Польшийн биеэ үнэлэгчид

Польшийн хүчний байгууллагынхан тусгай ажиллагаа явуулж янхны газар ажиллуулж байсан ах дүү гурван гэмт хэрэгтнийг баривчилжээ.

Тусгай ажиллагааны явцад баригдсан 70 гаруй биеэ үнэлэгчид энэ гурвын мэдэлд ажилладаг байж. Тэд өөрийн амьд бараагаа булаалгахгүй, алдахгүй, алдсан ч хурдан олж авч байхын тулд бие дээр нь өөрсдийнхөө нэрийг шивжээ.

Биеэ үнэлэгчдийн бие дээр гол төлөв “Би өөрийн эзэн Лешект хайртай”, эсвэл “Би бол Олекийн өмч”, “Миний эзэн Павлыг бурхан өршөөг” гэх мэт бичээс шивсэн байж.

26 насай Лешек, 31 настай Олек, 34 настай Павл гэсэн ах дүү гурав олон арван эмэгтэйчүүдийн биеийг дөрвөн жилийн турш хүчээр үнэлүүлж хоёр сая орчим ам.доллар олсон гэнэ.