Сисси-н тухай /2/

Сисси гээчийг илүү өргөн цар хүрээгээр тайлбарлавал бас нэг ийм тодорхойлолт байж болно.

Би бол сэтгэл санаагаа тайвшруулах, эр хүний бүдүүн баараг байдлаасаа бага ч гэсэн холдох, эмэгтэй хүнийг 1% ч болтугай ойлгодог болохын тулд судалж, хэрэглэж, энэ зүйлийн нэг хэсэг нь байсаар ирсэн.

Трансвестизм

(трансжендер гэдгээс шал өөр тусдаа ойлголт шүү)

Хүмүүсийн дунд эсрэг хүйсийн хүний хувцас өмсөхийг дурлах үзэгдэл байдаг. Үүнийг трансвестизм гэж нэрлэдэг. Жүжигчид ажил мэргэжлийн онцлог байдлаас, хүүхдүүд тоглож наадахдаа эсрэг хүйсийн хүний хувцас өмсөх нь байдаг ч үүнийг трансвестизм гэж үзэх үндэсгүй юм.

Зарим хүйсээ солиулах хүсэлтэй эрчүүд эмэгтэй хүний хувцас өмсөх нь бий. Хааяа ийм сонирхолтой эмэгтэйчүүд эрэгтэй хүний хувцас өмсөх явдал байдаг. Ижил хүйстэн хүмүүсийн дунд ч ийм үзэгдэл тохиолддог. Эмэгтэй хүн шиг хувцасладаг ижилхүйстэн эрчүүдийг драгкуйн гэж нэрлэдэг.

Эрэгтэй байдлаар хувцасладаг лесби эмэгтэйчүүд байдаг. Энэ бүх тохиолдол нь трансвестизмын жишээ юм. Трансвестизмыг манин гэсэн ойлголттой андуурах нь түгээмэл бөгөөд үнэн хэрэгтээ огт хамааралгүй асуудал юм.

Эдгээрээс гадна эсрэг хүйсийн хүний хувцас өмсөж, түүнээс бэлгийн таашаал авдаг хүмүүс байдаг. Тэдний хувьд эсрэг хүйсийн хувцасыг нэгэн хэлбэрийн фетиш гэж үзэж болох талтай юм. Жишээ нь гэр бүлтэй эрэгтэй хүн бусдаас нууц байдалд ганцаараа байхдаа эмэгтэй хүний хувцас өмсөж, түүнээсээ таашаал авах тохиолдол байдаг байна.

Трансвест зан үйл ихэвчлэн эрэгтэйчүүдийн дунд тохиолддог. Энэ үзэгдэл төдийгүй парафилийн бусад хэлбэр эмэгтэйчүүдэд бараг тохиолддоггүй нь судлаачдын анхаарлыг татаж, тэд энэ үзэгдлийг олон янзаар тайлбарладаг. Аливаа эр хүйстэн нь аль болох олон эмэгчинд үр тогтоож, өөрийн удамшлын мэдээллийг үлдэхийг эрмэлздэг үржлийн хуулийн улмаас янз бүрийн аргаар бэлгийн сэрлээ хөдөлгөх шаардлага илүүтэй байдагтай холбоотой гэж социобиологичид тайлбарладаг.

Мөн трансвест зан үйлийн шалтгааныг тогтоох олон судалгаа хийгдсэн байна. Эдгээр судалгаанд үндэслэн эрэгтэйчүүд дараах шалтгаанаар трансвест зан үйл хийхэд хүрдэг байна:

1. Бэлгийн сэрлээ хөдөлгөх, таашаал авах. Эрэгтэйчүүдийн танин мэдэхүйд эмэгтэй хүний хувцас бэлгийн сэрэл хөдлөх, таашаал авахад нөлөөлдөг гэдэгтэй холбоотой.

2. Сэтгэл санаагаа тайвшруулах. Трансвестууд (трансвестизмтай) стресс, дарамт ихтэй эрэгтэй хүнийхээ бодит байдлаас түр холдож, сэтгэл санаагаа тайвшруулах гэсэнтэй холбоотой. Тэд ийнхүү эсрэг хүйсийн хувцас өмсөн нийгэмд “хүлээн зөвшөөрөгдөөгүй” үйлдлийг хийснээр бодит амьдралын дарамтаас түр холдож, сэтгэл санаагаа тайвшруулдаг тухайгаа өгүүлжээ.

3. “Дүрд тоглох”. Театр, киноны жүжигчид сайн дүрийг бүтээснээс сэтгэл ханамж авдгийн адилаар, трансвестууд ч ийнхүү эсрэгээр хувцаслан олны өмнө “тоглохдоо” таашаал авдаг.

4. Эрэгтэй хүний хувцас “бүдүүн баараг” байдаг бол эмэгтэйчүүдийн хувцас “гангамсаг гоё” байдаг. Трансвестууд эмэгтэй хүний хувцас өмссөнөөр гангамсаг гоё болсон мэт мэдрэмжтэй болдог.

Трансвест хүмүүсийн эхнэр, хүүхэд нь энэ зан үйлийг нь хэрхэн хүлээн авдаг вэ? Нэгэн судалгаагаар 50 гетеросекс трансвестийн эхнэрээс нь асуулга авахад 60 хувь нь нөхрийнхөө эсрэг хүйсний хувцас өмсөн “гангардгийг” хүлээн зөвшөөрдөг гэсэн байдаг (Talamini, 1982). Мөн эхнэрүүдийн ихэнх нь нөхрийгөө сэксдээ маш сайн гэж үнэлсэн байдаг. Зарим нь эмэгтэй хүний хувцас өмсөх, нүүрээ будаж янзлахад нь тэдэнд тусалдаг тухай өгүүлсэн нь сонин юм. Мөн нөхрүүд нь хүүхэдтэйгээ ч хэвийн харилцаатай байдгийг тэдний ярианаас харж болно.

Трансвест зан үйл нь парафилийн бусад хэлбэртэй харьцуулахад харьцангуй аюулгүй зан үйл юм. Харин өөрийгөө хянаж чадахаа больж, зөвхөн эсрэг хүйсийн хүний хувцас өмсөөд таашаал авдаг болох хэмжээнд хүрвэл л бусдад аюултай болох талтай.