ЭХНЭР НӨХРҮҮДИЙН СЕКСИЙН ТАЛААР МЭДЭХ ЁСТОЙ 24 ЗӨВЛӨГӨӨ

Бие биедээ хайртай, чин сэтгэлээсээ ойлголцдог хосууд харцаараа нэгийгээ ойлгодог гэлцдэг. Гэсэн ч тэдний хоорондын нарийн нандин харьцааг сонирхолтой, идэвхитэй байлгаж гэмээнэ бат бөх, аз жаргалтай
байна хэмээн секс судлаачид үздэг аж. Ингээд та бүхэн эхнэр нөхрүүдийн заавал мэдэх ёстой 24 зөвлөгөөг хүргэж байна.

Бие биедээ хайртай, чин сэтгэлээсээ ойлголцдог хосууд харцаараа нэгийгээ ойлгодог гэлцдэг. Гэсэн ч тэдний хоорондын нарийн нандин харьцааг сонирхолтой, идэвхитэй байлгаж гэмээнэ бат бөх, аз жаргалтай байна хэмээн секс судлаачид үздэг аж. Ингээд та бүхэн эхнэр нөхрүүдийн заавал мэдэх ёстой 24 зөвлөгөөг хүргэж байна.

1. Сексийн харилцааны талаар энгийн зүйлээ ярьдаг шигээ илэн далангүй ярилц. Эхэндээ эвгүй байлаа ч аажимдаа та хоёр улам дотносож буйгаа мэдэрнэ.

2.  “Оршилоо” аль болох эртхэн эхлээрэй. Өглөө гэрээсээ гарахын өмнө эхнэрээ хацар дээр нь шов хийтэл үнсэхийн оронд халуун дотноор тэврэн үнс.

3.  Өдрийн турш нэг нэгэндээ гэгээн сайхан мөчийг бэлэглэ. Ингэхийн тулд ажлын цагаар хайртай гэж хэлэхээр утасдаж болно шүү дээ. Эсвэл дотно үгтэй мессеж бич.

4.   Секс амьдралын тань салшгүй нэг хэсэг гэдгийг бодолцож ажил дээрээ байхдаа ч санах хэрэгтэй. Хичнээн их ажилтай байсан ч хэдэн минутын зав гаргаад түүнийхээ тухай эсвэл түүнтэйгээ хэрхэн загас наадуулах тухай мөрөөдөөрэй.

5.  Энэхүү мөрөөдлөө түүнтэйгээ хуваалцсан ч болно шүү.  Хааяа ч гэсэн нөхрийгөө ажил дээрээ байхад нь гэртээ хурдхан ирж чамтай хамт байхыг хүстэл нь гэгэлзсэн үгс чулууд.

6.  Сексийг ажлынхаа төлөвлөгөөнд оруул. Хэрвээ та хоёр өдөр бүр хийх ажлаа тэр ч байтугай чөлөөт цагаа ч төлөвлөн маш их ачаалалтай ажилладаг бол ажлынхаа хуваарьт секс гэсэн тодотголтой цагийг оруулчих. Хичнээн ажилтай байлаа ч хувийн амьдралаа бүү орхигдуул, амьдралд хөлөө олж, бие биеэ зөв ойлгоход нэмэр болно гэдгийг санаарай.

7.  Секс та хоёрт ер бусын тааламжтай сайхан мэдрэмж төрүүлэх ёстойг бүү мартаарай. Тийм учир та хоёрын сэрэл хүслийг төрүүлэх бүхнийг ашигла.

8. Үүнд тоглоом, гоёмсог дотуур хувцас гээд таны бодож олсон юу ч байж болно. Мартагдашгүй дурсамж үлдээсэн секс нь таны хамгийн сайхан дур тавьсан мөч бус хоёр биенээ хайрлан энхрийлсэн тэр мөчүүд, оршил, басхүү түүнд хандах таны зан ааш байдаг юм шүү.

9.  Супермаркетаас эхэл. Сексийн үед ашиглаж болох бүхнийг худалдан ав. Жишээлбэл: Гадил, өргөст хэмх, зөөхий, шингэн шоколад. Тэд сэрэл хүслийг тань өдөөж хөгжилтэй байх боломжийг олгоно.

10.  Ээлжлэн санаачлага гаргахыг хичээ. Секс та хоёрт хоёуланд чинь таашаал өгөх учраас аль аль нь санаачлага гаргах хэрэгтэй. Нэг нь галт уул мэт оргилж, бүхнийг сэдэж байхад нөгөөх нь ус мэт гөлийх нь аажимдаа үл ойлголцолд хүргэдэг. Хайртынхаа хажууд багаа тайлан өөрийнхөөрөө аашил.

11.  Ихэнх судлаачид сэрэл хүсэл нь харилцан ярилцахтай шууд холбоотой гэж үздэг. Хэрвээ та орой секс хийхээр төлөвлөж байгаа бол хоол хийх зуураа хэлээд үзэх хэрэгтэй. Хоёр биендээ ойрхон сууж дотно яриа дэлгэ, зургийн цомгоо үзэж хөгжилтэй үеэ дурс, хайрын шүлэг уншиж өгсөн ч болно. Энэ бүхний өмнө та шөнийхөө төлөвлөгөөг ярьсан учир хамгийн халуухан шөнүүдийн нэгийг үднэ гэдэгтээ итгэлтэй байж болно.

12. Хоёр биенээ ойлгож сур. Эхнэр /нөхөр/ чинь яг одоо юу бодож байгааг уншиж чадах уу? Оролдоод үз. Магадгүй та хоёр нэг л зүйлийн тухай бодож байгаа ч юм билүү?

13. Өнөөдрийг, энэ шөнийг удаан хугацаагаар салахын өмнөх сүүлчийн хором гээд төсөөлчих. Та хоёрын сүүлчийн уулзалт юм шиг л бие биенээ хайрлан энхрийлж хүсэл шуналаа гүйцээ.

14. Таалагддаг зүйлсээ жагсаагаад бич. Гэхдээ энгийн зүйлсийг бус загас наадуулахад тааламжтай сэтгэгдэл үлдээдэг бас таалагддаггүй зүйлсээ тоочин бич. Хайрт чинь ч бас бичиг. Дараа нь хуудсаа солилц. Энэ жагсаалт та хоёрт сексийн шинэ хувьсгалыг эхлүүлнэ. Тэгээд ч маш сайн ойлголцох алтан боломж.

15.  Дискотек зохио. Улс төрийн залхмаар урт “хэрүүл”, уйтгартай савангийн дуурь үзсэнээс доргио аянд бүжиглэцгээ. Сэтгэл хөөрөл нь сэрэл мэдрэмжийг төрүүлдэг.

16. Эротик мөрөөдлийнхөө талаар ярилц. Урьд өмнө туршиж байгаагүй байрлал, орчин, дуу чимээг төсөөлөн бод. Дараа нь түүнтэйгээ энэ сэдвээр ярилцаад үзээрэй. Та хоёр адилхан зүйл мөрөөддөг бол туршаад үзэхэд дээд зэргийн таашаал өгнө.

17.  Ичингүйрлээ яаж дарах вэ? Дотроо хүсэж байлаа ч ил гаргаж чадахгүй ааш авир танд байж болох л юм. Хайрт тань таны тэр л зан аашийг хүсдэг байсан ч юм билүү. Хувцсаа тайч, түүнийг эзэмд, эротик хальс аваад түүнийгээ хамтдаа үз, ер нь л өөрийнхөөрөө аашил.

18.  Өөрсдийнхөө тухай бичлэг хий. Гэхдээ удаан хадгалах хэрэггүй. Хүний этгээд сонин араншингаар хэзээ ч юм бичлэг хийх хүсэл төрвөл тэр даруй бич. Бичлэгээ хэд хэдэн удаа үзсэнийхээ дараа санамсаргүй бусдын хүртээл болохоос урьтаж устгаарай.

19. “Секс шоп”-оор цочлоод үз. Хэрэгтэй зүйлсээ худалдан ав. Энэ нь замбараагүй, эрээ цээргүй зүйл огт биш.

20. Харилцаагаа улам халуун эсвэл яг л хуучин шигээ байлгахыг хүсч байвал чөлөөт цагаараа том хүний кино үзэж, сексийн тухай зөвлөгөө, өгүүлэг уншиж байгаарай.

21. Шүршүүрт хамт ор. Нөхөр нь эхнэрийнхээ, эхнэр нь нөхрийнхөө дур булаам байдлыг энэ үед олж харж хамаг л дур хүсэл нь ундрах бүрэн бололцоотой.

22. Найз нөхдийнхөө дэргэд ч, хааяа ямар боломжгүй үед ч нөхөрлүүгээ, эхнэрлүүгээ ялдамаар мишээж, харцаараа өд.

23.  Аль аль нь дотуур хувцсаа үргэлж шинэчилж байх хэрэгтэй. Энэ нь шинэ мэдрэмж, сэрлийг өдөөж чадах багахан зүйл.

24.  Эцэст нь гэж хэлэхэд эхнэрийнхээ хөх, гэдэсийг унжиж хөгширсөн ч, нөхрийнхөө бэлэг эрхтнийг суларч, жижгэрсэн ч дур хүслээ хэзээ ч бүү мөхөө. Үргэлж сэтгэл зүрхэндээ халуухнаараа байхыг зөвлөж байна.