Ижил хүйстэнтэйгээ гэрлэхийг зөвшөөрсөн хуулийн төслийг баталжээ

ТОКИО. /NHK/. Тайванийн Сайд нарын танхим ижил хүйстэнтэйгээ гэрлэхийг зөвшөөрсөн хуулийн төслийг баталжээ. Парламент хуулийн төслийг баталвал Тайвань улс ийм хууль баталсан Азийн анхны улс болох юм.

Ижил хүйстэнтэйгээ гэрлэхийг хориглох нь үндсэн хуульд нийцэхгүй гэж Тайванийн Үндсэн хуулийн шүүх 2017 онд үзэн, хоёр жилийн дотор ижил хүйстэнтэйгээ гэрлэх явдлыг хууль ёсны болгохыг хүсчээ.

Энэхүү хуульд зааснаар 18 болон түүнээс дээш насны иргэн ижил хүйстэнтэйгээ гэрлэх боломжтой аж. Түүнчлэн эд хөрөнгөө хамгаалах, өвлөх болон бусад асуудлыг уг хуульд тусгаснаас гадна биологийн хүүхэд үрчлэх эрхийг хүртэл олгосон байна.

SOURCE: МОНЦАМЭ