САХАЛТАЙ ЭРЧҮҮД ХАМГИЙН САЙН АМРАГ БАЙЖ ЧАДДАГИЙГ СУДАЛГААГААР НОТОЛЖЭЭ

Та гайхалтай харагддаг сахалтай эрчүүдийг мэднэ биз дээ? Цаанаасаа л нэг сэтгэл татам, хүчирхэг, өөр харагддаг. Зарим хүмүүс сахал ургуулаад л хэдэн зуу дахин сайхан харагдах үе байдаг. Тийм бол Барнаби Диксоноор ахлуулсан Күйнслэндийн Их сургуулийн Сэтгэл судлалын тэнхмийн нэгэн судалгааны баг сонирхолтой дүгнэлтийг гарган иржээ.

“Journal of Evolutionary Biology” дээр хэвлэгдсэн уг судалгаагаар эмэгтэйчүүд сахалтай эрчүүдэд илүү татагддаг болохыг тогтоосноос гадна өөр сонирхолтой дүгнэлтүүдийг ч мөн гарган иржээ. Эрчүүдийн янз бүрийн дүр төрх бүхий зургуудыг ашигласан ба нийт 8,520 бүсгүй дээр тулгуурласан уг судалгаанд эмэгтэйчүүд сахалтай эрчүүд бол хамгийн сэтгэл татам, гайхалтай гэдэг дээр санал нэгдсэн төдийгүй маш сайн амраг байж чадахаас гадна урт хугацааны харилцаанд хамгийн тохиромжтой хүмүүс хэмээн үзсэн байна.

Судалгааны дүнд бүх 8,520 бүсгүй сахалтай эрэгтэйчүүдэд ямар нэгэн байдлаар татагдаж байсан аж. Маш их сахалтай эрчүүдийг гэрлэхэд тохиромжтой хэмээн үзсэн ба багахан сахалтай, бараг л сахалгүй шахам эрчүүдийг энгийн харилцаанд байхад тохиромжтой гэсэн байна.

Сахалтай эрчүүдийн юу нь тийм онцгой байдаг вэ гэж үү? Нэгэн дүгнэлтээр бол энэ нь эр хүний шинж чанарыг илүү тодотгон харуулж буй хэрэг бөгөөд анхаарлыг өөр дээрээ илүү татах, илүү нууцлаг бас сэтгэл татам харагдах байдалтай холбоотой гэнэ. Эмэгтэй хүн байгалиасаа л ийм төрлийн эршүүд дүр төрхөнд татагддаг байж болох юм гэсэн дүгнэлт ч бий. Ямартай ч эмэгтэйчүүдийн дүгнэлтээр бол сахалтай эрчүүд хамгийн сайн амраг байж чадах хүмүүс гэнэ.