Өөрт нь хэлж чадахгүй болохоор энд захидал бичлээ

Сайн байна уу? Би одоо 21 настай эмэгтэй. Хэдэн сарын өмнө 1 залуутай танилцсан юм л даа. Тэр хүн минь 32-той эхнэр 1 охинтой ажил амьдрал нь тогтсон сайхан ч биш муухай ч биш залуу, гэхдээ надад маш их халамж анхаарал тавьдаг байсан. Анх надтай унтах гэж л холбоо тогтоосон л доо би гэхдээ тийм юм хүсдэггүй болохоор зүгээр энгийнээр сэтгэлээ хуваалцаж харьцдаг байя гэж тохирсон юм. Тийм байдлаар 7-8-н сар харьцахад би тэр хүнд хайртай болчихсон байсан. Тэр ч гэсэн надад хайртай гэж хэлдэг, их эрхлүүлдэг, халамжилдаг байсан.

Эхэндээ эхнэртэйгээ секс таардаггүй болхоор тэгж гэр бүлээс гадуурх харилцаатай байсан гэж ярьдаг байсан ч сүүлдээ эхнэртэйгээ зан ааш амьдрах байдлаараа ч сэтгэлээрээ ч нэг гэрт байж чадахаа байсан гэж ярьдаг болсон, тэгээд охиноо өөр дээрээ авчихвал би чамтай хамт баймаар байна гэж ярьдаг болсон, би маш их хайртай байсан болохоор их баярладаг байсан тэр үгсүүдэд нь…

Даанч эрчүүд бүгд адилхан байдаг юм байна, сарын өмнө тэр хүн надад нэг л өглөө баяртай ч гэж хэлэлгүй алга болчихсон, би ч хүүе хаая гэж яваагүй ээ. Хэдхэн сар ч гэсэн надад халамж мэдрүүлж хэцүү үеийг минь хуваалцдаг байсан чамд талархах гэсэн юмаа. Өөрт нь хэлж чадахгүй болохоор энд захидал бичлээ. Бид 2-т секс хийсэн нэг ч удаа байгаагүй болохоор муу муухай үг хэрэггүй болно ?