Конго цагаан тугалганы нинжа нар

Африк тивийн Конго улс нь сүүлийн 10 гаруй жилийн турш омог хоорондын, нам хоорондын сөргөлдөөнөөс болж иргэний дайны байдалтай байгаа улс.. Конго нь бүх төрлийн гар утас, компьютер ба бусад дижитал хэрэгслүүдийн үйлдвэрлэлд хамгийн өргөн ашиглагддаг цагаан тугалга, ба танталын асар том орд газартай.

Дайн тулаан тасрахгүй байгаа тул том хөрөнгө оруулагчид орж ирдэггүй. Нутгийн иргэд арга буюу тэдгээр орд газруудад нинжа хийж гол зогоодог, нутгийн хэмжээгээр бол тун ч муугүй олдог юм гэнэ.

Иймд зэвсэгт бүлэглэлүүд өөрсдийгөө санхүүжүүлэх зорилгоор эдгээр орд газруудыг эзлэн авах болжээ. Яваандаа зэвсэгт бүлэглэлүүдийн гол зорилго, сонирхол нь эдгээр орд газар, уурхай болж хувирсан байна. Нинжа нарыг атган, бүх санхүүг нь гартаа оруулснаар хоногт 1 ам. доллар орчим цалин өгсөн болж аймшигтай нөхцөлд ажиллуулдаг.

Зэвсэгт бүлэглэлүүд нь олборлолтоос эхлээд ченжүүдийн худалдан авалт, цаашид дэлхийн зах зээл дээр гарах хүртэл дийлэнх шат дамжлагыг хянаж байдаг.

Тэд цагаан тугалга агуулсан хүдэр буюу касстерит, тантал агуулсан хүдэр буюу колтаныг олборлодог.