Тэр бүсгүй буюу “АБВГД” гэж нэрлье…

Тэр охин гэнэн, цайлган, хүнтэй үнсэлцэж ч үзээгүй нэгэн. Түүнийг “Г” гэж нэрэлье. Г их итгэмтгий. Хүнтэй огт үерхэж үзээгүй байхдаа анх удаа нэгэн бандитай нүүр номын чатаар танилцжээ. Тэр хөөрхөн банди байсан. Бандийг “Д” гэж нэрэлье. Тэд бараг 8 сар харилцсаны эцэст уулзжээ. Бие биедээ ч таалагдаж 2 сар маш халуун дулаан үерхэж. Уулзахаараа л инээмсэглэж, нэгнээ харан догдолж баярлан, мөрөөдлөөрөө л амьдран, санаа зовох зүйлгүй байсан ч банди нь гадаад явах болжээ. Явахаасаа өмнө банди нь охины аав ээжтэй танилцаж. Охины гэрт очиж 10-аад хонохдоо онгон биеийг нь эдэлжээ. Охины бэлэг эрхтэн маш их өвдөж байв. Түүнд сайхан зүйл мэдрэгдээгүй. Банди нь 2 юмуу 3 минут хийгээд л гадуур нь тавьчихдаг байв. Гэхдээ тэд тоотой хэд л сексдсэн. Тиймээс хийх үед нь охины эрхтэн өвдсөөр л.

Банди анх уулзахдаа кинонд дааж байсан ч охины дэндүү их хайранд давран, охин ч хайрандаа сохрон өөрийн мөнгөөрөө хос бэлзэг хүртэл аван, өөрөө нэгийг нь, бандид нөгөөг нь зүүлгэж, кинонд, хоолонд даах зэргээр эрхлүүлсээр 2 сар болов. Г охин дундаж амьдралтай л айлын охин гэдгийг хэлэх нь зүйтэй болов уу? Харин Д бандийн хувьд охиныхоос нэг түвшин дээгүүр баян байсан байж болох юм. Ингээд Д 4 сарын хугацаатайгаар гадаад явав. Энэ үед охинд их л хэцүү байлаа. Дассан сэтгэл, хайрласан сэтгэл, зөвхөн тэр бандид л өөрийн нандин бүхнээ, анхны шөнөө, анхны хайраа, анхны үнсэлтээ бэлэглэж, түүнээс юу ч нэхэлгүй хайрлаж байсан нь зүрхийг нь тэгж их шархлуулахыг охин ер гадарласангүй.

Банди эхэлж очоод 10-аад хоног охиныг санаснаа гайхаж бичдэг, ярьдаг байсан ч хоног өнгөрөх тусам ярих нь үгүй болж, бичих нь багасч эхлэв. Банди нэг охинтой тэндээ нууцаар үерхэж байсан бололтой. Бөөн л юм болж, уучлалт гуйв. Охин бандийг уучлан, 4 сарын дараа тэд арай гэж уулзав. Банди уучлалт гуйн, охин тэврэн авав. Дахин 2 сарын дараа охин бандийн аав ээжтэй танилцаж, банди ч гадаад руу эргээд явах болов. Охинд дахин 4 сар хүлээх үлдлээ. Санахын жаргал гэдэг ч охин салахын зовлонг эдэлж буй мэт байв. Бандийн ярих нь цөөрч, бичих нь багасч хөндийрч эхлэв. Бас нэг хүүхэнтэй харьцаж эхэлж байсан бололтой. Охин дахин шаналж, банди нь биеэ ихэд, бэтгээ цатгаланд бодож байв. Охин залууг уучлан, 4 сарын дараа ирэхэд нь бэтгэрэн уулзав. Залуугийн гадаадад авахуулсан зургуудийг үзэхээр сүйн бөгжөө зүүсэн нь ер үгүй. Харин охин бол байнга зүүж, унтахдаа ч салгадаггүй байсан юм.

Ингээд 2 сарын дараа охины биений юм ирдэггүй. Тестээр анх удаа үзэж үзэв. 2 зураас. Давтан үзлээ. Жирэмсэн байна. Бандид хэлэв. Аав ээжид нь мөн хэлэв. Анх танилцахдаа тэд 20 настай байсан бол одоо 21 настай болжээ. Банди найз охиноо ер тоохгүй, эрүүл мэндийг нь бодохгүй байгаа бололтой. Гэхдээ ямартай ч инээвхийлсэн. Тэр банди ер нь халамж муутай, өөртөө л анхаардаг байсныг, мөн найзуудаа тэр охиноос илүү үздэг байсныг охин тэднийд 3 сартай жирэмсэн очиж, гэрт нь 7 хонохдоо л анх удаа мэдэрчээ. Хайр гэгч сохор ажээ. Ялангуяа анхны хайр. Охин бандитай цуг хяналтанд орохоор өрхийн эмнэлэг явах замд юу болсон гэж санана. Бандийн сэтгэл санаа, харилцаа гэнэт л өөрчлөгдөж, буг мэт аашилж эхлэв. “Наадахаа авахуул” гэж хэлэхдээ такси барьж яваад, таксины жолоочийн дэргэд юман чинээ тоолгүй шууд л хашгирч хэлсэн. Тэр өдрөөс охин тэдний гэрт 3 хоносон ч айлын амбаарт гуйлгачин царайлж хэвтэж буй мэт л байв.

Бандийн ээж, эмээ, эгч 3 нь охинтой уулзаж, хүүгээ их ятгаснаа, одоо санаа нь эргэхгүй болсныг, тэдний үгэнд орохгүй чөтгөр мэт аашилж байгааг хэлэв. Тэгээд эцэст нь “Миний охин ирээдүйгээ бод. Хүүхдээ авахуул. Чамд үүнээс сайхан залуус өчнөөн олдох байлгүй.” гэв. Охин мэлмэртэл уйлан гансрав. Охины эжий аав нь ч тэг гэв. Охин хадам байсан ээжтэйгээ хамт эмнэлэг орж үр хөндүүлсэн. Хэчнээн цаг шаналан тарчилж уйлсныг хэн үл мэднэ. Эмнэлгээс гараад хэчнээн өдөр, хэчнээн шөнө нүдээ хавдтал уйлж, нүүрээ гундтал шаналсныг хэн үл мэднэ. Д бандиас ч холбоогоо бүрмөсөн таслав. Г охинд одоо амьдрал ямар ч утгагүй, өнгө гэрэлгүй, гэгээн зүйлсгүй мэт санагдан байв.

Аав ээж нь ажил хий гэсээр ажилд оров. Үр хөндүүлснээс сарын дараа ажилд ороод сэтгэл санаа бахь байдгаараа л “Би өнгөрсөн хүн” гэсэн бодол зүрхэндээ тээгээстэй явлаа. Нэгэн шөнө сайн найз нь утасдаж, арван жилийн ангийн нөхөдтэйгөө уулзаж буйгаа хэлээд, хамт ууя хэмээн санал болгов. Г охин архи, тамхи хэрэглэдэггүй ч энэ удаад тоотой 3 гарсан тоогоо нэмэн тоотой 4 болгохоор шийдэн найзындаа очлоо. Сэтгэл гэж авах юмгүй байсныг хэлэх үү? Их ээ ууж, бараг тасрав. Найз нь ч муудсан байсан тул Г охиныг анзаарах сөхөөгүй байв. Г охиныг ангийнх нь нэгэн залуу дагуулан гарсныг найз нь мэдсэнгүй. Г охин ч өөрийн мэдэлгүй болсон байв. Үр хөндүүлсний яг сарын дараа тул Г охины биений юм ирсэн байлаа. Гэвч залуу тоосонгүй. Машинд оруулж, ажлаа эхлэв.

Өглөө нь Г охин юу ч санадаггүй. Гэртээ очоод бүүр түүрхэн бодолд нь машин дотор өмдийг нь шувталж байсан үйлдэл гэнэт бүдэгхээн санагдав. “Арай үгүй байлгүй дээ” хэмээн дуу алдлаа. Ариун цэврийн өрөө ороход хэрэглэлтэй дотуур хувцас нь алга. Биений юм нь ирэхээ зогссон байв. Г охин уйллаа. Үнэндээ уйлахаас өөр юу ч хийж чадахгүйгээ мэдэж, өөртөө гутарч, өөрийгөө зүхэж байсан юм. Хөөрхий охин гэнэтийн бэлгийн хавьталд өртчихжээ. Гэвч ганцхан удаа л ийм зүйл болсон, тайвшрах хэрэгтэй хэмээн өөрийгөө тайвшруулав. Шөнийн унтсан залуу Г охины дугаарыг олж, Г охинтой уулзахыг хүссэн ч Г охин өөртөө ер хавьтуулсангүй ээ. Тэр залуугийн нэрийг ч мэдэхгүй өнгөрөв.

Дараахан нь дахин 1 сарын дараа, биенийх нь юм ирээгүй байсан үе. Г охин ажлынхаа бүсгүйчүүлтэй гадуур гарав. Нэг бүсгүй нь 3 залууг дагуулан ирсэн байв. Миний сайн найзууд л гэнэ. Тэд уусаар шөнө орой болсон тул буудалд орохоор болов. Г охин тийм ч их согтсонгүй ээ. Тэгээд хамт явсан ажлын газрын найз бүсгүйтэйгээ нэг орон дээр унтсан боловч найз бүсгүйг нь шөнө дунд А гэх нэг залуу нь татаж чангаасаар дээр доороо оролцон, аахилалдан уухилалдан байв. Харин Г охиныг Б гэх залуу оролдох гэсээр 10 гаруй оролдлого нь бүтэлгүйтсэн ч, залхсан охин Г сүүлд нь зөвшөөрчихөв. Ийнхүү 2 дахь удаадаа гэнэтийн бэлгийн хавьталд өртчихөв. Гэвч Г охин сексийн сайхныг юу ч мэдэрсэнгүй. Ер нь бараг сексдсэн гэж хэлэхэд боломгүй байв. Учир нь Б залуугийн эрхтэн зүгээр л гулсаж орсоор, Г-д ямар ч таашаал өгөлгүй дороо тавьчихжээ.

Одоо Г охиныг Г бүсгүй гэе. Г бүсгүй тавьж ерөөсөө үзээгүйг та хэд мөн ойлгосон байх. Уг нь Г бүсгүй гарч, орж наргиж цэнгэдэггүй боловч, сэтгэл санаагаа сэргээхийн тулд хааяа гарах хэрэгтэй гэсэн найзуудынхаа үгст итгэв. 2 дахь санамсаргүй бэлгийн хавьтлаас хойш дахин 2 сарын дараа А, Б 2 Г охин болон түүний найз бүсгүй рүү залгаж, А-гийн төрсөн өдөр тул хамт гадуур гарах санал тавив. Г бүсгүй дургүй байсан тул саналыг хүлээж авахаас татгалзав. Тэгээд ч тэр залуусаас айсан юм. Өөрийг нь буруу ойлгосон байна гэж бодов. Энэ дашрамд Г бүсгүй Б-тэй гэнэтийн бэлгийн хавьталд орсондоо ихэд гутарч олон шөнө энэ хар дарсан зүүд нь санаа бодлоос нь салалгүй шаналган зовоосныг хэлэх нь зүй. Ийнхүү тэр орой нь Г бүсгүйн найз бүсгүй Г рүү залган “Гараад ир, гэрийн чинь гадаа байна” гэв. Мэдээж найз бүсгүйгээ ганцаараа явж байна гэж итгэсэн байсан бөгөөд тэр дороо л гарлаа.

Гэтэл А, Б 2 3 найз залуутайгаа цугтаа, түүний найз бүсгүйтэй нь хамт машинтай ирсэн байв. Бараг хүчээр шахуу машиндаа суулгав. Г бүсгүйд муу совин татаж байв. Аргагүй шүү дээ. 2 бүсгүй, 5 залуу. Гэвч Г бүсгүй үнэндээ муу санаагүй юм. Тэр оройноо харьчихна л гэж бодож байлаа. Ийн найзын төрсөн өдөр гэж буудалд очин, уусаар тэд бүгд нэлээн халаад ирэв. Харин Г бүсгүй согтсонгүй. Гэвч 2 бүсгүйг тэд явуулсангүй. Шөнө орой болсон байна. Өглөө хүргээд өгье гэлээ. Тэр шөнө Г бүсгүйг А залуу ноолсоор Г бүсгүй яаж ч чадалгүй хийлгэчихэв. Гэхдээ энэ удаад тэр өмнө нь мэдэрч байгаагүй сайхан зүйлийг жоохон мэдэрсэн. Тэр залуус төрсөн өдөр тэмдэглэж байгаа А найздаа хөөрхөн бөгөөд, гэнэн цайлган Г бүсгүйн биеийг бэлэглэж л дээ. Өглөө болоход А залуу Г-г гэрт нь хүргэж өгөв. Төрсөн өдрөөр минь надад биеэ бэлэглэсэн чамд их баярлалаа. Хоёулаа үерхэе гэж тэр залуу хэлэв. Г бүсгүй яахаа мэдэхгүй байв. Тэр айхтар зүйлсийн дараа эр хүнд итгэхгүй дээ гэж бодсон ч цаанаасаа итгэмтгий, гэнэн цайлган зан нь дийлж, үерхэхээр шийдлээ.

А-г найз бүсгүйтэй нь дээр доороо оролцон байсныг санаж байгаа ч Г бүсгүй А-д итгэхийг хүссэн юм. А Г-тэй үерхэж 5 хоносныхоо дараа гэртээ урив. Г бүсгүй очмооргүй байсан ч А хоол хийгээд өгөөч гэсэн тул, тэднийд очиж сайхан хоол хийдэг гэдгээ харуулахыг хүсэв. Гэвч тэр шөнө дахин хар дарсан зүүд болохыг Г бүсгүй гадарласан ч үгүй. А-гийнд очлоо. А залуу, В гээд өөрийн найзтайгаа цуг байгаа гэж хэлэв. Найзтайгаа цуг байгааг нь мэдээгүй байсан тул жаахан эвгүй санагдав. Гэлээ ч миний найз залуу шүү дээ гэж бодон бодлоо цагаатгав. Хоолоо идэцгээж, унтах цаг ч болов. Г бүсгүй А-гийн бие, нүүрний хэлбэр, үснийх нь зөөлөн хатууг, бүр үнэрийг нь ч мэдэж амжаагүй байсан. Тэр шөнө А Г бүсгүйтэй 2 удаа хийчихээд, өрөөнөөс гарлаа. Г бүсгүйн бодлоор А залуу сексдэхдээ муугүй мэт санагдав. Учир нь сексийн таашаал гэдгийг мэдэрч үзсэн. Гэвч тавиагүй. Г бүсгүй өөрөө эмэгтэй хүн яаж тавьдгийг мэддэггүй. Тиймд Г бүсгүйд эрэгтэйгээ тавиулсан бол үүргээ гүйцэтгэсэн мэт санагддаг байв.

Төд удалгүй А залуу орж ирээд эргээд өмссөн хувцсыг нь юу юугүй тайлж, хийж гарав. Тэгээд дахиад гараад явчихав. Энэ үед л Г бүсгүйн толгойд “Арай ч дээ, үгүй байлгүй дээ” хэмээн бодогдож, уйлж, хашгирмаар, бүр амиа хорломоор ч санагдан, энэ амьдралдаа гутарч өөрийн мэдэлгүй нулимс асгаруулав. Удалгүй А залуу орж ирэн “Зүгээр үү?” гэж асуув. Г бүсгүй юу ч дуугаралгүй өглөө нь тэднийхээс яван дахиж А-тай холбоо барьсангүй ээ. А шиг залуус энэ ертөнцөд цөөхөн л байгаасай. Олон бүсгүйн амьдралаар тоглож яваа байх даа тэд. Г бүсгүй тэр явдлаас хойш дахин гутралд орж, эр хүмүүсээс болгоомжилж эхлэв. Гэвч сайн залуус байдаг гэсэн гэгээлэг бодолдоо үнэнч байлаа.

Дахин 1 сарын дараа Г бүсгүйн араас 2 жил гүйсэн залуу холбоо барьж, Г бүсгүйтэй уулзах хүсэлтээ хэлэв. Г бүсгүйгийнд ирж, орой болсон тул хоноод явъя гэлээ. Г бүсгүй тэр залууг даруу төлөв хүн тул намайг оролдохгүй гэж итгэж байсан юм. Гэвч шөнө залуу эр хүн гэсэндээ Г бүсгүйг оролдож эхлэв. Г бүсгүйг тэр залуу дахин 1 жил хүлээнэ гэж амласан байсан бөгөөд нэг жил нь болоогүй байсан тул Г бүсгүй тэр залууг найз бүсгүйгүй гэж бодон, сайн залуу тул би одоо үүнтэйгээ л байя гэж санан, бэлгийн хавьталд орчихов. Тэр шөнө залуу “Ингээд л цаг хугацаа зогсдог бол мөн гоё оо” гэж хэлэн жаргалтай байгаагаа шагшин гайхав. Маргааш өглөө нь залуу явлаа. Тэр шөнө бүсгүйн хувьд дахин нэг хар дарсан зүүд болсон. Учир нь “Чамайг нэг жил хүлээнэ” гэж амлаад байсан, шөнө хонохдоо сайхан үгсээр зүрхийг нь уяраасан тэр залуу нь найз бүсгүйтэй болчихсон байжээ.

Г бүсгүй дахиж түүнтэй холбоо барьсангүй ээ. 1 жилийн дараа Г бүсгүй нэгэн залуутай танилцав. 4 удаа харц тулгарч, залуу бүсгүйтэй танилцахаар шийдсэн байлаа. Залууг Г гэдэг аж. Танилцаж үерхсэнийхээ дараа ийм хөөрхөн, бас ийм эелдэг, ийм авьяаслаг мундаг бүсгүй миний найз бүсгүй болсонд би өөрөөр бахархаж байна гэж хэлэв. Г бүсгүй нэг л өдөр 2 зураас харан, үгээр хэлэхийн аргагүй ихээр баярлаж, 2 цаг мэлмэртлээ уйлж байсан юм. Тэд удалгүй хөөрхөн охинтой болов. Г залуу Г бүсгүйг жирэмсэн байхад огцом уураасаа болж хэд хэдэн удаа гар хүрч, салах болихдоо хүртэл тулж байсан ч Г бүсгүйн тэвчээр, Г залуугийн хайр 2 үрээ өлгийдөн авлаа. Г бүсгүйг анхны үрээ тэврэн, баяр баяслаар дүүрэн байхад нь мөн сайны хажуугаар саар гэж Г залуу үе үе огцом уурлан, муухай ааш гарган, хуурай агсан тавьж, гэр бүлийг нь доромжилдог болов. Одоо тэд гэрлэх, үгүй нь мэдэгдэхгүй, ямар ч л гэсэн цуг амьдарч л байна…