Зөнөг залгасан уу эсвэл…

Британид 81 настай өвөө хүйс солиулах хагалгаа хийлгэн эмэгтэй, болсон тухай мэдээ дуулиан тарьж байна. Гурван хүүхдийн эцэг, гоонь эр хүнийг насны бөгсөн дээр гэнэт хүйсээ солиулах юм гэж хэн ч санаагүй биз. Харин хэргийн эзэн өвөө, өөрөөр хэлбэл одоо эмээ Жеймс нь хүйсээ солиулахаас өмнөх туулсан амьдралаа бүрэн дүүрэн биш гэж үздэг байснаа хэлэв. Тэрээр “Би буруу хүний биед оршоод байгаагаа ямагт мэддэг байсан юм” гэсэн байна.

Жеймс нас дээр гарсан хойноо зориглон хагалгаа хийлгэх гэсэн ч хөгшин хүнд хагалгаа даах эсэхээ мэдэхгүй байж. Эмч нартай уулзаж зөвлөгөө авахад айх зүйл үгүй гэдгийг хэлж. Үүний дараанаас буюу дөрвөн жилийн өмнөөс Жеймс өвөө эмэгтэй хүний бэлгийн даавар хэрэглэж байгаад хүйс солиулах хагалгаанд орсон нь энэ аж.