Бөгж зүүхээсээ өмнө

Хайртай хүн минь надад бөгж өглөө. Хамгийн их хүсэж байсан зүйлээ би авлаа гэж хөөрөх хүн олон. Мэдээж энэ бол сайхан л хэрэг. Хайртай хүнээсээ бөгж авах сайхан байдаг байх. Гэхдээ нэг зүйлийг санаж яваарай өөрийнхөө жаргал зовлон дээр нэмээд бөгж өгсөн хүнийхээ жаргал зовлонг даана гэдэг итгэл найдвар бүрэн дүүрэн болсон үед л тэр гоё зүйлийг зүүгээрэй.

Зарим нь өнгөнд нь болж аваад зүүчих шиг. Бөгж бол түгжээ. Ямар тавиланд өөрийгөө оруулж түгжүүлэх гэж зөвшөөрч байгаагаа бодох хэрэгтэй. Тамд уу?Диваажинд уу? Зүүхэд сайхан ч үүрэхэд хүнд хөнгөн ачаа гэж бас байнаа. Уурлах биш бодож үзэх л зүйл болов уу. Гартаа гялгар бөгжтөй тамд амьдарч байгаа хүн олон байдаг юм билээ. Харин бөгж нь жаргал авчирсан хүн бол хувьтай хүн байх.