Эрчүүдийн цэвэршилтийн талаарх ойлголтууд

Нэг: Цэвэршилт зөвхөн эмэгтэйчүүдэд хамааралтай асуудал. Ихэнх эрчүүд ингэж боддог. Гэвч бэлгийн чадавхи доройтох байдал эрчүүдэд ч мөн адил илэрдэг тул цэвэрших явц гэж үздэг. Ялгаа нь гэвэл эмэгтэйчүүдэд илэрдэг шиг хурц хэлбэрээр биш тайван явагддаг. Аажимдаа судасны механизм сулардаг. Гормонууд гээгдэх ч эмэгтэйчүүд шиг цусны даралт ихсэхгүй.

Хоёр: Ажлын ачаалал ихтэй тул эмэгтэй хүн сонирхдоггүй. Эмэгтэй хүнийг хэдий бага хүснэ, төдийчинээ эрэгтэй хүний бие организмд цэвэршилтийн процесс явагдаж байгаагийн илрэл. Бэлгийн чадавхи, сонирхол буурах, сексийн идэвхжил алга болох, дур тавилт сулрах зэрэг шинж тэмдэг нь эрэгтэй хүний цэвэршилт ойртож байгаагийн шинж тэмдэг. Өнгөц дүгнэвэл ажлаас болж ядарсан мэт сэтгэгдэл төрж болох.

Гурав: Өвгөчүүдэд л ийм шинж тэмдэг илэрдэг. Бүх зүйл хувь хүний бие бялдар, бэлгийн чадавхиас шалтгаална. Бие бялдар сул, бэлгийн чадавхи тааруухан эрэгтэй хүний цэвэршилт 45-48, дундаж бол 48-60 насны хооронд эхэлдэг. Харин бие бялдар эрүүл чийрэг, бэлгийн чадавхи сайтай эрчүүдийн цэвэршилт 60 наснаас хойш ч илрэх нь бий.

Цэвэрших үйл явцыг хэрхэн хойшлуулах

-Хоолны зөв дэглэм баримтлах. Өөх тос ихтэй хурц хоолноос зайлсхийх. Талх, нүүрс ус, чихэрлэг зүйлийг аль болох бага хэрэглэ.
-Эрдэс бодистой витамины комплекс хэрэглэ.
-Стресс үүсгэх нөхцөл байдлаас хол бай. Стресс нь бэлгийн дархлааг хүчтэй сулруулдаг.
-Эр хүн шиг бай (шууд утгаар). “Ядарсан гэдгээр шалтгаалан сексийн амьдралаас зугтах тусам бэлгийн чадавхи доройтно. 45 наснаас хойш бэлгиин амьдралаас зайлсхийх, хойшуулах нь цэвэрших явцыг түргэсгэдэг байна. Бэлгийн амьдралын дадсан хэмнэлийг өөрчлөхгүй байвал сайн.

/Хань/