Хадгалж үлдмээр байна…

Сайн байна уу? Би 25 настай найз залуутайгаа 2 жил болж байна. Бид 2 зүгээр үерхдэг гэхээс илүү яг л эхнэр нөхөр шиг байдаг. Тэр минь миний хувьд бүх зүйлд анхны эр хүн. Харин бид 2 тусдаа 600 км-н зайтай амьдардаг. Гэхдээ би ихэнхдээ найз залуугийндаа ирж байдаг. Сая сүүлд би гэрлүүгээ яваад 2 сар ирээгүй байж байгаад ирсэн. Гэтэл тэр тэс өөр хүн болчихож. 2 сар ирээгүйд минь уурласан гэж байгаа ч тэр өөрөө бас уулздаг хүнтэй болсон байгаа, хамт ажилладаг хүн нь. Надад болохоор найз л гэж хэлээд байгаа. Тийм дотно найз гэж байхуу хамт дугуйгаар зугаалж зургийг нь аваад л бас тэр охин нь манай найзын хацар дээр үнсэж байгаа бичлэг байсан.

Ийм болсонд 2-аа буруутай, энэ 2 жилд их маргалдаж муудалцдаг байсан гэсэн ч итгэлтэй байсан хэзээ ч салахгүй гэж. Би ч өөрөө их түргэн ааштай уурлаж бухимддаг. Сүүлд 3 сарын өмнө би уурлаад салъя гээд гэрлүүгээ явахад санаад байна гээд ажлаа хаяад миний араас ирж байсан. Бас гол асуудал нь бид 2 өөр орны хүмүүс өөр зүйлүүд маш их. Тэгээд өчигдөр ярилцаж суухад бид 2-т бодох цаг хэрэгтэй одоо надад ямар ч мэдрэмж алга яг л төмөр шиг юуг ч хамаармааргүй байна гэж хэлсэн. Үнэхээр яг л төмөр шиг хүйтэн санагдаж байна. Аль алиндаа буруу байгаа ч бодохооор л гомдоод хүлээн зөвшөөрч чадахгүй юм. Энэ үед яавал дээр вэ яаж чадвал харилцаагаа ахин сэргээж хадгалж үлдэж чадах бол? Туслаач…