Хэрхэн бие биенээ илж таалах вэ?

Тайчих, илж таалах урлагийг сэтгэл зүрхээрээ амсаж мэдрэх нь чухал

Тайчих урлагийг анхнаасаа л сэтгэл зүрхэндээ амсаж мэдэрч сурах хэрэгтэй. Гэхдээ хэд хэдэн дэс дараалалтай тайчиж сурвал жинхэнэ аз жаргалыг эдэлж чаддаг гэнэ. 

Бариу жинс, зузаан цамцны цаанаас илж таалж энхрийлэх нь хангалтгүй, дутуу дулимаг байдаг билээ. Бид бие бие рүүгээ нэвтэрч орохгүй тачаалдахдаа яаж галзуурч үхэх шахдаг билээ? Хэний ч анзаардаггүй бараг мартагдсан нэгэн зүйл бол нүцгэлэх урлаг юм. Ялангуяа хайртай хүн нь цамцны нь товчийг тайлж, банзалынх нь цахилгааныг доошлуулахад төрдөг тэр ер бусын мэдрэмжийг амталж чадаагүйдээ хүүхнүүд ихэд гунигладаг нь мэдээж.

Миний нөхөр намайг бараг хагас цаг шахам тайчдаг гэж ярих эмэгтэй азтай хүүхэн. Тэгэхээр өөрсдийнхөө биш бие биенийхээ хувцасыг тайчих зуураа илж таалан энхрийлэх явдал ямар их ач холбогдолтойг ойлгоо биз, эрчүүдээ?

Өөрөө өөрийгөө оролдон өдөөх үйлдэл бол хамгийн чухал, хамгийн хүчтэй өдөөгч юм

Одоог хүртэл мастурбаци буюу өөрийгөө оролдон өдөөх үйлдлийг ичгэвтэр аймаар явдалд тооцон найз, нөхөр, хайртай хүнийхээ дэргэд байтугай өөрөө ганцаархнаа байхдаа ч хийхээс зовж, хийсэн хойноо ичиж эвгүйрхдэг. Энэ бол жинхэнэ эр зориг шаардах үйл гэдэг нь үнэн л дээ. Гэхдээ та нөхрийнхөө, эсвэл эхнэрийнхээ өмнө өөрийгөө өдөөж сэргээх гээд зориглоод үз. Таныг харсан нөгөөх чинь галзууртлаа тачаалдаж гал халуун энхрийллээрээ таныг жаргалын туульд хүргэх биз.

Ялангуяа харилцан бие биедээ мастурбиц хийх нь ганц ганцаараа хийхээс ч бараг илүү өдөөнө. Гэхдээ анхаарах зүйл бол бид өөртөө тохирох ритм, даралт түргэн удаан хөдөлгөөнийг л нөгөө хүндээ бас тохирно гэж боддогоос алдаа гаргадаг. Хамгийн гол нь бие биедээ илэн далангүй байж чадвал таньд сайхан байна гэдгийг ичиж зоволгүй ний нуугүй хэлж байх нь хоёр биений жаргалыг авчирдаг. Харилцан мастурбаци хийж байх үед завсарлаж жаахан амраад дахин эхэлж ч болдог.

Бие биенээ нүүр нүдгүй, хөл толгойгүй, хайр найргүй үнс

Амаараа оролдож дур тавиулах нь балиар, бүр ёс зүйд үл нийцэх юм шиг санагдах нь олонтоо. Хэн нэг нь нөгөөгөөсөө ингэж гуйх нь нэгийгээ доромжлон гутааж байгаа юм шиг санагдах нь бий.

Хэрвээ эмэгтэй нь үүнийг гуйх юм бол эрэгтэй нь түүнийг янхантай зүйрлүүлэх ч удаа тохиолдсон байдаг. Ямар ч гэсэн зориглоод гуйгаад үзсэн нь хэн хэндээ дээр биз. Нөгөөх чинь мөн үүнийг хүсэж байгаа мөртлөө гуйхаас ичдэг байж болох юм. “Би хүссэн үедээ л нөхрийнхөө эрхтэнг хөхдөг. Харин тэр надаас өөрөө үүнийг гуйх юм бол би өөрийгөө боол болсон мэт санаж тэвчих аргагүй болдог” гэж нэг эмэгтэй сексологич эмчид ярьжээ. Энэ эмэгтэйн хувьд хүссэнийг нь биелүүлвэл хариуд нь мөн тийм янзаар таныг таалах болно гэж хариулмаар байна.

Хэлүүг долоож ,амсар руу хэлээ хийхэд төрөлхийн дургүй эрчүүд, мөн нөхрийнхөө эрхтэнг хөхөх дургүй тийм эмэгтэйчүүд олон байдаг. Эд бол бэлэг эрхтэнд дургүйдээ бус ердөө л нойтон юманд дургүй хүмүүс юм. Бас зарим нь амаараа таалах явдалыг ариун цэврийн шаардлагад нийцэхгүй гэж үздэг. Тэгвэл секс хийхээсээ өмнө л бэлэг эрхтэнээ угаачихвал асуудал амархан шийдэгдлээ гэсэн үг.

Дашрамд хэлэхэд бие биенээ озож үнсэхэд сорогддог шүлсэнд, шээсэнд байдгаас илүү их бактер байдгийг анхаарах хэрэгтэй.

Бас үүнийг гомосексуалистуудын л хийдэг зүйл гэж буруу ойлгох тал бий. Амаараа эрхтэнийг таалах явдалд эмэгтэйчүүдэд илүү таалагддаг гэж секс судлаачид үздэг. Эмэгтэй хүний хэлүүг гэхээсээ илүү хэлүүний эргэл тойрныг хэлээрээ оролдож уруулаараа шүргэх нь тэдэнд илүү сайхан байдаг. Энэ хэсэгт жимсний шүүс зэргийг асгаад долоовол хэн хэндээ маш таатай байх болно. Эрэгтэйчүүдийн хувьд бэлэг эрхтэнийг нь үнсэж таалах нь таалагддаг. Гэвч зарим эмэгтэйчүүд үрийн шингэн амтлаад дотор нь муухайрах тал байдаг учир эрэгтэй нь дур тавих дөхөөд ирэхээрээ бэлэг эрхтэнээ амнаас нь гаргах нь зүйтэй.

Та хоёрт ямар байрлал хамгийн тааламжтай бэ?

Дур тачаалыг өдөөгч гол гол байрлалууд гэж бий. Ер нь илүү хэцүү үйлдэл хийж таашаал амсах нь хүн бүхэнд таалагддаггүй. Эрэгтэй бэлэг эрхтэн умайд нь хөдөлдөг болохоор хүүхнүүд тэр болгон дур тавьж чаддаггүй. Хэлүүг өдөөх нь хамгаас чухал юм. Тэгэхээр хэлүүг хамтад нь шүргэхийн тулд “Т” байрлалыг сонговол зохимжтой. Тэгэхээр эрэгтэй араас нь эмэгтэйгээ тэвэрч байх ёстой. Эмэгтэй нь дээрээсээ байрлах үед морьтны байрлалаар байрласанаас эрэгтэй дээрээ тэгнэн хэвтээд дээш доош үрж хөдлөхед хэлүү өдөөгдөх боломжтой.

“Т” байрлал нь бараг хамгийн бага хүч шаарддагаараа онцлог юм. Ялангуяа жирэмсэн юм уу эсвэл ядарч туйлдсан эмэгтэйд энэ байрлал илүү тохирдог. Энэ байрлалд эрэгтэй нь хажуугаараа, эмэгтэй нь 45 градусын өнцөг гарган нуруугаараа хэвтэж хөлөө эрэгтэйнхээ 2 талд байрлуулна. Ийм байдлаар эр бэлэг эрхтэн араас нь орж, хэн хэн нь ч хэрэгтэй хөдөлгөөнийг хийхэд саадгүй хүч бага шаардагдах болдог. Ядардаг хүмүүст энэ байрлал тохиромтой. Хоёулаа хажуугаараа хэвтэх байрлалыг хүн болгон мэддэггүй. Энэ нь өөд өөдөөсөө хөдлөхөд элдэв дарамтгүй байдаг. Одоо харин дээрхийг бүгдийг нь хослуулаад үз.

Секс гэдэг бол баяр жаргал болохоор түүнд элдэв хууль дүрэм хэрэггүй. Ямар ч байрлалаар шүршүүр дор хивсэн дээр хаа ч хамаагүй үүнийг үйлдэхийг өөрсдөдөө зөвшөөрөх нь чухал. Хүүхэд шиг бие биеэ гижигдэж, бие биен дээрээ жимсний чанамал асгаад амтлаад үз. Сэтгэл санаа, дур хүслээ бүү чөдөрлө. Чөлөөтэй байлга. Хоёулхнаа байгаа үедээ юу хүссэнээ л хий. Тэгвэл дээд зэргийн таашаал авах болно.

/Хань/