охидоо сулхан хүмүүжүүлж байгаа тааруухан эцгүүд. Бид үнэхээр ноён нуруутай байж чадвал эмэгтэйчүүд ингэж явна гэж үү? Харийн гуйлгачинг ханхүү гэж төсөөлж, хайран биеэ яарин болтол доор нь талхилуулж байгаа тэр эмэгтэйчүүдийн аавууд юу хийж, юугаа бодож байна аа? Ирээдүйд охинд минь битгий тохиолдоосой гэсэн зүйлийг учирах бүсгүйчүүдээ хийхгүйг хичээж явцгаая л даа.

Эрчүүд бидэнд алдаа байгаа. Энэ алдааг олж харж байгаа шигээ эргээд бас засахад нь бидэнд туслах хүч та нарт байгаа шүү дээ. Ноён зантай гэгдэн гоочлогдож буй эрчүүдийнхээ хатад нь байх ухаан та нарт бий гэж итгэж байна. Эрчүүд биднийг бүсгүй хүний гоо үзэсгэлэнг бүсэлхийнх доод хэсгээр үнэлдэг, арчаагүй, архинд донтсон гэж шүүмжилдэг атлаа яагаад хөвгүүдээ тийм эрэгчин болгон хүмүүжүүлнэ бэ? Эмэгтэйчүүдээ та нар яагаад эрчүүд биднийг өнөөдрөөр л үнэлэхээс биш, маргаашийг маань харж чадахгүй болчихов оо? Эрхээ эдлэх тухай ярихдаа мартдаггүй хүйсийн тэгш байдлыг үүргээ ухамсарлах болохоороо дурсдаггүйн чинь учир юу вэ? Амьдралыг чинь үгүй хийж буй эрийн тухай гоморхон ярьж суухдаа тэр сонголтыг та хийсэн гэдгээ бас санахад гэмгүй байх.