Ямар арга хэмжээ авбал амьдралаас минь бүрмөсөн зайлах бол?

Энэ сайтын уншигч нарт энэ өдрийн мэндийг хүргэе. Би та бүхэнтэй өөрт тулгамдаад байгаа асуудлынхаа талаар зөвлөгөө авахыг хүслээ. Би сургуулийн сурагч байхдаа үг дуу цөөтэй охин хичээл гэр 2оос өөр гадагш гарч найз ангийхантайгаа нийлж гадуур явахыг мэддэггүй, тиймдээ ч үерхэл хайр шохоорхол гэдгийг мэдэлгүй явсаар оюутан боллоо. Мэргэжлийн дагуу дуртай ажлаа сурахынхаа хажуугаар ажил хийж ээж аавдаа дараа болохгүйг амьхандаа хичээдэг байлаа.

Энэ үеэс л найз нар болон ажлын хүмүүс хүнтэй унтахгүйгээр үерхэнэ гэж байхгүй одоо хүнтэй унтахгүй бол оройтно гээд байнга хэлдэг байсан ч миний хувьд жинхэнэ хань болох  хүндээ л бүхнээ зориулна гэж боддог байлаа. Тэгсээр сургуулиа төгсөх ч ойртож нэг удаа найз охин бид 2 санамсаргүй 2 залуутай танилцаж хааяа хамтдаа кино үзэж гадуур гардаг боллоо. Нэг өдөр надруу мессэж бичдэг залуу намайг гэрт минь хүргэж өглөө. Тэр үед намайг ямар шид хатгасын хайрлаж татагдсан юмгүй тэр залууд охин насаа өгчихсөн.

Тэрнээс хойш тэр залуу таг чиг болж би нэгэнт биеэ өгсөн учраас тэрэнтэй л суух ёстой гэж бодон их л хойноос нь залгадаг байлаа. Удалгүй би жирэмсэн болсноо мэдээд айж айж ээждээ хэллээ. Итгэдэг байсан нөгөө даруу охин нь хэнийх нь мэдэгдэхгүй хүүхэд тээхээр хэцүү л байсан байх. Тэдний гэрийнхэн дээр очиж уулзахад ээж эгчтэйгээ амьдардаг тэд нар нь үнэхээр боловсролгүй бүдүүлэг хүмүүст элдвээр доромжлуулж хэлүүлээд гарлаа. Тэгээд л шууд авахуулах гээд эмнэлэг ороход нь би зугтах шахам болж байж хүүхдээ гаргахаар боллоо. Хамгийн гол нь миний бодол анхны хүүхдээ авахуулна гэдэг насаараа ээж болж чадахгүй ч байх эрсдэл их мөн маш аймшигтай зүйл учраас гэрийнхнээсээ тэс хөндлөн зөрсөн.

Тэгээд хөөрхөн хүүтэй боллоо. Ээж минь харж би ажилдаа орж сэтгэл санаа ч дээрдлээ. Хүүгээ ойтой байхад жинхэнэ мөрөөдлийн залуутайгаа ажлын шугамаар танилцаж холбоотой болсноор хайрлалцаж хүү бид 2 нэг хүнээр хүлээн авч хуримаа хийгээд нэлээд хэдэн жил болсон байна. Жинхэнэ амьдралын сайхныг мэдрүүлсэн ханьдаа энэ амьдралдаа би үнэхээр их хайртай.

Гэтэл сүүлийн үед нөгөө залуу гэнэт амьдралд минь гэрч ирээд гай болох гээд байна. Оюутан байхдаа л ажилладаг байсан газраа эргээд ажиллаж байгаа болохоор тэр миний ажил дээр очоод хамгаалагчаас миний дугаарыг авчаад хүүхдийнхээ зургийг үзмээр байна хүүхэддээ мөнгө өгье гээд л, ажлаар маань байнга очиж нэг удаа мөнгө бэлэг үлдээсэн байсныг би гуйлга гуйдаг хүнд өгч байсан. Би тэр хүнээс үнэхээр ой гутаж байна. Миний хүү тэрэнтэй огтхон ч хамааралгүй. Ядаж байхад би хүүхдээ байнга ажилдаа авч явдаг хүүг минь гэрийнхнээс маань бусад бүх хүн ханийн минь хүүхэд гэж л боддог. Би ажил дээрээ ч нэргүй болно намайг харуулаас эхлээд гайхаж эхэлнэ дээр нь хүүгийг минь мэдчихвэл элдвийн юм яричихвий бас хулгайлаад аваад явчихвий гэхээс маш их айж байна.

Хамгийн чухал нь ханийнхаа сэтгэлд сэв суулгахаас айж байна. Дугаараа сольсон ч ажил дээр ирээд л мэдчээд байх юм. Би тэрний царайг дахиж хармааргүй байна өөрийгөө ч харуулмааргүй байна. Утсаа аваад нэг ярьчих л юм бол бүр хэрүүл гуйгаад тэнэг тэнэг юм бичээд зүрх дэлсгээд байдгийм. Би яах ёстой вэ ямар арга хэмжээ авбал амьдралаас минь бүрмөсөн зайлах бол. Үнэхээр гэр бүлээрээ гадагшаа гарчихмаар санагдахын. Гэхдээ бид 2 Монголоосоо өөр газар амьдрах хүсэлгүй. Тэгсэн ч ямар хэрэг хийсэн биш тэрнээс зугтаад байхдаа яадгийн гэж бодогдох юм. Гэтэл амьдрал руу минь орж ирээд гай болохоос айх юм.