Ги Бурдены загварын сюрреализм

Ги Бурден нь фэшн зураг авалтын тулгын чулууг тавилцсан хүн гэдэг. Тэрээр Vogue сэтгүүлтэй 30 гаруй жилийн турш хамтран ажиллахдаа Channel, Lancetti, Ungaro, Versace, Gianfranсo Ferre гээд алдартай брэндүүдтэй хамтарч байв.

Ги Бурден нь секс, хээнцэрлэл чамирхал, гангарал, хаггислал гэх мэт ямар ч цаг үед чухал байдаг сэдвүүдийг хөнддөг байв. Өөрийн гэсэн өвөрмөц, бараг харгис хатуу гэмээр арга барилтай байсан тул түүнд загвар өмсөгчид ам сайтай байдаггүй. Харин шүүмжлэгчид, сэтгүүлийн уншигчид, загвар зохион бүтээгчид түүнийг суутан гэж үздэг байв.

Ги Бурден нь өөрийн хүссэн зургаа авахын тулд латекс, цээживч, өндөр өсгийтэй гутал өмссөн загвар өмсөгчдийг олон цагаар тун эвгүй байрлалд зогсоон үйлийг нь үздэг байсан аж. Сүүлдээ загвар өмсөгчдийн дунд “Ги Бурдентэй хамт ажиллахын тулд мазохист байх хэрэгтэй” гэсэн яриа хүртэл гарчээ.