Зөвлөлт маягийн социализм ба Орос маягийн капитализм

Хүн юм болгоны талаар өөрийн гэсэн бодолтой байх эрхтэй. Энэ харьцуулалтыг зохиосон эр тэр үеийн социализм ба одоогийн капитализм хоёрыг харьцуулжээ. Зөвлөлтийг үндэстнүүдийн шорон гээд орчин үеийн эрх чөлөө, итгэл найдварын үе гэдэг.

Зөвлөлтийн хүнд тагт, цонхон дээрх төмөр тор, хуягласан хаалга гэж хэрэггүй байж. Харин орчин үеийн эрх чөлөөний эрин гэчихээд бүгд л байрлуулж болох бүх газраа тор хийдэг болж.

Орцон болгонд гадны хүн оруулаах гэж хуягласан хаалга, жижүүртэй болгосон. Сайндаа ч биш орон байрны хулгай, хүчирхийлэл хэрээс хэтэрсэн хэрэг. Харин зөвлөлтийн үед ийм бараг байдаггүй байсан болохоор орц болгон нээлттэй байдаг байлаа.

Том албан газрууд л хашаатай байсан бол одоо хаашаа л харна уу хашаа болж. Газрын маргаан энэ тэрээс болж хүн, байгууллага болгон хашаа барьж хамгаалдаг болжээ.

Хүүхдүүд өглөөнөөс орой болтол хороолол, гудамжаар тоглохдоо чихээр хуурч бузар зүйл хийх гэдэг гаж донтнуудаас айлгүй тайван байж болдог байлаа.

Сургууль, хүүхдийн цэцэрлэгүүдийн үүдэнд хамгааалагч, металл илрүүлэгч гэж байдаггүй байв.

Яадгаа алдсан архичин, танхай биш л бол хөршийнхөө амбарыг ухах, ТҮЦ-ийн цонхыг хагална гэдэг огт байдаггүй зүйл байлаа.

Инкассаторууд тэр үед мөнгийг ийм машинаар л зөөчихдөг байлаа. Сум нэвтэрдэггүй хантааз, хуягласан машин, автомат буу зүүдэггүй байлаа. Байгаагаас жирийн “Наган”, эсвэл “Макаров”-ыг нь ёс төдий авч явдаг байв.

Тэгэхээр тэр үед хүмүүс тэгэж их шаналж зовоод, шоронд байгаа юм шиг амьдардаг байв уу эсвэл одоо бид өөрсдөө алтан тор барьж дотор нь орж суучихаад байна уу гэсэн асуулт гарах нь зүйн хэрэг.