Тэгш эрхтэй байх зөв ч гэлээ…

Эмэгтэйчүүдийн тэгш эрхийн төлөөх тэмцэл утгаа алдан солиорлын хэмжээнд хүрэхээр иймэрхүү байдал үүсдэг. Хүйсээр ялгалгүй эрэгтэйчүүдтэй адил эрхтэй байх нь зөв. Үүнийг бүгд л дэмжих байх. Харин энэ тэгш эрхийн төлөө эрэгтэйчүүдийг иймэрхүү хувцас өмсгөл өмсгүүлдэг моод газар аваад байгааг юу ч гэж хэлэхээ мэдэхгүй юм.

Тухайлбал, эмэгтэй хүн лифчик зүүдэг юм чинь эрэгтэй хүн бас зүүх ёстой гэнэ. Эмэгтэй хүн шилэн трико өмсдөг тул эрчүүд ч бас өмсөх ёстой гэнэ. Эрэгтэйчүүд бавгар сахалтай байдаг болохоор эмэгтэйчүүд ч бавгар сахал тавих эрхтэй гэнэ. Зарим загвар зохион бүтээгчдийн тархинд эмэгтэйчүүдийн тэгш эрхийн төлөө гэхээр л богино холбоо үүсдэг бололтой юм.

Хоёр жилийн өмнө билүү эрэгтэй хүүхдүүдэд эмэгтэй хүнийг хүндлэх дээдлэхэд багаас нь заах ёстой гэж үзсэн Францын нэгэн дунд сургуулийн удирдлага нь эрэгтэй хүүхдүүдийг заавал юбка өмсөн хичээл дээр суух тушаал гарган бөөн дуулиан дэгдээж байсныг санаж байна.

Иймэрхүү юмыг утгагүй, солиорлын түвшинд хүрэх дуртай нөхдүүд тун удахгүй эрэгтэй хүнд сарын тэмдэг байдаггүй ч тампон, ариун цэврийн хэрэглэлийг нэг газар рууугаа хийж хэрэгтэй ёстой гэж зарлаад шаардаад гүйж байхад гайхах зүйл алга.