Цагийн ажил

Red alarm clock on money – Time is money concept. Space for your text

Би худалдаа эрхэлдэг жижигхээн компанитай. Сардаа 1 заримдаа 2 сардаа нэг контейнер оруулж ирдэг. Гаалиа бол өөрөө хийчихнэ, харин агуулахад буулгаж хураах, эсвэл ачааны машинд ачихад заримдаа л хүн хүчний хэрэг болдог юм. Уг нь нэг хуурай дүүдээ хэлчихээр ганц хоёр найзтайгаа ирээд гялалзуулчихдаг байсан чинь Солонгос явчихсан гэж өчигдөр л мэдлээ. Цагийн ажил хайж байна гээд гүүгэлдсэн чинь зөндөө зар байна, Монголчууд маань үнэхээр ажилсаг ард түмэн юм гэж бодлоо. Эр эмгүй л ажил хайцгаадаг юм байна. Харин үнэлгээн дээрээ ялгаа их юм.

Өглөө тохирсон цагтаа ирсэн 2 залуу -Ахаа, буулгачихлаа. Та гялалзуулаарай гэсэн бид хоёр гялалзуулсан шүү гээд хөлсөө дуслуулаад ороод ирэхэд нь дотроос нэг огшоод ирснийг нуух юун. Уг нь дахиад нэг цаг хоёр цаг болоход би юм хэлэлгүй цагаар нь тооцоод хөлсийг нь өгөх л байсан. Авах мөнгөө бодохоос илүү миний итгэл эдэнд үнэтэй байж. Цаг минутаар нь тооцоод мөнгө өгөх ёстой байтал би тэгээгүй,

-За, та 2 ын аз таарлаа, энэ буулгасан ачааг чинь нэг гар шууд бөөндөхөөр болсон гэж худлаа хэлээд 2 цагийн хөлс илүү тооцсон. Нэг Герман инженертэй ярьж байснаа санаж байна, Монгол компаниуд өдрийн 1000 еврогоор хөлсөлж авчирдаг тэгэхдээ онгоцны тийз нь заавал бизнес ангилал байх ёстой, буудал нь 4-с доошгүй одтой байх ёстой гэж. Үйлдвэр нь зогсчихоод цаг минутаар алдагдал хүлээж байгаа хүмүүс чаддаг мэддэг мэргэжилтэнд бол мөнгө хаяхгүй гээд ч яах билээ.

Ямарч байсан итгэл дааж хөдөлмөрлөөд явж байхад учир бий. Монгол залуучууд удахгүйдээ удахгүй гадаад руу уригдаад тэр муу хүн болгоны шунаад үхээд байгаа мөнгө валютыг чинь шуудай шуудайгаар нь харин чиг гялалзуулна даа. Тэр үед хэний ажил хэдээр үнэлэгдэхийг харин чиг нэг харах байх даа.

G.Othon