Динка омгийнхон

Динка нь Өмнөд Суданы омгуудын нэг нь юм. Динка омгийнхон 10 зууны үеэс Нил мөрний хоёр талаар амьдарч байгаа бөгөөд сахарын цөлийн иргэдийн хэлээр ярьдаг байна. Энэ омгийнхны 3 сая орчим хүн байдаг бөгөөд 21 бүлэгт хуваагдаж, бүлэг бүр толгойлогчтой байдаг. 

Динка омгийнхон ихэнхидээ мал аж ахуй, газар тариалан эрхэлж амьдардаг байна. Худалдаа наймаа нь тэдний хувьд их чухал байдаг. Гэрэл зурагчид болох Кэрол Бэквит болон Ангела Фишер нар 30 жилийн турш энэ омгийнхны талаар судалж байгаа юм байна. Омгийнхны хувьд өөрийн омгийн ёс заншлыг маш ихээр хүндэлдэг болохыг нь гэрэл зургуудаас нь харж болно.