3-р сарын 11 анхны хайрын эзэн чамдаа

Сайн байцгаануу.  Удахгүй 3-р сарын 11-н болно. Энэ өдөр миний анхны хайрын эзэн байсан залуугийн төрсөн өдөр л дөө. Би сайтад юм бичиж байна гэж бодож байсангүй ээ. Гэхдээ хэндээ ч ярих билээ дээ гэж санагдах хүчтэй дурсамж бас хүнд хэзээ нэг цагт ирдэг л юм байна. Тиймээс л энд бичиж байгаа байх. Өөрийгөө ч гайхаж байна. Хань ижил, үр хүүхэдтэй хүн яахаараа анхны хайраа дурсаж энд ингэж цагаа үрэн товчлуур дарж суугаа юм бол гэж өөрийгөө ч гайхаж байна. Гэхдээ энэ л яг цаг үе нь байх. Магадгүй би өнгөрсөн алдаагаа давтахгүй гэсэндээ энэ бүх дурсамжийг ганцхан дотроо л хадгалж байсан буй биз. Урт санагдаж магадгүй гэхдээ энэ миний бодит түүх, өөрөө өөртэйгээ ярилцах ганцхан мөч, хэнд ч ярьмааргүй, бас бодохоос дургуй байдаг зүйлийн минь тухай, бас би энэ бүгдийг бичиж дуусгаад санаа бодлоо цэгцлэх гэсэн хүсэл ч юмуу эдгээр зүйлүүд л байх гэж боджийн.

Хосууд болон яг одоо хүнд үе тохиолдоод байгаа бие биедээ хайртай хүмүүс бидэн шиг битгий байгаасай гэсэндээ энэ харамсмаар ч юм шиг хайралмаар ч юм шиг сэтгэлд үлдсэн алдаа оноогоор дүүрэн 1 наснаас 20 нас хүртэлх хайрын түүхээ  бичье. Тэртээ ард үлдсэн 2006 он бидний үеийхэнд мсж ид дэлгэрсэн цаг байлаа л даа. Тэр үед моби төгрөгөөр биш задгайгаар тооцдог байсан юм. 1 нэгжээр 5 мсж бичдэг байлуу даа хэхэ. Би 1-р курсын оюутан 17-хон настай охин байлаа. Нийгмийн идэвхитэй улс төр сонирхноо бас болоогүй, хэнхэг амьтан байж билээ. Энд тэнд юм бичиж нийтлүүлнэ, бас гэж галзуу нээлттэй талруугаа, хэнтэй ч ямар ч талаар яриа өрнүүлж, өргөн хүрээний найзуудтай ёстой л гоёхон дээрээ байсан үе юм даг. Үеийхэн нэг ангиасаа дотны найз байхгүй, нэг л жоохон хүүхэд шиг санагдаад байдаг тул үргэлж  л ах нарыхаа найз, өөрөөсөө 6-8 эгч найз хүүхнүүдтэй байж билээ. Яасан ч том болох гэж яардаг байсан юм. Яасан ч юм үзсэн царай гаргадаг байсын. Ямар ч их зантай байгаав дээ.

За тэгээд нэг иймэрхүү охин оюутны амралт нь эхэлцэн уйдаж байх үед цагаан сарын шинийн 5-нд байлуу даа гэртээ байж байтал 9982..той дугаараас хэн бэ гэсэн мсж ирлээ. Би өөдөөс нь харин өөрөө хэн бэ л гэлээ.  Тэгтэл утас андуурч гээд л, учир зүггүй надруу чи албаар андуурснуу гээд л мсжээр булж гардаг байгаа, би үгүй чи өөрөө андуураа биз дээ гээд л хэрэлдэвээ. Тэгсэн харин 08тай дугаараас залгаж байна. Аавых нь дугаар гэнээ. За хэрэлдэж танилцсан найзууд сайн найзууд болдогийн танилцья гээд л нэлээн удаан ярив. Үнэндээ би түүний хоолойнд шууд л дуралчихаж билээ. Маргааш нь өдөржингөө мсжлэв. Яриан дунд нэлээн олон тал нь ижилхэн байлаа бид 2. Шинэ хувцас авахаараа хэд хонуулж байж угааж байгаад дараа нь өмсдөг нь хүртэл шүү. Бид харилцах энэ хугацаандаа нэг нэгэндээ хайртай гэдэг үгийг хэлж, мөн утсаар нэгнийгээ санаад уйлж, бас хэрэлдэж үзэв. Яагаад ч юм хараагүй зүгээр л утсаар холбоотой байгаа хүндээ хэн хэн нь тэгтлээ дасаж хайрлана гэж санаагүй хүн асуувал яанаа гээд л инээлдэнэ. Би уулзья гэх болгонд нь айна. Яагаад гэвэл бие биенийгээ хараад голвол яанаа гэж боддог байсан юм. Тэр уулзахгүй гэх болгонд уурлана.

Нэг өдөр тэр миний шарыг үнэхээр их хүргэлээ тэгээд яадгийн уулзий гэж бодоод 3 галын үүдэнд хүрээд ир гэсэн чинь тэгье гэж байнаа. Би ч таксидаад л очлоо. Нэг хүн байх шин байхаар нь бас айгаад мөн боловуу гэж бодогдоод таксинаасаа буулгүй яваад өгч билээ. Үнэндээ би тэрнийг ирэхгүй харин өөрөө оччихоод би ирсэн чи ирээгүй гэж хэлэх санаатай байсын. Тэгээд л  тэр минь би чамайг зөндөө хүлээлээ, чи дандаа ингэдэг гээд л маргалдаад  хэсэг хугацаанд холбоогүй байлаа. Мсж бичмээр байвч шарандаа бичмээргүй санагдана.  Би гэдэг хүн санаад л утсан дээрээ бичсэн тэрнийхээ дууг сонсож уйлаад л…

Одоо бодоход үнэхээр сохор дурлал гээч нь байсан байх гэж санагджийн шүү. Тэгж тэгж 2 сарын дараа би түүнрүү, Нэг зүйл хүнээр дамжуулж  өгье дотор нь миний зураг байгаа энэ хугацаанд ямар хүнтэй харьцаж байснаа ядаж мэдэхгүй юу дөө төрсөн чинь  өгөлцөхүү гээд л мсж бичлээ. Тэгсэн тэгье гэж байнаа. Би гэдэг амьтан бөөн баяр 1 жил гарангийн дотор бүх болж байсан дурсамж, сайхан муухайгаа бичээд, хандаж байсан бүхэн минь чин сэтгэлийх байсан юм шүү гээд л хэдэн хуудас захидал гараараа бичгэлсний хамт, багийхаа зургыг 18 насныхаа зурагтай хамт, мөн төрсөн өдрийн бэлэг болгож авсан цагныхаа  ард талд нялуунаагаас нь гэж бичээд чихмэл гахайтай цуг хайрцганд хйигээд  ангийхаа хүүхдээр сургуулийх нь жижүүрт 3-р курсын тэрэнд үлдээж байгаа юм, одоо ирээд авчих байх гэж хэлээд үлдээлгүүллээ. Тэгсэн ангийн охинд хариуд нь бас нэг юм жижүүр нь өгсөн байлаа. Би гэдэг амьтан долларын уутанд хийж скочоор сайн боож өгсөн тэр зүйлийг үзэх хүсэл нь дийлж гэртээ харих замдаа тэсэлгүй задалтал өөрийх нь өлгийтэйгээ орон дээр байгаа зураг, одоо байгаа үеийх нь японд байхдаа ангийхантайгаа авахуулсан зураг, ээж аавых нь залуудаа бичдэг байсан хайрын дэвтэр нь байлаа. Зурган дээрээ Онигор нүдтэй унжуу хамртай шар залуу байна шүү. Үнэндээ миний төсөөлж байснаас арай л царай муутай байсымдаг хэхэ.

Гэхдээ надад энэ царай огт сонин биш зөвхөн тэрний минь сэтгэл, дуу хоолой л миний зүрх сэтгэлийг бүхлээр нь эзэмдсэн байсан болохоор тэрнээсээ, миний захидал болоод өгсөн зүйлийг юу гэх бол гэсэн мсж л хүлээж байлаа. Гэртээ орж иртэл уртаас урт мсж ирлээ. Мсжнд: Захидалыг нь уншаад уйллаа, үнэхээр сэтгэл мэдрэгдэж байна. Хайртай шүү. Одоо хоёулаа салахгүй ээ. Хичээл дээрээ сууж тэсэлгүй гэртээ ирээд үзлээ гээд л. Бурхан минь би бас уйлаад л бөөн баяр. Ингээд л би гэдэг хүн жаргалаар дүүрэн амьтан боловоо. Бид аав ээжтэй нь адил дэвтэр хөтөлдөг байсан юм тэрнийгээ бие биедээ дамжуулаад л харилцаа минь улам гүн болоод л. Тэгж байтал наадам болох үеэр маргалдаад би дэвтэрнүүдээ авья гэтэл сургуулийн жижүүрт байгаа гээд би  2 өдөр дараалж сургууль дээр нь очив. Жижүүрүүд нь тийм юм үлдээгээгүй гээд л. Би ууралваа чи яах гэж тэр дэвтэр хаяж байгаа юм гэсэн чинь хаяагүй хайран санагдаад гэж байна. Тэгэхээр нь би тэгвэл хоёуулаа уулзьяа. Би дэвтэрээ л авьяа гэсэн чинь. За тэгвэл Баянбүрдийн урд талийн цагаан байрны урд модон сүүдрэвчинд хүрээд ир гэж байна.

Ингээд л урт хугацааны харилцаан дундах айдас минь гэнэт алга болж би заавал очно гэж бодоод 10 цаг болохыг тэсэн ядан хүлээлээ. Таксинд явж байхдаа яанаа ирэх боловуу. Би олон удаа очоогүй юм чинь намайг бас тэгж хашираах болов уу гээд л их юм бодсоон. Очтол нэг сүүдрэвч нээрээ байнаа. Хаанаас аль байрнаас гарч ирэхийг нь мэдэхгүй болохоор арагшаа хараад л суугаад хүлээв. Хүлээгээд л байлаа. Тэгж байтал гэнэт хүн араас мөнүү гээд л тэврээд авсан. Би уйлах шахаж билээ. Анх бие биенээ харж байгаа хүмүүс гэж огт бодогдохгүй аль эртний хосууд юм шиг л урьдны бүх маргалдсан гомдолоо таг мартчихсан тэр хүнд тэврүүлээд сууж билээ. Аягүй том сар гарч гэрэлтэй шөнө болж байсанг тод санаж байна. Тэр минь намайг би чамайг ийм зориг гаргана гэж бодсонгүй. Ингээд л уулзчих байтал яах гэж уузахгүй гэж нэгэнтэйгээ маргалдахад хүргэдэг байсын. Би чамайг шууд л тэврээд авна гэж хэлдэг байсандаа гээд л…

Нээх хөөрхөн үнсэхээр тогойход нь би айгаад нүдээ тас анисан хэхэ. Хамгийн анхны минь үнсэлт. Түүнээс минь өөр хэнч миний уруулд хүрээгүй байсан юм. Би энүүгээрээ дотроо их бахархдаг байсанч түүндээ, нөгөө л тэнэг юм үзсэн хүн, нээх том болсон Юм шиг санагдуулахын тулд хүнтэй унтаж үзсэн гээд мсж бичдэг байх үедээ хэлчихсэн байсандаа одоо би үнэхээр их харамсдаг. Тэр өдөрөөс хойш бид жинхэнэ хосууд болж, тэр минь найз нартаа намайг ирсэн гэж хэлж танилцуулж, найз нартай нь хамт зугаалахаар болов. Энэ зугаалга үнэндээ мартагдахгүй дурсамж үлдээсэн. Би түүндээ дураараа эрхэлж үнсүүлж чаддаг болсон байлаа. Тэгээд л хүн болсон хойно сониучирхаад үүр цайх алдад гол дээр шувуу харж зогсож байгаад анх удаа би түүний эрхтэнг жинсэн өмднийх нь цаанаас барьж үзсэн юмдаг. Нээх сонин хатуу бас…

Бид нэгнийгээ ихээр хүсдэг болов. Гэвч би хүнтэй унтаж үзээгүй гэдгээ хэлэхээс айна. Намайг худалч гэх боловуу. Би муу туршлаггүй санагдвал яанаа гээд л. Түмэн бодол толгойд эргэлдэж зугтаал. Гэтэл гэв гэнэт тэр минь нэг орой гэртээ байж байгаад амьсгал нь боогдоод эмнэлэгт хэвтсэн байлаа. Мсж бичихээр хариу байхгүй залгахаар утсаа авахгүй байсан тэр нэгэн шөнө хар дарсан зүүд шиг л санагдаж байж билээ. Өглөө тэр минь утсаар  эмнэлэгт гэнэт хэвтсэн ханиад хүрээд гүйцэд эдгээгүй удаан явсан ядаргаа гээд л олон зүйл хавсарч тэрний минь уушиг устсан байв. Би гэдэг хүн эргэж очихоор болж гэртээ бууз жигнэж, хүмүүс сайн гэхээр нь нээх өтгөн гашуун цай чанаал өвөл 10 сард жуковруу хэвстэн хувийн эмнэлэгрүү нь очив. Бид нэгнийгээ маш их санасан байлаа. Мэдээж тэврэлдэв үнсэлцэв…

Тэгсэн тэр минь хүсэж байгаагаа хэллээ. Би мэдээж ямар ч бэлтгэлгүй хүн чинь сандраад. Эмэнэлэгт үгүй гээд л. Жирэмсэн  болчуул яахын гээд л тэгж тэгж Хамгийн тэнэг нь яасан гээч бид миний ар талруу г.хийчихсэн юмдаг. Еоо ямар аймар байсан бээ бүү үзэгд одоо бодохоор түүнийг үзэн ядаж өөртөө уур хүрдэг юм. Шөнө нь би гэртээ ирээд уйлаад л. Тэр минь дахиж тэгж хийхгүй чамайгаа боджийн их муу гэсэн цагаан мах нь эргэдэг гэсэн гээд л. Би тэрнээс хойш жоохон зориг орсон юм даг. Бараг 20 хэдэн хоногийн дараа тэр минь 11.25-нд эмнэлэгээс гарав. 26-нд нь бид уулзаж хамт хонохоор болцгоож 1-р хорооллын нэгэн буудал оров. Тэр минь дээр гараад хийх гэхэд нь би айгаад 2 өвдгөөрөө хавчаад  хамаг биеээ чангалцан аймар өвдөөл худлаа нээх үзсэн хүн шиг жоохон орилмор аядахаа бас мартахгүй байгаамаа. Үнэн тэнэг. Үнэхээр аймар юм болов хэсэг хугацаанд. Тэрнийгээ хөлөөрөө хэтэрхий чанга хавчиснаас болоод 2 хавирга нь улаан эрээн хэхэ. Бас нэг юм нь тэр минь эмнэлэгт хэвтэхдээ усанд ороогүй шууд над дээр ирсэн болохоор бие нь хөлрөхөд хир нь миний гарт мэдрэгдэж байхад би түүнээсээ огт шижиглээгүй, түүнийгээ гомдоочих байх гээд хэлээчгүй.

Ингээд л би гэдэг хүн улс тунхагласны баяраар охин насаа үдсэн юмдаа. Тэр минь даанч мэдээгүй. Би түүндээ анхнаасаа л үнэнгээ хэлэх байсан юм гэж одоо хармсдаг. Өглөө нь аптекаас 72 цагын эм авч уусан хамтдаа. Учир нь би ямар үед эмэгтэй хүн жирэмсэн болдогыг мэдэдгүй тэр минь ч сайн гадарладгүй байсан байх. Би бол тийм харицаанд ороо л бол жирэмсэлдэг гэж боддог байсым чинь хэхэ. За тэгээл хосууд юу хийдэг хаагуур зугаалдаг гээд л бүгдийг нь хийдэг байлаа. Түүнийхээ ээжтэй нь аавтай нь цагаан сараар танилцлаа. Тэр минь манайд харилцан адил ирэх байсан ч найзуудтайгаа ууж идэхдээ зодолдоод нүд нь хөхөрчихсөн болохоор ирээгүй билээ. Дараа нь таилцсан. Би түүнийхээ ээжид нь их сайн байж билээ. Аав нь дуу зохионо. Ээжийх нь бэлгэнд өгсөн аяга сав одоо манайд байдаг юм. Одоо ч би тэднийг хүндэлдэг дээ.

Тэр минь уушигныхаа усыг авахуулсныхаа дараа  дахин хэдэн сарын дараа хагалгаанд орсон би тэрнийхээ төлөө сүү өргөөд л, хар үүрээр хагалгаанд орохоос минь өмнө ирээрэй гэсэн болохоор нь түүнлүүгээ яарад л бидэнд зовсон жаргасан зөндөө түүх бий. Ээжийх нь бэлгэнд өгсөн аяга сав одоо ч манайд байдаг юм. Бид эвээл жилтэй тэр минь надаас 4-өөр ах байсан.Ер нь бие биендээ хэтэрхий хайртай хартай болоод ирэхээрээ хосууд хэрэлдэх нь ч зодолдох нь эвлэрэх нь олон болоод ирдэг юм билээ. Би угаасаа жоохон эмзэг шартай бууж өгнө гэж мэдэдгүй, тэрнээрээ дандаа гуйлгуулж байж санаа амардаг ааштай охин байсан санагддаг юм. Бид муудалцах нь их болов. Их маргалдах ямар ч сайхан харилцаанд сэв суулгаж хайрыг бөхөөдөг юм билээ. Энэ их маргалдааны үр дүнд би ингэх нь хэнд ч хэрэггүй, дахиж түүндээ сална гэж хэлэхээ болье, нэгэнт л хайртай суухаас хойш нэгнийгээ ялж дийлэх нь буруу юм байна.

Одоо хариуцлагтай байх цаг нь болсон гэж ойлогоод түүндээ хэлтэл тэр минь хүлээж аваад ч байгаа юм шиг үйгүй ч юм шиг нэг л сонин болчихсон.  Алдарт 7-р сарын 1-ний өдөр тэр минь манайд ирээд явахад л бидний сайхан байсан үе тэр өдрийн үймээн шиг болсон санагддаг юм. Би түүндээ хайртайгаа хэлж, өнгөрсөн хугацаанд алдаж байсан бүх зүйлээсээ уучлалт гуйгаад л түүнийгээ эргэж ирэхийг хүлээгээд л. Тэр минь улам л хөндий болсоор би түүнийгээ эргүүлж авахад юу ч хийхэд бэлэн байсандаа олон ч тэнэг зүйл хийсэн дээ. Нэг өдөр хамт хонохдоо түүний утсанд ирсэн мсжний дугаарыг цээжлээд тэр хүүхэнтэй нь харьцаж байгаад ,түүнийгээ надтай байх хугацаанд үнэнч байгаагүй гэдгийг ч мэдэж авав.  Тэр нэг өдөр HERO гэх pub-аас найзтай нь хамт гарахдаа муудалцаснаас болоод найзых нь араас гүйдэг охин бас нэг найзтайгаа хамт буудалд байхад нь очиж нэмж уугаад хамт явж байсан охинтой нь согтуудаа унтчихсан юм билээ. Тэр охин нь тэрэнлүү минь мсж бичдэгийг мэдээд за яахав гээд л дотроо уучилсан. Охидууд тийм л айхтар ганцхан унтсан байж араас нь гүйгээд л.

Гэхдээ тэгж өөр хүн болж мсж бичиж болох юм байна гэдэг санааг тэр охиноос л олж мэдээд тэрэнлүүгээ өөр хүн болж мсж бичиж байгаад баригдчихсан. Тэр минь уурлаад л арай ч чамайг ингэнэ гэж бодсонгүй гээд л. Би гэдэг хүн тэр үед хайраа, анхны гэсэн юм бүхнээ алдах нь гэсэн бодлоосоо болж их олон алдаа гаргасаан. Хоёрын хооронд найз гэж нэр зүүж хүний амьдралд атаархсан залуус олон байдаг юм билээ. Түүнд минь сайн найз ховор, муу найз олон байсан юмуу даа гэж бодогддог юм. Бидний хооронд яс хаяна.  Өөрсдийхөө явдаг хямд хүүхнүүд шиг намайг бодож түүнд минь муулна. Их зүйлээс шалтгаалж бидний сэтгэлд сэв суусаан. Эцэст нь хэн ч юу гэж хэлж байсан нэг нэгэндээ итгэх нь харилцааны бас нэг үнэт зүйл юм байна гэж ойлгож байгаан. Хожимдсоон даан ч.  Үнэндээ тэр үе бол миний ухаан сууж эхэлсэн үе минь гэж бодогддог. Өөрийгөө танихаа байтлаа утгаа алдаж тэр хүнийг буцааж өөрийн болгох хүсэлдээ автаж, би хүүхэдтэй хүртэл болсоон. Тэр минь ирээгүй.Урд нь бид бас маматай болоод оюутан гээд авхуулчихсан юм.

Тэр хүүхэд минь дахиад эргээд ирлээ гээд хичнээн баяралсан гээч. Бичсэн чинь цээж огшоод нүдний аяганд нулимас дүүрч ирж байна. Яг түүнтэйн минь адил усан ихэр байсан болохоор би түүнгүйгээр хүүхдээ гаргахаар шийдсэн юм. Тэр минь надаас зугтаад би мобигийн урд уйлаад гуйж байснаа бодохоор надад үнэхээр муухай дурсамж санагддаг. Түүнийгээ хамгийн сүүлд London pub-д найзтайгаа сууж д нь харсан билээ.   Би жирэмсэн ажилаа хийгээд л гүйж байтал 2-р сард гэнэт доошоо бага зэрэг цус гараад байх болов. Ажилаа тараад Эмнэлэгт очоод үзүүлтэл өсөлтгүй жирэмсэн, ургийн зүрхний цохилт сонсогдогүй болсон байна гэж хэлсэн. Би  эмнэлгийн гадаа бүтэн 2 цаг уйлж суугаад хөлдөж үхэх гэсэн амьтан гэртээ ирээд унтаж ч чадалгүй өглөө нь дахин 2 хувийн эмнэлэгийн эхогоор харуултал адилхан онош хэлж цус алдаад 4 хоносон тул  эмнэлэгт очихгүй бол цусанд бохир лорж севест болно гэж хэлсэн.

Би үнэндээ ойлгоогүй. Ойлгохыг ч хүсээгүй, хайралж байсан анхны гэсэн бүхнээ өгсөн хайр минь надад яаж хүн хайралхыг, яаж харилцахыг, яаж хайрыг ойлгохыг, юманд хүлээцтэй байхыг, уучилхыг, бүх зүйлийг зааж өгчихөөд надад ирэхгүй явчихсан байхад, үр нь яагаад бас намайг орхиж байгаан бэ гээд л би бараг хагас мэдрэл болсон байх. Ингээд л ганцаардал дунд, өөртэйгээ тэмцэлдэж, шархалж шаналсан амьтан ажилдаа бүх зүйлээ зориулж явах үед миний амьдралын хань араас минь гүйдэг байлаа. Би түүнийг огтхон ч эр хүн гэсэн бодол төрдөггүй байсан болохоор түүнийхээ ямар сайн хүн болохыг мэдээгүй юм билээ. Ажилдаа ч амжилт гаргаж, улс төрд орох анхны алхамаа хийж, хайр нь бүтэдгүй юм бол мөрөөдөлдөө заавал хүрнэ гээд л улайраад л. Түүнийхээ үр шимийг амсан, нийгэмд өөрийн гэх байр суурийг эзэлж, орон зайг үүсгээд л ажил минь амжиллтай л явж байна. Ханийгаа ойлгож түүндээ дасаж амьдрал зохиосон. Хань минь үнэхээр сайн хүн. Намайг үнэхээр сайн ойлгодог. Хань минь миний сайн муу бүхнийг мэднээ.

Би түүндээ маш их хайртай.  Анхны хайр сэтгэл, жинхэнэ хайр сэтгэлийн босго болдог гэсэн үү үнэхээр үнэн гэж би боддог. Учир нь анхны хайрын эзэн болох тэр залуу надад ухаарал хайрлаж, амьдарлыг өөр нүдээр хардаг болоход тусалж, харилцаа тал дээр ч би өөрийгөө шинээр нээж чадсан гэж боддог. Өсвөр насны минь гэнэхэн хайр надад үнэхээр том сургамж болсон доо. Хаана ч хэзээ ч хүн байгаагаараа байх шиг сайхан юм үгүй. Надад одоо үзээгүй байж үзсэн юм шиг, хараагүй байж харсан юм шиг загнах худлаа бардам зан байхгүй. Би одоо өөрт байгаа бүх зүйлыг үнэгүйдүүлэх тэнэг хүн биш болсон. Өөрт байгаа зүйлээ хайрлаж байгаарай. Хэрвээ би алдаанаасаа өөрийгөө олж хараагүй бол одоо ингэж бичихгүй ч байсан байх. Ханьтайгаа суусны дараа анхны үрээ гаргах хүртлээ өсөлтгүй жирэмсэн болчихвий гэж айн 7 хоног бүр л эход харуулдаг байж билээ. Хайрыг хайрлаж чаддаг болсон болохоор бурхан надад тэнгэр шиг уужим сэтгэлтэй хайр өгсөн байх. Охиноо төрүүлээд би тэр хүн лүү хамгийн сүүлийн удаа мсж бичсээн. Авсан, уншсан үгүйг мэдэхгүй юм.

Гэхдээ тэр мсжинд ухаарал уучлал багтсан байсанг тэнгэр гэрчилнэ.  Одоо тэр хүн сайн сайхан яваасай. Түүнийг минь надаас илүү ойлгох хүнтэй суугаасай гэж би боддог. Хэзээ нэг өдөр магадгүй бид тааралдвал тэр минь ярьдаг байсан шигээ энгийнээр сайхан мэндээ мэдэлцэж өнгөрөөсэй гэж боддог доо. Анхны гэх бүхэн нандин байдаг хойно, алдаа ихтэй ч хайрын минь түүх болохоор надад нандин.  Анхны Хайр уучиллаар төгсдөг болохоор амьдрал хүнд дахин алдахгүй гэж сайхан хайр өгдөг юм шүү. Алдах эрхгүй хайр гэдэг нь амьдралын хань чинь байдаг юм шүү бүсгүйчүүд минь хань ижилээ хайрлаж хүндэлж яваарай. Энэ хорвоод ирээд буцахдаа хүн шиг амьдарч, хүнийг хайрлаж байх нь амьдарлыг чинь утга учиртай болгодог гэдэгтэй санал нийлэх хүн олон байх аа. Амнаас гарч буй бүхэн хариуцлага дагуулдаг учраас, Бодол үг дагуулдаг, Үг үйлдэл дагуулдаг гэдэг үгийг л сургамж болгож  хэлье.  Хайраа хүндэлж яваарай. Монголын үрс маш олон болж, Мянга мянган хосууд аз жаргалаар дүүрэн байгаасай гэж хүсье дээ.