Индонезид ижил хүйстэн залуусыг 85 ташуурдан шийтгэжээ

Индонезийн хүн амын дийлэнх олонхи нь лалын шашинтан. Иймд өдөр тутмын амьдралд тохиолддог элдэв хэргийг төрийн шүүх цаазаар бус харин лалын шашны дэг жаягийн дагуу буюу шариатын хуулиар туйлын хатуу шийтгэн шийддэг.

Тухайлбал, 2015 онд ижил хүйстэн хоорондын бэлгийн харилцаа газар авч байгаатай тэмцэх хууль гэгчийг баталсан. Ийм хэрэг үйлдсэн нь батлагдвал гэмт этгээдүүдийг шариатын хуулиар шүүдэг.

Энэ хууль батлагдсанаас хойш хоёр жил орчим хэн ч шийтгүүлээгүй байгаад саяхан Ачех мужид 20 настай, 23 настай хоёр залуу шийтгүүлжээ. Ижил хүйстнээ сонирхогч залуусын амьдардаг хотын иргэд тэднийг гаж сонирхолтой гэдгийг олж мэдээд зочид буудалд тухлан юу яаж байхад нь дайран орж видео бичлэг хийж, зургийг нь даран эд мөрийн баримт цуглууулж шариатын шүүхэд барьж өгчээ.

Шариатын шүүхээс энэ хоёр тус бүр 85 удаа саваадах шийтгэл ногдууулсан байна.

Энэ хоёрыг индонезид баригдаад ингэж шийтгүүлсэн нь аз гэх хүн цөөнгүй байгаа аж. Учир нь, Саудын Арави, Афганистан гэх мэт лалын шашинт улсуудад ижил хүйстнүүдийг үг дуугүй цаазалдаг.