Үйлийн үр бидний амьдралд хэрхэн нөлөөлдөг вэ?

Үйлийн үр гэж юу вэ? Карма гэдэг нь өөрөө “үйлдэл” гэсэн утгатай санскрит үг аж. Энэ нь Ньютоны “Аливаа биед тодорхой хүчээр үйлчлэхэд, нөгөө бие ижил хүчээр эсрэг чиглэлд үйлчлэх” хуультай ижилхэн утгатай гэж ойлгож болно.

Бид бодох, ярих, үйлдэл хийх болгондоо түүнд үйлчлэх хүч, эргэх холбоог бий болгож байдаг. Гэвч тэрхүү хүч ихэвчлэн сөрөг, бараан мэдээллийг өөртөө тээж байдаг нь харамсалтай. Үүнийг өөрчлөх боломжгүй учраас бид аль болох зөв амьдарч, бусдад сайн санаж явах хэрэгтэй юм шиг…

1. Үйлийн үрэнд дуусах хугацаа гэж үгүй

Хүний хийсэн сайн муу үйлийн үрэнд эхлэх хугацаа гэж байхаас дуусах хугацаа гэж үгүй. Тиймээс та ямарваа үйлийг хийсэн бол энэ насандаа биш юмаа гэхэд ирэх нас, үр хүүхэддээ заавал хариуг нь хүртээнэ гэсэн үг. Зарим хүмүүс үүнийг ухаж ойлголгүй, өнөө маргаашийн ашиг, хонжооны төлөө бусдыг хорлох нь элбэг байдаг.

2. Үүнээс мултрах арга үгүй

Хүн үйлийн үрээс зугтах боломжгүй, зөвхөн өөрийн үйлийн үрийг л эдлэх жамтай. Үүнд үл итгэж, үл тоосноор түүнээс ангижрах боломжгүйн жишээг өөрийн биеэр туулж мэдэрдэг нь байгалийн хууль гэлтэй. Үйлийн үрээс айж суухын оронд, илүү зөв амьдарч, бусдын төлөө илүү их зүйл хийхийн төлөө хичээх хэрэгтэй.

3. Юу тарина түүнийгээ хураана

Энэ бол үйлийн үрийн төлөөс хэрхэн ирдэгийг ухааруулах мөртүүд билээ. Иймд зөв явж, үр хүүхдэдээ айх айдасгүй, амттай сайхан амьдралыг бэлэглэхийн тулд, үг үйлдэл бүртээ хичээн хандах нь чухал… Учир нь хувь тавилан гэдэг өөрөө хамгийн сайн “нягтлан бодогч” юм. Тэр хэнд юу өгснөө, хэн хэнээс юу авсныг, хэн хэнийг хэрхсэнийг хэзээ ч мартдаггүй. Тэр заавал хариуг нь өгдөг, бас төлбөрийг нь төлүүлдэг юм.

4. Үүнд шашин огт хамаагүй

Түүнийг амсаж, туулахын тулд үйлийн үрд итгэдэг байх шаардлагагүй. Бид хөлөө цохилоо гэхэд өвдөлтийг мэдрэхийн тулд шалтгаан ба үр дагаварт итгэх хэрэггүй. Хор бол амттайхан ундаа гэж бодсон ч түүнийг уувал бид үхнэ. Үүнтэй адил, бид тодорхой маягаар харьцсан ч гэсэн, шалтгаан ба үр дагаварт итгэсэн, итгээгүйгээс үл хамааран уг үйлдлийн үр дүн гарч л таарна.

5. Танд биш ч, үр хүүхдэд заавал ирдэг

Хүн нэг л амьдарна. Гэвч өөрт олдсон энэ хугацаагаа илүү гэгээлэг, сайхан байлгах нь бидний үр хүүхдэдээ өгч байгаа хамгийн чухал бэлэг гэлтэй… Хичнээн алдаагvй, баян цатгалан сайхан амьдарлаа ч vйлийн үр гээчид ороогдон, өвчин зовлон тусч явах нь мэдээж сайхан зүйл биш шүү дээ.

6. Үйлийн үр бидний яагаад зөв амьдрах хэрэгтэйг үргэлж сануулдаг

Хүн эхээс төрөхдөө маш цэвэр ариун төрдөг ба өсөх торнихын хирээр үйлийн үр гээчийг хурааж хуримтлуулсаар байдаг. Тэгвэл үйлийн үрийг өөрчилж чадах гол агуулга нь урьд тохиолдсон муу зүйлийг мартаж, баяр хөөр, аз жаргал, сайн сайхан бодлоор оюун ухаанаа цэнэглэж сайхан амьдарна гэсэн үг. Хүн аз жаргалаа өөрөө мэдэрч сурсанаар аз жаргалтай болно. Ингэхлээр аз жаргалтай байх эсэх нь өөрөөс чинь шалтгаалах болж байна. Хэрэв та аз жаргалыг хаа нэгтэйгээс хайж л эхэлвэл зовлон нэмэгдэнэ гэсэн vг.

7. Үргэлж муу зүйл байдаггүй

Мэдээж үйлийн үр гэхээрээ бүгд муу зүйлс гэсэн үг биш. Таны бусдад тусалсан сайхан сэтгэл, үйлдлийн хариу үр хүүхдэд тань ирж, тэднийг сайн сайхан явахад тусалж байдаг. Үйлийн үр гэдэг нь тухайн хүний хийсэн сайн, муу зүйлс эргээд өөртөө, үр хүүхдэд нь ирэхийн нэр учраас үргэлж сайн сайхан зүйлсийг бодож, үйлдэж байгаарай. Тэр нь эргээд танд асар их аж жаргал, тайвшралыг өгөх болно.

8. Хийсэн сайн үйл хэдэн мянга дахин үржигдэх болно

Хэрвээ та ядарсан хүнд өглөг хайрлаж, өлсөж ундаассан нэгэнд буян болсон бол, тухайн хүний баярласан сэтгэл, сайхан энерги нь эргээд танд хэдэн мянга дахин үржигдэж, замыг тань засан, мөрийг тань тэгшитгэх болно. Тиймээс энэ насандаа аль болох буян үйлдэж, өглөг хүртээж яваарай. Үр шим нь үр хойчдоо ч гэсэн ирдэг байна.

9. Зөв амьдрахад хэзээ ч оройтохгүй

Үйлийн үрэнд дуусах хугацаа гэж үгүй тухай бид дээр дурдсан. Тиймээс та нэгэнт оройтсон хэмээн бодолгүй, нэг хормын өмнөөс ч болтугай зөв сэтгэж, бусдад гай зовлон тарихгүй, энгийн мөрөөр амьдрах хэрэгтэй. Хэн бүхэнд сайн санаж, тус хүргэвэл түүний үр шим нь эргээд ирэх болно шvv дээ.

10. Хайр бол бүхний хариулт

Ер нь хэн бүхнийг энэрэн хайрлах, өрөвдөх сэтгэлээ гээхгүй, ямагт санаж явбал, хожим нь түүний үр шим, тус заавал хүрэх болно. Хэн нэгнийг өрөвдөж хайрласан сэтгэл хэзээ ч хар буруу байдаггүй. Тиймээс эргэлзээтэй, адармаатай бүхний хариулт бол зөвхөн хайр юм.