Бодит хэрэгцээ байгаа цагт нийлүүлэлт ямагт байна…

Энэ ч хөөрхий мөнхийн сэдэв дээ. Хэрэгцээ байгаа цагт нийлүүлэт ямагт байна.

Аливаа бизнессийг зогсооё гэвэл хэрэгцээг нь л үгүй болоход нийлүүлэт аяндаа зогсоно. Архидалтын эсрэг архи уух соёл, архи хүсэлгүй хүмүүс ихсэж, архи уух шалтгааныг алга болгосноор ихссэнээр архидалт зогсохоос, архи зарахыг хориглох, баар савны цагийг 12 болгоод ямар ч нэмэр байхгүй. Нийлүүлэлтийн арга улам нарийсч, харлаж, далд явж, цэцэглэн хөгжихөөс бус хэзээ ч буурдаггүй. Маш олон түүх байна.

Бие үнэлэлт ч гэсэн адилхан. Янхалдалтыг байхгүй болгоё гэвэл янхан авч хэрэглэх хэрэглэгч л байхгүй болохгүй бол янхантай, бие үнэлж байгаа хүмүүсийг хориод, хавчаад, торгоод ямар ч нэмэргүй. Биеэ зарах арга улам нарийн болно, зохион байгуулалттай, далд болно. Яагаад гэвэл хэрэгцээ байгаад байгаа учраас.

Янхандалттай тэмцэх хамгийн сайн үр дүнтэй арга бол түүнийг хяналттай болгочих хэрэгтэй. Энэ бол хүн төрөлхтөн суурин, хотжилттой амьдрал бий болсон бүх түүхийн туршид байсан “мэргэжил”. Ямар ч нийгэмд үүнийг ор мөргүй арилгаж чадаагүй.

Харин түүнийг хориглож, хааж, нуух тусам улам л нарийссан, улам л зовлон зүдгүүр авчирсан. Түүний оронд бүрэн хяналттай болгох хэрэгтэй. Зөвшөөрөлтэй, бүртгэлтэй, шалгууртай болгоод, зориулалтын үйлчилгээний газартай болгоод, тогтмол хугацаанд эрүүл мэндийн шаардлагатай үзлэг, шинжилгээнд хамрагддаг, түүний дагуу үйличлгээ хийх үнэмлэхтэй, харуул хамгаалалт, аюулгүй байдал хангасан нөхцөлд ажиллаад, татвар төлдөг, түүнээсээ нийгмийн даатгал, эрүүл мэндийн даатгалаа ч гэсэн төлөөд явдаг байсан нь нийгэмд ч, хувь хүнд ч, эдийн засагт ч эрүүл. Яг л бусад ажил мэргэжил шиг. Тэртээ тэргүй хүн болгон л хамгийн эртний мэргэжил гэж хүлээн зөвшөөрөөд байхад.

Яахым бээ үнэхээр тахир дутуу, сэтгэцийн өөрчлөлттэй эсвэл байгаагаараа эмэгтэй хүн татаж чадахгүй, ойртож чадахгүй хүмүүс мөнгөө төлөөд үйлчилгээ авч байвал, нөгөөдөх нь хүчээр бус ажил гэдэг үүднээс үйлчилгээ өгч байвал тэгээд л болоо шүү дээ. Тэгвэл хүний наймаа ч гэсэн эрс буурна. Янз бүрийн хүчингийн хэрэг, гаж аллага, зарим төрлийн гэмт хэргийн тоо ч буурна.

Бахархаад, гайхуулаад, баярлаад байх ч “мэргэжил” биш ч, бас нуугаад, хаагаад, хориглоод байх зүйл бас биш. Нийгэмд байх л үйлчилгээ. Хамгийн гол нь хяналттай, эдийн засгийн эргэлтэд, оруулж далд бус болгох л хэрэгтэй. Бодит хэрэгцээ байгаа цагт нийлүүлэлт ямагт байна.